1. Mose 16:3 - O Debleskro Drom 2021 (Sinte)

³ Un o Abrameskri romni, i Sarai, las peskri budepaskretsa, i Hagar, kai dran o them Egiptia his, un das lat peskro romes Abram, te well li leskri romni. An ko tsiro djiwas o Abram deesh bersha an o them Kanaan.

O Debleskro Lab 2024 (Sinte-Manouche)

³ Oun o Abrameskri romni, i Saray, las peskri boudepaskretsa, i Hagar, kay dran o them Egiptia his, oun das lat peskro romes Abram, te vell li leskri romni. An ko tsiro djivas o Abram deesh bersha an o them Kanaan.

1. Mose 16:3 Referans Kwoze

1. Mose 16:5

Koi penas i Sarai ap o Abram: “Kai bibacht, hoi man hi, hi tiri doosh. Me dom tut miri budepaskretsa, te well li tiri romni. Kanna, kai joi haiwella, kai well li dai, hom me buder tchi moldo an lakre jaka. O baro Dewel mu well miro tchatchepaskro rai.”

Galatarja 4:25

I Hagar hi har i berga Sinai an Arabia. Jaake har kote i menshe ap o Moseskre laba pandlo wan, jaake hi kanna o foro Jerusalem peskre menshentsa ap o Moseskre laba pandlo.

1. Rajengro liil 11:3

Un les his 700 (efta-sheel) romja, kai wan dran rajengre khera, un 300 (triin-sheel) wawar djuwja. Un leskre djuwja rissran leskro dji.

2. Samuel 5:13

Har mukas o David o foro Hebron un djiwas an o foro Jerusalem, las lo peske budeder romjen un ninna wawar djuwjen. Un leske wan budeder tchawe un tcha boldo.

1. Mose 35:22

An ko tsiro har o Israel an ko them djiwas, djas o Ruben pash o Jakobeskri wawar romjate, i Bilha, un tchiwas pes pash late. Un o Jakob shunas kowa. O Jakobes his deesh-te-dui tchawe.

1. Mose 32:22

Jaake djan i budepangre i viechentsa glan o Jakobeste. Un job atchas i rati ap koi platsa.

1. Mose 30:9

Har i Lea dikas, kai las joi kek tchawe buder, das joi peskri budepaskretsa Silpa peskro romeste, te well joi leskri romni.

1. Mose 30:4

Un joi das les lakri budepaskretsa Bilha, te well joi leskri romni. Un o Jakob djas pash late.

1. Mose 28:9

Un o Esau djas pash o Abrahameskro tchaweste Ismael, un las peske koleskri tchat, i Machalat. Koja was leskri triinti romni. Lakro phraal his o Nebajot.

1. Mose 25:6

Un kol tchawen, kai leskre wawar romjendar bolde wan, das o Abraham kutch koowa pestar. An ko tsiro har job djiwas, bitchras lo len dur krik peskro tchawestar Isaak an ko them, hoi kote tchiddo hi, kai o kham pre-djala.

1. Mose 16:4

Un o Abram djas lah khetne. Un i Hagar was lestar an wawar koowa. Har i Hagar haiwas, kai well li dai, molas lakri rani an lakre jaka tchi buder.

1. Mose 16:16

Har o Ismael boldo was, his o Abram 86 (ochta-deesh-te-shob) bersha phuro.

1. Mose 21:21

Un job djiwas an ko mulo tato them, hoi kharella ‘Paran’. Un leskri dai las leske i romni dran o them Egiptia.