1. Mose 1:11 - O Debleskro Drom 2021 (Sinte)

¹¹ Un o Dewel penas: “Mu well hako senlepen dran i phub win, an koleste hi tikno djob dren, jaake te well lestar pale newo senlepen. Mu wenna ninna ruka dran i phub win, kolendar hakeno peskre rukengre hidjrella. An kolende hi tikno djob, jaake te well lendar pale newe ruka baro.” Un jaake was kowa.

O Debleskro Lab 2024 (Sinte-Manouche)

¹¹ Oun o Devel penas: “Mou vell hako zenlepen dran i phoub vin, an koleste hi tikno djob dren, yaake te vell lestar pale nevo zenlepen. Mou venna ninna rouka dran i phoub vin, kolendar hakeno peskre roukengre hidjrella. An kolende hi tikno djob, yaake te vell lendar pale neve rouka baro.” Oun yaake vas kova.

1. Mose 1:11 Referans Kwoze

Hebrearja 6:7

Mer menshe ham har i phub, ap late bud kope o brishin das. O Dewel dikell latches ap koleste, kai hi har koi phub, hoi lell o brishin an peste dren, un anell latcho koowa win kolenge, kai budrenn koi.

Debleskri gili 147:8

Job tchiwell wolke ap o bolepen, dell brishin ap i phub, mukell o senlepen bares te well ap i berge.

1. Mose 1:29

Un o Dewel penas: “Shunenn, tumer nai chan halauterestar, hoi well baro ap i phub un an koleste tikno djob hi. Ninna i tsele rukengre, kai tikno djob an lende hi, dau tumen te chal.

1. Mose 2:9

Un o baro Dewel, maro rai, mukas bud ruka baro te well dran i phub. Kolla his shukar. Un lengre rukengre his latcho chapaske. Mashkral i baar his ko ruk tardo, kai della djipen, ninna ko ruk, kai della goswepen, hoi hi latcho un hoi hi tchilatcho.

Markus 4:28

I phub krell pestar, te well lauter baro. O senlepen well win, palle baro un bareder, un well pherdo tikno djob.

Mateo 6:30

O Dewel kras o senlepen jaake shukar, hoi kau diwes win tardo hi, un o wawar diwes an o bob witsedo wella. Kitse kope budeder nai dell lo tumen an-ripaske! Hoske hi tumaro patsepen jaake tikno?

Hiob 28:5

Pral ap i phub well djob baro. Un tella an i phub rissrenn le lauter trujel, jaake te dikell kowa win har pal i jag.

Debleskri gili 1:3

Kowa hi har i ruk, hoi tardo hi pash o pani. Ap o tchatcho tsiro wenn leskre rukengre baro. Un leskre patria atchenn senelo. Lauter, hoi job krella, djala mishto.

1. Mose 2:5

Ap ko tsiro, har o baro Dewel, maro rai, i phub un o bolepen kras, his kek ruka ap i phub, witar kek senlepen. O baro Dewel, maro rai, das kek brishin ap i phub. Un his kek mensho koi, kai budras ap i phub.

Jakobo 3:12

Mire phrala, i ruk, hoi hidjrella phabja, nai hidjrell kek brola. I ruk, kai hidjrell drake, nai hidjrell kek kirjasse. Jaake nai well kek londo pani dran o latcho pani win.

Mateo 3:10

Tumer han har ruka, kai wenna tele dino. I tower hi koi tchiddo, te well ko tselo ruk tele dino. Hako ruk, hoi hidjrella kek latcho koowa, well tele dino, un an i jag witsedo.

Jeremia 17:8

Kowa hi har i ruk, kai pash o pani tardo hi, un tchiwell peskre draba an o pani. Ninna te well o baro tatepen, hi les kek traash. Leskre patria atchenn senelo. Te well i bersh, kai dell kek brishin, hunte well les kek daar. Job mukell gar tele, te hidjrell lo rukengre.

1. Mose 2:16

Un o baro Dewel, maro rai, penas soreles ap o romeste: “Tu nai chah hako rukestar an i baar, har tu kameh.

1. Korintarja 15:38

O Dewel mukell les bares te well un jaake win te dikell, har job kamell. Un hako senlepen krell lo wawartchandes.

1. Mose 1:12

Un dran i phub was senlepen win. Hako senlepen mukas peskro tikno djob bares te well, jaake te well lestar pale newo senlepen. Ninna ruka wan baro. Hako ruk hidjras peskre rukengre, an kolende tikno djob hi, jaake te wenn lendar pale newe ruka baro. Un o Dewel dikas, kai kowa mishto hi.

Jesaja 61:11

Jaake har mukell i phub o senlepen pre te djal, un bares te well, jaake mukell o baro Dewel, maro rai, o tchatchepen pre te djal, un maro sharepen bares te well pash i menshende an i tsele themma.