1. Mose 1:31 - O Debleskro Drom 2021 (Sinte)

³¹ Un o Dewel dikas halauter, hoi job kras, un tchatchepah halauter his mishto. Un was rati un pale taissarlakro. Kowa his o shobto diwes.

O Debleskro Lab 2024 (Sinte-Manouche)

³¹ Oun o Devel dikas halauter, hoy yob kras, oun čačepah halauter his mishto. Oun vas rati oun pale taysarlakro. Kova his o shobto dives.

1. Mose 1:31 Referans Kwoze

1. Timoteo 4:4

Lauter, hoi o Dewel kras, hi latcho. Un tchi hi pale-tchiddo, te parkrah men mer koleske pash o Debleste.

Debleskri gili 104:24

Baro Dewel, har baro un bud hi kowa, hoi tu halauter kral! Har gosewes kral tu halauter! I phub hi pherdo o tselo koowa, hoi tu kral.

2. Mose 20:11

An shob diwessa kras o baro Dewel o bolepen un i phub, o pani un halauter, hoi koi dren hi. Un o eftato diwes kras lo tchi. Doleske penas lo: Kau diwes hi i baro diwes mange. Kau diwes hi miro.

Debleskri gili 104:31

O Debleskro railepen mu atchella hako tsiro! Mu well lo bachtelo pral kowa, hoi job kras!

Ropaskre gilja 3:38

Kowa hi o Dewel pral halauter, kai penell, te well i bibacht un ninna i bacht.

Hiob 38:7

Har lo tchiddo was, giwan i tsele bolepangre momlia, hoi tsalla pre djan, un i bolepangre dan gole i bachtjatar.

1. Mose 2:2

Ap o eftato diwes his o Debleskri budi kerdo. Job budras buder gar. Halauter his kerdo.

1. Mose 1:23

Un was rati un pale taissarlakro, o pantchto diwes.

1. Mose 1:8

Un o Dewel das o bolepen o lab ‘bolepen’. Un was rati un pale taissarlakro. Kowa his o duito diwes.

1. Mose 1:5

Un o Dewel das o diwes ko lab ‘diwes’ un ap i rati penas job ‘rati’. Jaake was rati un pale taissarlakro. Kowa his o ersto diwes.

1. Mose 1:19

Un was rati un pale taissarlakro. Kowa his o starto diwes.

1. Mose 1:13

Un was rati un pale taissarlakro. Kowa his o triinto diwes.

1. Timoteo 4:5

O Debleskro lab krell, te nai chas hako chapen. Un mer parkrah men pash o Debleste koleske.

2. Mose 31:17

O Debleskro diwes hi i sikepen mange un mire menshenge, i Israelitarja, hoi hako tsiro atchella. An shob diwessa kras o baro Dewel o bolepen un i phub. Un o eftato diwes kras job tchi un las newi soor.

Debleskri gili 104:28

Tu deh len, un jon lenn les. Tu kreh tiro wast pre, un jon lauter wenn tchalo.

Debleskri gili 119:68

Tu hal latcho un kamlo. Sike mande, hoi tu mandar kameh!

Gosewe laba 16:4

Lauter, hoi o baro Dewel kras, hi tchomoneske, ninna kras lo o tchilatcho menshes ko diweske, kai i bibacht wella.

Sikepaskro 3:11

Hako koowa, hoi o Dewel krell, krell lo ap o tchatcho tsiro. Un job tchiwas o mensheske an o dji, te haiwell lo, kai hi tchomone koi, hoi atchell hako tsiro. Ninna te hi kowa jaake, nai haiwell o mensho gar ko tselo koowa, hoi o Dewel krell, kokres tikne kotja kolestar.

1. Mose 2:3

Un o Dewel penas: “Ko eftato diwes hi i baro diwes mange. Ko diwes hi miro.” Ap o eftato diwes his leskri budi halauter kerdo, un job budras buder gar.

5. Mose 32:4

Job hi maro sorelo rikepaskro. Lauter, hoi job krell, hi mishto. Leskre tsele dromma hi tchatcho. Maro Dewel rikrell peskro lab; an leste hi kek tchilatchepen. Chochepen djinell lo gar.