1. Johanni 4:8 - O Debleskro Drom 2021 (Sinte)

⁸ O Dewel hi pherdo djijeskro kamlepen. Kones kek dji o wawareske hi, kowa prindjrell o Debles gar.

O Debleskro Lab 2024 (Sinte-Manouche)

⁸ O Devel hi pherdo djiyeskro kamlepen. Kones kek dji o vavareske hi, kova prindjrell o Debles gar.

1. Johanni 4:8 Referans Kwoze

1. Johanni 4:16

Mer haiwam ko tchatcho kamlepen, hoi o Debles menge hi. Un mer patsah, te kamell men o Dewel tchatchepah! O Dewel hi pherdo kamlepen. Koon an o Debleskro kamlepen atchella, kowa atchella o Debleha, un o Dewel atchell leha.

Debleskri gili 86:15

Tu, baro Dewel, hal i latcho Dewel, un kreh tiro dji tire menshenge pre. Tu weh gar sik chojedo, Tiro latchepen hi baro un tu rikreh pash tire menshende.

1. Johanni 4:7

Latche phrala un phenja, o djijeskro kamlepen wella o Deblestar. Doleske hunte well men i dji mare phralenge un phenjenge an o patsepen. Kolen, kai hi i dji i wawarenge, kolla hi o Debleskre tchawe, un prindjrenn o Debles.

2. Korintarja 13:11

Kanna, mire phrala, awenn bachteles, un awenn pale pale ap o tchatcho drom! Shunenn ap kol laba, hoi me tumenge penom. Rikrenn khetne un tchingrenn tumen gar! Un o Dewel, kai dell kamlepen un bacht an o dji, well tumentsa!

Debleskri gili 86:5

Tu hal latcho, miro baro Dewel, un leh i doosh krik. Tiro latchepen hi baro kolenge, kai ap tute gole denn.

Efesarja 2:4

Kanna kras men o Dewel djido. Les his i baro dji menge un kamas men o tselo djijestar. Mer, kai leske mulo hams, har djiwam an maro tchilatchepen, men kras job djido, jaake har job o Jesus Kristes djido kras. Job his jaake latcho ap mende, te las lo men dran o tchilatchepen win.

1. Johanni 1:5

Kowa, hoi tumenge penah, shunam o Jesus Kristestar. Lestar shunam, kai hi lauter latchepen an o Debleste. Un kek tchilatchepen hi an leste. O Dewel hi har o diwes un kek tamlepen hi an leste.

1. Johanni 3:6

Hakeno, kai atchell o Jesus Kristeha khetne, djiwell gar an o tchilatchepen. Koon an o tchilatchepen djiwella, kowa djinell tchi o Jesus Kristestar, un haiwas les gar.

1. Johanni 2:9

Koon penella: “Me djiwau o Debleha,” un krell peskro phraleske tchilatchepen, kowa djiwell gomme an o tchilatchepen. Kowa hi jaake, har te djiwell lo an i kali rat.

1. Johanni 2:4

Koon penella: “Me prindjrau o Debles”, un krell gar, hoi job penas, kowa hi i chocheno, un djiwell gar pal o tchatchepen.

Hebrearja 12:29

Ma bistrenn, maro Dewel hi jaake har i soreli jag!

1. Johanni 3:10

Hakeno, kai gar kowa krella, hoi hi tchatcho glan o Debleskre jaka, kowa hi gar o Deblestar. Witar gar hi kowa o Deblestar, kai peskro phrales gar o djijestar kamella. Ap kowa dikell hakeno, koon o Debleskre tchawe hi, un koon o bengeskre tchawe hi.