1. Mose 1:6 - O Debleskro Drom 2021 (Sinte)

⁶ Un o Dewel penas, te well o bolepen, un pani koi pral un pani koi tel. Un jaake was kowa.

O Debleskro Lab 2024 (Sinte-Manouche)

⁶ Oun o Devel penas, te vell o bolepen, oun pani koy pral oun pani koy tel. Oun yaake vas kova.

1. Mose 1:6 Referans Kwoze

Hiob 37:18

nai kreh tu o bolepen buchles pral i phub, har job kowa kras, te well o bolepen soreles har i dikepaskri?

Jeremia 51:15

Job, o baro Dewel, kras i phub peskri sorjah, un kras lat soreles an peskro goswepen, un kras o bolepen koi pral.

Debleskri gili 33:6

Dran o lab o baro Deblestar was o bolepen kerdo. Dran o ducho, hoi dran leskro mui djas, wan i tsele bolepangre momlia kerdo.

Debleskri gili 104:2

Har i baja tchiwal i bari momeli trul tute. Tu tserdal o bolepen buchlo har i bari plachta,

Debleskri gili 33:9

Job te rakrell, palle well, hoi job penas, jaake har lo kowa penas, jaake hi kowa koi tardo.

Debleskri gili 148:4

Tu, o pralstuno bolepen, share les! Tu, o pani, hoi pral o bolepen hi, share les!

Zakarie 12:1

Kawa hi o lab, hoi penas o baro Dewel pral o Israel: Kowa penell o baro Dewel, kai kras o bolepen buchlo un tchiwas i phub soreles tardo, un das o menshes o ducho.

Debleskri gili 19:1

I gili o rajeske pral i gipangre. O David kras kai gili.

1. Mose 1:20

Un o Dewel penas, te wenn bud vieche an o pani un bud tchirkle an o bolepen.

Hiob 26:13

Job phurdas i wolke krik, un o bolepen was shukar. Un leskro wast das ko sik panjeskro sap mules tchurje.

Debleskri gili 150:1

Halleluja! Sharenn o Debles an peskro baro kheer! Sharenn les, ko soreles an o bolepen!

Hiob 37:11

Job krell i wolke pharo un pherdo pani, un dran lende dell i jag karje.

Sikepaskro 11:3

Te hi i wolke pherdo pani, palle denn le brishin ap i phub. Un te perell i ruk – nai well ap i tchatchi rig, nai well ap i serwi rig – kote kai lo perella, kote atchell lo tchiddo.

1. Mose 1:14

Un o Dewel penas, te wenn momlia an o bolepen, hoi sikrenna: Kanna hi diwes, un kanna hi rati. Kolla sikrenna ninna: Kanna well nijal, kanna well o wend. Kanna well i baro diwes, kanna i newo bersh.

Jeremia 10:10

O baro Dewel hi o tchatcho Dewel, ko djido Dewel, kai hako tsireske o baro rai atchell. Te well job chojedo, trissell i phub, un i menshe nai rikrenn leskri choli gar win.

2. Petro 3:5

Kol menshe kamenn gar te haiwell, kai kras o Dewel o bolepen un i phub glan i rah tsiro. Jaake har job penas, djas i phub win dran o pani un atchas ap jek rig tchiddo, un o pani ap i wawar rig.

Jesaja 40:22

Job hi kowa, kai hi o rai pral i tseli phub. Un kolla, kai ap i phub djiwenn, hi glan leste har stepangre. Job hi kowa, kai tchiwas o bolepen pral i phub har i buchli plachta, har te krell jek i plachteno kheer, te nai djiwell lo dren.

Debleskri gili 19:2

O bolepen sikrella, har baro un railo o Dewel hi, un i bolepangre momlia sikrenna, hoi job lauter kras.