1. Mose 14:18 - O Debleskro Drom 2021 (Sinte)

¹⁸ Un o Melchisedek, ko rai pral o foro Salem, anas lenge maro un mool dran o foro. Job his i rashai ko Deblestar, kai hi o Dewel pral halauter.

O Debleskro Lab 2024 (Sinte-Manouche)

¹⁸ Oun o Melkisedek, ko ray pral o foro Salem, anas lenge maro oun mool dran o foro. Yob his i rashay ko Deblestar, kay hi o Devel pral halauter.

1. Mose 14:18 Referans Kwoze

Debleskri gili 110:4

O baro Dewel das pes sowel, un job las lat gar pale. Job penas: “Tu hal rashai hako tsireske, sawo har o Melchisedek his.”

Hebrearja 5:6

I wawar kopo penas lo lestar: Hako tsiro hal tu o baro rashai glan mande, un kreh koi budi jaake, har glan i rah tsiro o Melchisedek kras.

Hebrearja 5:10

Un o Dewel penas ap leste: Tu hal i baro rashai glan mande, har glan i rah tsiro o Melchisedek his.

Debleskri gili 76:2

An o them Juda prindjrell hakeno o Debles, an o tselo them Israel hi lo prindjedo.

Bičepangre 16:17

Koja las o Paules un men palla, un das gole: “Kalla mursha budrenn ko baro Debleske! Kalla sikrenn tumenge o drom pash leste.”

Debleskri gili 57:2

Kre tiro dji mange pre, miro Dewel! Kre tiro dji mange pre! Pash tute wau, te khatrap man. An tire mussja nashau, bis te kai bibacht krik djas.

Debleskri gili 7:17

Koi bibacht, hoi kamas lo ap i wawareste te anell, was ap leskro shero pale. Ko tchilatcho koowa, hoi kamas lo i wawareske te krell, peras ap leste pale.

Ruth 3:10

O Boas penas: “O baro Debleskri bacht well ap tute, latchi tchai! Tu sikral, te rikreh tu pash tiri familja kanna gomme latcheder un shukeder har tu kowa glanstunes kral. Tu nashal gar i terne murshenge palla – gar i brawelenge un witar gar i tchorwelenge.

Galatarja 6:10

Doleske kras latcho koowa jaake bud, har krah nai, hake menshenge, budeder kol patslenge.

Bičepangre 7:48

O baro Dewel djiwell gar an khera, kai i menshe kran pengre wastentsa. Kowa penas glan rah tsiro o Debleskro rakepaskro, o Jesaja:

Micha 6:6

Tumer putchenn: Har te wap glan o baro Debleste? Hoi te anap ko pralstuno Debleske? Har nai mangau les an? Anap leske grumja, hoi jek bersh phuro hi, te wenn le leske maredo un tseles chatchedo?

Debleskri gili 50:14

Kowa, hoi tutar kamau, hi, te parkress tut pash mande, tiro Debleste, un te rikress tiri sowel, hoi dal tu mande, o pralstuneste.

2. Samuel 2:5

koi bitchras job murshen pash lende un mukas lenge te penell: “O baro Debleskri bacht well ap tumende! Tumer kran tumaro dji pre tumaro baro rajeske, o Sauleske un paskran les.

Hebrearja 7:1

O Melchisedek his o baro rai pral o foro Salem, ninna o baro rashai o baro Deblestar. An ko tsiro djas o Abraham an o kurepen, un maras i bare rajen pengre lurdentsa. Har job pale was, djas o Melchisedek pash leste, un rakras o Debleskri bacht pral leste win.

Debleskri gili 104:15

i mool, hoi o mensheskro dji bachteles krella, o djet, hoi leskro mui shukar krella, un o maro, hoi o menshes soreles krella.

4. Mose 18:28

Jaake har hako wawar Israelitari della, jaake hunte denn ninna tumer man, o baro Debles, o deshto kotar lauterestar, hoi denn tumen kol Israelitarja. Tumaro kotar hunte denn kol rashajeste, o Aroneste.

4. Mose 24:16

Kowa penell, kai shunell o Debleskro rakepen, un koon djinella, hoi ko pralstuno krella. Me dikau, hoi o sorelo Dewel mange sikrell. Mire jaka wenn pre kerdo, te djau ap i tchanga.

Debleskri gili 76:3

An o foro Jerusalem was leskro kheer kerdo, kote ap i berga Zion djiwell lo.

Daniel 4:31

Un har kol bersha trujel djan, penas o Nebukadnezar: “Me hadom mire jaka pre pash o bolepen. Un me wom pale sasto an miro shero. Un me parkrom man pash o pralstuno Debleste. Les sharom un hadom, kai hako tsiro djiwella. Hako tsiro hi lo o pralstuno. Job hi un atchell o rai.