1. Mose 15:9 - O Debleskro Drom 2021 (Sinte)

⁹ Koi penas o Dewel ap leste: “An mange i terni grumni – triin bersh phuro, i busni – triin bersh phuro un i bakro – triin bersh phuro, i diwji tauba un i wawar tauba!”

O Debleskro Lab 2024 (Sinte-Manouche)

⁹ Koy penas o Devel ap leste: “An mange i terni groumni – triin bersh phouro, i bouzni – triin bersh phouro oun i bakro – triin bersh phouro, i divyi tauba oun i vavar tauba!”

1. Mose 15:9 Referans Kwoze

Louka 2:24

Un o Josef un i Maria anan dui parne tchirkle glan o Debleste, jaake har kowa an i Moseskre lila tchinlo hi, te well i djuwel pale erligo.

3. Mose 14:30

Pal kowa marell o rashai koi jek tauba, hoi ko mensho anas – nai well i diwji tauba, nai well i wawar tauba –

3. Mose 14:22

dui diwje taube oder dui wawar taube. Koi jek well maredo, te well o pale-tchiddo koowa krik lino, koi wawar, te well li tseles chatchedo o baro Debleske.

3. Mose 9:2

un penas ap o Aron: “Le tuke i terno gurum un i mursh bakro, ko gurum, te well lo maredo, te well i doosh krik lino, un ko bakro, te well lo maredo, un leskro tselo mass o baro Debleske chatchedo. Kal dui hunte wenn sasto. Kolla an glan o baro Debleste:

3. Mose 3:6

Te kamell jek o baro Debleske i bakro oder i busni te anell, hoi chan i menshe khetne glan leste, palle nai well ko viecho i murshengro viecho har ninna i djuwjengro viecho. Kau viecho hunte well sasto.

3. Mose 3:1

Te kamell jek o baro Debleske i grumjat te anell, hoi chan i menshe khetne glan leste, palle nai well ko viecho i mursh grumni har ninna i djuwel grumni. Kau viecho hunte well gar nasselo.

3. Mose 1:14

Te kamell jek i tchirklo o baro Debleske te anell, te well ko tchirklo tseles leske chatchedo, palle anell lo i diwji tauba oder i wawar tauba.

Jesaja 15:5

Miro dji rowell pral o them Moab; lengre menshe nashenn penge jaake dur har o foro Zoar, jaake dur har Eglat-Shelishija. Hi sawe, kai djan pre ap o drom an Luhit o ropah. Wawar djan ap o drom an Horonajim, un denn bari gole i dukatar.

Debleskri gili 50:5

“Anenn mange mire menshen khetne, kai mantsa win kran, te wap me lengro Dewel, un mange viechen anan.”

3. Mose 12:8

Te hi li jaake tchorwelo, te nai anell li kek bakro, palle anell li dui diwje taube oder dui terne taube, jek, hoi o baro Debleske chatchedo well, un jek, hoi maredo well, te well o pale-tchiddo koowa latar krik lino. Jaake krell o rashai, te well li pale erligo.

3. Mose 9:4

Anenn ninna i gurum un i mursh bakro, te maras mer len glan o baro Debleste, un chan len kote khetne. Koi pashel anenn jarro, kai djet dren hi, te chatchras mer les o baro Debleske. Kau diwes hi ko diwes, kai o baro Dewel pes tumenge sikrell.”

3. Mose 1:10

Te kamell jek i bakro oder i busni o baro Debleske te anell, te well ko viecho tseles leske chatchedo, palle anell lo i murshkano viecho, hoi gar nasselo hi.

3. Mose 1:3

Te kamell lo leske i grumni te anell, te well li leske tseles chatchedo, palle hunte lell lo i murshkani grumni, hoi gar nasselo hi. Un job anell lat glan o wudar o Debleskro plachteno kherestar, te dikell o baro Dewel latches ap leste.

1. Mose 22:13

Koi dikas pes o Abraham trujel. Pal leste hi i bakro mank i burra. Leskre shinga hi an kal burra un job nai was gar win. O Abraham djas koi, las ko bakro, maras les un chatchras les o Debleske, gar peskro tchawes.

1. Mose 15:8

Koi penas o Abram: “Miro rai, baro Dewel, har djinau me, te well kau them miro?”

1. Mose 15:10

Un job anas leske kol tsele viechen un tchinas len mashkral khetne. Un tchiwas jek kotar ap kai rig, ko wawar kotar ap koi rig. Kokres i tchirkle tchinas job gar an kotja.

3. Mose 12:6

Pal kal diwessa, kai his li pale-tchiddo, anell li o rashajeske i bakro, hoi jek bersh hi glan o wudar o Debleskro kherestar. Ninna anell li leske i terni tauba oder i diwji tauba. O bakro well maredo un leskro tselo mass well chatchedo o baro Debleske. Un i tauba well maredo, te well o pale-tchiddo koowa krik lino.

Kamlepaskri gili 2:12

I blume djan pre an o them, O tsiro o gipaske hi koi, un i tchirkle mukenn pen te shunell an maro them.