1. Mose 15:5 - O Debleskro Drom 2021 (Sinte)

⁵ Un o Dewel anas les win un penas: “Dik an o bolepen! Un dik i bolepangre momlia! Nai peneh tu, har bud kolla hi? Jaake bud menshe wenna tutar.”

O Debleskro Lab 2024 (Sinte-Manouche)

⁵ Oun o Devel anas les vin oun penas: “Dik an o bolepen! Oun dik i bolepangre momlia! Nay peneh tou, har boud kolla hi? Yaake boud menshe venna toutar.”

1. Mose 15:5 Referans Kwoze

Hebrearja 11:12

Har o tchawo boldo was, his o Abraham ninna jaake phuro, te nai wals lo buder gar o dad i tchawestar. Un job was o dad bud bud menshendar. Leskre tchawe, tchawengre tchawe un lauter, kai pal leste wan, wan jaake bud har i bolepangre momlia, un har i tikne barra pash o baro pani, kai kek djinell, har bud kolla hi.

Remarja 4:18

O Dewel penas o Abrahameske: Tu leh i tchawes. Kolestar wenna bud bud menshe, jaake bud, te djiwenn le an bud themma. Ninna te dikas o Abraham tchi kolestar, hoi o Dewel leske penas, patsas lo o Debles.

5. Mose 1:10

Tumaro baro Dewel kras tumen jaake bud. Tumer han kau diwes jaake bud har kol momlia an o bolepen hi.

2. Mose 32:13

Ma biste tire budepangren, o Abraham, o Isaak un o Jakob! Kolenge dal tut sowel un penal: ‘Me mukau tumare tchawen budeder te well har i momlia an o bolepen. Kau tselo them, kai me penom, te well lo tumaro, dau tumare tchawende, te djiwenn le kote hako tsireske.’”

5. Mose 10:22

70 (efta-deesh) menshe his tumare phure, har le an o them Egiptia tele djan. Un kanna kras tumaro baro Dewel tumendar jaake bud har i bolepangre momlia.

Jeremia 33:22

Kek nai penell, kitse bolepangre momlia an o bolepen hi. Un kek nai penell har bud santa pash o baro pani hi. Jaake dau miro budepaskro o Davideste jaake bud tchawe, kai pal leste wenna, te djinell kek, har bud jon hi. Un ninna krau, te wenn i Levitarja bud bud, kai mire rashaja hi.

Debleskri gili 147:4

Job ginell i bolepangre momlia tele un kharell lengre laba.

1. Familjakro liil 27:23

O David mukas gar i laba kolendar pre te tchinell, kai his terneder har biish bersha. O baro Dewel penas bud bersha glan kowa, te krell lo i Israelitarjen jaake bud har i momlia an o bolepen.

1. Mose 12:2

Me kamau te well tutar i bari natsjona. Me tchiwau miri soor un miri bacht ap tute, un kamau tiro lab bares te krell. Un koi bacht, hoi me tut dau, djal dureder ap i wawar menshenge.

1. Mose 28:14

Jon wenna jaake bud har i tchik, hoi ap i phub hi. Un krau lengro them baro un buchlo ap hake rigja. Un koi bacht, hoi dau tute un tire tchawende, djal dureder ap i tsele menshende, kai ap i phub hi.

1. Mose 26:4

O Abraham shunas ap mande un kras kowa, hoi me leske penom. Job rikras pes ap mire laba un djiwas pal miro tchatchepen. Doleske krau me, te wenn tire tchawe jaake bud har i bolepangre momlia. Un me dau len kalla tsele themma. Un koi bacht, hoi dau tire tchawende, djal dureder ap i tsele natsjone, kai ap i phub hi.”

1. Mose 16:10

Palle penas o baro Debleskro bolepaskro ap late: “Me kamau tire tchawen, kai pal tute wenna, jaake bud te krell, kai nai djinell kek mensho, har bud jon hi.

1. Mose 13:16

Un me dau tut bud tchawen, kai pal tute wenna, – jaake bud har i tchik ap i phub. Kek mensho nai djinell, har bud tchik ap i phub hi. Jaake djinell nai kek, kitse menshe tutar wenna.

1. Mose 17:2

Me kamau tuha win te krell, te wap tiro Dewel, un tu un tire menshe wenn mire menshe. Un me dau tut bud bud tchawe, kai pal tute wenna.”

Josua 24:3

Un me lom tumaro dades Abraham dran ko them ap i wawar rig o panjestar Eufrat, un anom les an o them Kanaan, un mukom les kote trujel te djal, un mukom leskri familja bares te well. Un dom les o Isaak.

1. Rajengro liil 3:8

Un mange dal tu kol tsele menshen an o wast, kol menshen, kai tu tuke win rodal. Jon hi jaake bud te nai djinell kek, kitse jon hi.

Nehemia 9:23

Un lengre tchawen mukal tu budeder te well har i momlia an o bolepen, un anal len an ko them, kolestar tu ap lengre phurende penal, te djan le koi un lenn ko them dren.

Hiob 35:5

Dik pre, dik an o bolepen pre! Dik ap i wolke dur pral tute!

Jesaja 51:2

ap o Abraham, tumaro phuro dad un ap i Sara, tumari phuri dai! Len his kek tchawe, har dom o Abrahames gole. Un me tchiwom miri bacht un soor ap lende un dom len bud tchawen.

1. Mose 32:13

Tu penal: ‘Tchatchepah, kamau te wap tuke latcho. Kamau te krap tire tchawen, kai pal tute wenna, jaake bud har i tikne barra pash o baro pani, kolendar kek djinell kitse jon hi.’”