1. Johanni 2:12 - O Debleskro Drom 2021 (Sinte)

¹² Tchowale, me tchinau tumenge kau lab, te bistrenn tumer gar, kai o Jesus Kristo meras tumenge. O Dewel las tumari doosh tumendar.

O Debleskro Lab 2024 (Sinte-Manouche)

¹² Čovale, me činau t'menge kava lab, te bistrenn t'mer gar, kay o Yezous Kristo meras t'menge. O Devel las t'mari doosh t'mendar.

1. Johanni 2:12 Referans Kwoze

Bičepangre 10:43

Kolestar rakrenn i tsele Debleskre rakepangre an pengre lila. Jon penenn, kai lell o Dewel i doosh hakenestar krik, koon ap o Jesus Kristeste patsella.”

Bičepangre 13:38

Mire phrala, tumenge well kai diwes penlo, kai o Jesus kowa hi, kai lell tumari doosh tumendar. Tumaro tchatchepaskro, o Mose, nai las gar tumari doosh tumendar.

Efesarja 1:7

Har o Jesus Kristo ap o trushel meras, un peskro rat menge ratas, las lo mari doosh un phagi mendar. Jaake baro his leskro latchepen ap mende!

Bičepangre 4:12

Kek wawar har o Jesus kokres nai anell men pash o Debleste. Ap i tseli phub das o Dewel kek wawares, kai nai lell men dran o tchilatchepen un o merepen win.”

Debleskri gili 106:8

O baro Dewel sikras, te hi lo lengro Dewel, un was ap lengri rig, te sikrell lo peskri soor.

Kolossarja 1:14

kai plaissras menge peskro rateha, un las mari doosh mendar krik.

Debleskri gili 25:11

Baro Dewel, kre tiro lab baro, un le miri doosh mandar krik, hoi jaake bares hi!

1. Johanni 1:7

Mer te djiwah khetne o Debleha an o tchatchepen, jaake har o Dewel an o tchatchepen tardo hi, palle nai ham mer ninna lauter khetne an o tchatchepen. Un o rat leskro tchawestar thowell mari tseli doosh mendar tele.

1. Johanni 1:4

Kowa lauter tchinah tumenge, te wenn mare djia un tumare djia pherdo bacht.

Louka 24:47

Un an peskro lab hunte well i menshenge an hake themma penlo, te mukenn le pengro tchilatcho drom, un djan ap o Debleskro drom, jaake kai lell o Dewel lengri doosh lendar krik. Penenn kowa i menshenge an o foro Jerusalem, un palle an i wawar themma!

Louka 5:20

Un o Jesus dikas lengro patsepen, un penas ap ko mursheste, kai nasselo hi: “Tchawa, me lau tiri doosh tutar.”

1. Johanni 2:21

Me tchinom tumenge gar, har te prindjrans tumer o tchatchepen gar. Tumer prindjrenn les, un djinenn, kai kek chochepen dran o tchatchepen wella.

Jeremia 14:7

Baro Dewel, mari doosh hi glan mare jaka tardo. Bud kope djam tutar krik, un shunam gar ap tute. Ab pale ap mari rig, te dikell hakeno, har kamlo hal!

1. Johanni 2:7

Kamle phrala, ko lab, hoi me tumenge kate tchinau, te krenn kowa, hi tumenge tchi newo. Na-a, kowa hi i phuro lab. Tumer shunan ko lab, har tumer patslo wan, un djinenn les.

1. Johanni 2:1

Mire tchawe, me tchinau tumenge kowa, te krenn tumer kek tchilatchepen! Un jek te kras i tchilatcho koowa, jaake hi men i rakepaskro, kai well ap mari rig un rakrell mishto menge pash maro dadeste an o bolepen. Kowa hi o Jesus Kristo, kai an o tchatchepen glan o Debleste tardo hi.

1. Johanni 1:9

Mer te mangah men tele glan o Debleste, un penah leske, hawi doosh mer ap mende lam, palle krell lo, hoi job penas un lell i doosh mendar krik. Job hi latcho un tchatcho un thowell o tselo tchilatchepen mendar tele.

Efesarja 4:32

Awenn kamlo jek ap o wawareste, un lenn i dji o wawareske! Bistrenn o tchilatchepen, hoi o wawar ap tumende kras! Ninna o Dewel bistras tumaro tchilatchepen, har o Jesus Kristo tumenge meras.

1. Korintarja 6:11

Hi menshe mank tumende, kai kran sawo koowa. Kanna was tumari doosh tele thodo. Un tumer wan erligo kerdo glan o Debleste, un han tchatcho glan leskre jaka. Kowa lauter kras maro rai, o Jesus Kristo, un o Debleskro Ducho tumenge.