1. Mose 16:11 - O Debleskro Drom 2021 (Sinte)

¹¹ Tu hal an wawar koowa. Tu leh i mursh tchawo. Koles dess tu o lab Ismael. O baro Dewel shunas, har dal gole i bibachtjatar.

O Debleskro Lab 2024 (Sinte-Manouche)

¹¹ Tou hal an vavar koova. Tou leh i morsh čavo. Koles dess tou o lab Ismael. O baro Devel shounas, har dal gole i bibarhtyatar.

1. Mose 16:11 Referans Kwoze

2. Mose 3:7

Un o baro Dewel penas: “Me dikom har djungelo mire menshenge djala an o them Egiptia. Me shunom lengri gole, har dan i pralstune chale len dawa. Me prindjrau lengre duka.

Jesaja 7:14

Doleske dell o baro Dewel kanna kokres i sikepen, te sikrell lo, kai hi lo ap tumari rig: I terni tchai well wawartchandes un lell i mursh tchawes. Un koles dell li o lab Immanuel.

1. Samuel 1:20

te was li wawartchandes. Un har lakro tsiro was, las li i mursh tchawes, un das les o lab Samuel. Joi penas: “O baro Deblestar mangom les mange.”

1. Mose 17:19

“Na-a”, penas o Dewel, “tiri romni, i Sara, anell tuke i tchawes ap i phub. Koles dess tu o lab Isaak. Koleske un leskre tchawenge atchell kowa, hoi me tuha win krom hako tsireske.

Louka 1:63

Un job kamas, te anenn le leske tchomone, kai nai tchinas job pre. Un job tchinas: “Job kharell Johanni.” Koi kran lauter bare jaka.

Hiob 38:41

Koon hi kowa, kai dell o korakeske leskro chapen, te denn leskre tchawe pash o Debleste gole, un i bokatar kate te kote nashenna?

2. Mose 3:9

Me shunom i Israelengri gole un dikom, hoi i Egiptarja ap lende krenna. Jon phagenn len, fothe denn le len dawa.

Louka 1:31

Shun, tu weh an wawar koowa, un leh i tchawes. Koles dess tu o lab Jesus.

Louka 1:13

Koi penas o bolepaskro ap leste: “Ma traash, Zachari! O Dewel shunas tut, har tu mangal lestar, te well tumen i ternepen. Tiri romni Elisabet lella i mursh tchawes. Un koles dess tu ko lab Johanni.

Debleskri gili 22:24

Tumer, kai o baro Debles an-mangenna, sharenn les! Tumer lauter dran o kheer Jakob, hadenn les pre! Un darenn lestar, tumer lauter dran o kheer Israel!

1. Mose 37:25

Palle beshan pen le tele un chan. Dur glan lende dikan le Ismaelarja. Kolla wan dran ko them Gilead un djan an o them Egiptia. Len his khamele. Kolla hidjran kutch rukengro djet, hoi sungella mishto.

1. Mose 21:17

Un o Dewel shunas ko tchaweskri gole. Un o Debleskro bolepaskro das i Hagar gole dran o bolepen un penas ap late: “Hoi hi tut, Hagar? Ma traash! O Dewel shunas ko tchaweskri gole, kote kai job tchiddo hi.