1. Mose 1:9 - O Debleskro Drom 2021 (Sinte)

⁹ Un o Dewel penas, te well ko pani ap i phub khetne ap jek rig, te well o truk them diklo. Un jaake was kowa.

O Debleskro Lab 2024 (Sinte-Manouche)

⁹ Oun o Devel penas, te vell ko pani ap i phoub khetne ap yek rig, te vell o trouk them diklo. Oun yaake vas kova.

1. Mose 1:9 Referans Kwoze

2. Petro 3:5

Kol menshe kamenn gar te haiwell, kai kras o Dewel o bolepen un i phub glan i rah tsiro. Jaake har job penas, djas i phub win dran o pani un atchas ap jek rig tchiddo, un o pani ap i wawar rig.

Jona 1:9

Un job penas ap lende: “Me hom i Hebreari un mangau o baro Debles an, ko Dewel pral o bolepen, kowa kai kras o baro pani un ninna o them.”

Jeremia 5:22

Hi tumen kek traash mandar, putchell o baro Dewel. Trissenn tumer gar glan mande? Me krom, te atchell o baro pani ap jek platsa, un tchiwom santa koi glan. Koi hunte atchell o pani hako tsiro, un dureder nai nashell lo gar. Ninna te well ko pani jaake diwjo, un djal pral un tele, nai djal lo gar dureder.

Debleskri gili 95:5

Leskro hi o baro pani. Job kras les. Ninna o them, job kras les leskre wastentsa.

Sikepaskro 1:7

I tsele tikne panja nashenn an o baro pani. Un o baro pani well gar pherdo. Un o pani well pale kote, kai lo his, un kotar nashell lo pale.

Debleskri gili 33:7

Job rikrell i bare panja khetne har an i gono, un tchiwell i bare panja khetne har an i kheer.

Hiob 26:10

Job tchiwas i bogo pral o baro pani jek rigjatar ap i wawar, te well o diwes un i rati gar khetne.

Debleskro tsiro 10:6

un das pes sowel pash koleste, kai djiwella kanna un hako tsiro, kowa hoi o bolepen kras, un lauter, hoi an leste hi, ninna i phub un lauter, hoi ap late hi, un ninna o baro pani, un lauter, hoi an leste hi. Un o bolepaskro penas: “O tsiro hi trujel.”

Debleskri gili 104:3

un kral tuke i kheer pral i panja. Tu ulereh ap i wolke har ap i wurdin, un i winta hidjreh tut.

Hiob 26:7

O Dewel kras o bolepen buchles pral kowa, kai tchi hi, un pandas i phub kote pre, kai tchi hi.

1. Mose 1:8

Un o Dewel das o bolepen o lab ‘bolepen’. Un was rati un pale taissarlakro. Kowa his o duito diwes.

Nehemia 9:6

Tu, baro Dewel hal kokres o Dewel! Tu kral o bolepen un leskre tsele bolepangre momlia, un i phub un lauter, hoi ap late hi, ninna o baro pani un lauter, hoi an leste hi. Un tu kral, te djiwell kowa lauter. Un i tsele bolepangre an o bolepen witsrenn pen tele glan tute.