1. Mose 1:22 - O Debleskro Drom 2021 (Sinte)

²² Un o Dewel rakras latche laba pral lende win un penas: “Lenn bud terne, te wenn bud tumendar an o baro pani un bud tchirkle an o bolepen.”

O Debleskro Lab 2024 (Sinte-Manouche)

²² Oun o Devel rakras lače laba pral lende vin oun penas: “Lenn boud terne, te venn boud t'mendar an o baro pani oun boud čirkle an o bolepen.”

1. Mose 1:22 Referans Kwoze

1. Mose 8:17

Kol tsele vieche, kai pash tute hi, muk len win te djal: i tchirkle, i bare vieche, un i tikne vieche, kai djan pral i phub. Kamau, te lenn le tchawe, jaake te well lendar i phub pherdo.”

Debleskri gili 107:38

Un job das len bacht, un jon wan bud un budeder. Un job das len ninna bud viechen.

Hiob 40:15

Dik ap ko baro viecho, o Behemot, koles me krom, har me tut ninna krom! Job chal senlepen har i grumni.

1. Mose 1:28

Un o Dewel rakras latche laba pral lende win un penas: “Anenn bud tchawen ap i phub, te well i phub tumendar pherdo! Un awenn rai pral i phub! Awenn rai pral i matchende an o baro pani, pral i tchirklende an o bolepen, un pral hake viechende, hoi ap i phub hi!”

Hiob 42:12

Un o baro Dewel tchiwas budeder bacht ap o Hiob har glan kowa. Un job las 14.000 (deesh-te-star-serja) bakre un 6.000 (shob-serja) khamele un 2.000 (dui serja) grumja un 1.000 (jek sero) burike.

1. Mose 9:1

Un o Dewel rakras latche laba pral o Noah un pral leskre tchawende win un penas: “Anenn bud tchawen ap i phub, te well i phub tumendar pherdo!

Gosewe laba 10:22

Te tchiwell o baro Dewel peskri bacht ap tute, weh tu brawelo. Un kowa, hoi tu koi pashel kreh, hi tchitcheske.

Debleskri gili 128:3

Khere hi tiri romni. Un joi hi har i drakengro ruk, hoi bud drake hidjrella. Un tire tchawe hi beshdo trul tiri chapaskri har terne djeteskre ruka.

Debleskri gili 107:31

Jon hunte parkrenn pen pash o baro Debleste, te was lo jaake latches ap lende, un kras baro shukar koowa ap i menshende.

3. Mose 26:9

Me dikau latches ap tumende, un krau, te lenn bud tchawe, jaake te wenn bud. Un hoi man sowel dom, te dap tumende, rikrau dren.

1. Mose 35:11

Un o Dewel penas ap leste: “Me hom o sorelo Dewel. Me dau tut bud tchawe. Jaake bud menshe wenna tutar, kai lendar jek bari natsjona un bud wawar natsjone wenna. Ninna bare raja hi mank tire menshende.

1. Mose 30:30

Har wom pash tute, his tut gar bud vieche. Kanna hi tut bud. O baro Dewel tchiwas peskri soor un peskri bacht ap tiro koowa – ap halauter, hoi lom an miro wast. Kanna hunte budrap ninna mange un miri familjake.”

1. Mose 30:27

Koi penas o Laban ap leste: “Ab mange latcho un atch kai! Haiwau, kai o baro Dewel peskri soor un peskri bacht ap mande tchiwella jaake rah, har tu pash mande hal.

1. Mose 1:21

Jaake kras o Dewel bare panjengre viechen, un ninna hako wawar viecho, hoi an o pani hi, ninna hake tchirkle. Un o Dewel dikas, kai kowa mishto hi.

1. Mose 1:23

Un was rati un pale taissarlakro, o pantchto diwes.