1. Mose 12:1 - O Debleskro Drom 2021 (Sinte)

¹ O baro Dewel penas ap o Abrameste: “Dja win dran tiro them! Muk tire menshen un tiro dadeskro kheer! Un dja an ko them, hoi me sikrau tute!

O Debleskro Lab 2024 (Sinte-Manouche)

¹ O baro Devel penas ap o Abrameste: “Dja vin dran tiro them! Mouk tire menshen oun tiro dadeskro kheer! Oun dja an ko them, hoy me sikrau toute!

1. Mose 12:1 Referans Kwoze

Hebrearja 11:8

Ninna o Abraham patsas, hoi o Dewel penas. Har job leske penas: Dja an ko them, hoi me dau tute un tire tchawende, koi shunas o Abraham ap leste, un djas dran peskro them win, un djinas gar, kai job djala.

Nehemia 9:7

Tu hal o baro Dewel, o Dewel, kai o Abrames win rodas, un anal les win dran o foro Ur dran o them Kaldea, un dal les o lab Abraham.

Jesaja 51:2

ap o Abraham, tumaro phuro dad un ap i Sara, tumari phuri dai! Len his kek tchawe, har dom o Abrahames gole. Un me tchiwom miri bacht un soor ap lende un dom len bud tchawen.

1. Mose 15:7

Un o baro Dewel penas ap leste: “Me hom o baro Dewel, kai anom tut dran o foro Ur, hoi an o them Kaldea hi. Kau them, kai tu kanna hal, dau tut, te well kowa tiro them.”

Ezekiel 33:24

Tu, mensho, kolla, kai an kol khetne dine forja an o them Israel djiwenn, penenn: “O Abraham his jek, un kowa las o tselo them peske dren. Mer ham bud, – tchatchepah, menge hi o them dino!”

2. Korintarja 6:17

Doleske penell o Dewel: Djan kolendar krik, kai sharenn wawar koowa! Ma awenn lentsa khetne! Lenn tchi an tumare wasta, hoi hi pale-tchiddo glan mire jaka! Palle lau tumen kamles pash mande pre.

Jesaja 41:9

Tu hal kowa, koles win lom dran i palstune themma ap kai phub. Fun dural dom tut gole un penom ap tute: Miro budepaskro hal tu, tut rodom win, un tchiwom tut gar ap i rig.

Debleskro tsiro 18:4

Un me shunom, har jek wawar dran o bolepen rakras un penas: “Mire menshe! Djan dran ko foro win, te lenn tumer gar leskri doosh un leskri bibacht ap tumende!

1. Mose 20:13

An ko tsiro, har o Dewel mange penas, te djap dran miro dadeskro kheer an i dur them, penom me ap late: ‘Jaake nashte sikreh mande, kai kameh man: Kote, kai mer wah, hunte peness tu, kai me tiro phraal hom.’”

1. Mose 24:4

Dja an miro dadeskro them, pash mire menshende! Kolengre tchendar le miro tchaweske Isaak i romjat!”

1. Mose 26:2

Koi mukas pes o baro Dewel o Isaakestar te dikell un penas ap leste: “Ma dja tele an o them Egiptia! Djib an ko them, kai me tuke penau.

Jesaja 37:12

Mire phure maran i menshen an wawar themma, un kolengre debla nai lan len gar win dran lengre wasta – kol menshen dran Gosan, Haran, Rezef, ninna kolla dran Eden, kai an o foro Telassar his.

1. Mose 24:7

O baro Dewel, o Dewel pral o bolepen, anas man win dran miro dadeskro kheer un miro dadeskro them, un rakras mantsa. Un das pes sowel, te dell lo mire tchawen kau them, kai kanna hom. Kowa bitchrell peskro bolepaskres glan tute, te less miro tchaweske i romjat mire menshendar.

1. Mose 24:38

Dja an miro dadeskro kheer un pash mire menshende. Kolendar le miro tchaweske i romjat.’

4. Mose 10:30

Koi penas o Hobab: “Me kamau gar tumentsa te djal. Me kamau an miro them un pash mire menshende te djal.”