1. Johanni 1:3 - O Debleskro Drom 2021 (Sinte)

³ Kowa, hoi mer dikam un shunam, penah mer tumenge, te nai was mer tumentsa khetne an o tchatchepen. Un tchatchepah, mer ham khetne o Debleha, kai hi maro dad an o bolepen, un leskro tchaweha, o Jesus Kristeha.

O Debleskro Lab 2024 (Sinte-Manouche)

³ Kova, hoy mer dikam oun shounam, penah mer t'menge, te nay vas mer t'mentsa khetne an o čačepen. Oun čačepah, mer ham khetne o Debleha, kay hi maro dad an o bolepen, oun leskro čaveha, o Yezous Kristeha.

1. Johanni 1:3 Referans Kwoze

1. Korintarja 1:9

Kowa, hoi o Dewel penella, kowa rikrell job ninna. O Dewel das tumen gole, te wenn hako tsiro peskro Tchaweha, o Jesus Kristeha, khetne. Un kowa hi maro rai.

Johanni 17:3

Kowa hi ko djipen, hoi gar pre-herella: Te prindjrenn jon tut, kai tu hal o tchatcho Dewel, un te prindjrenn jon o Jesus Kristes, koles tu bitchral ap kai phub.

Bičepangre 4:20

Mer nai rikrah gar maro mui pral kowa, hoi dikam un shunam.”

Johanni 17:21

Me mangau tutar, te wenn le halauter jek, jaake har tu, tata, an mande hal, un me an tute hom. Jaake te wenn jon jek an mende, te patsenn i menshe, kai tu man bitchral.

Filiparja 2:1

Me djinau, tumer rakrenn i menshenge o Jesuseskre laba an o dji. Tumare laba wenna dran o kamlepen, un krenn lengre djia soreles. O Debleskro Ducho rikrell tumen khetne, un tumen hi i baro dji i wawarenge.

1. Johanni 1:7

Mer te djiwah khetne o Debleha an o tchatchepen, jaake har o Dewel an o tchatchepen tardo hi, palle nai ham mer ninna lauter khetne an o tchatchepen. Un o rat leskro tchawestar thowell mari tseli doosh mendar tele.

1. Johanni 1:1

Mer tchinah tumenge pral koleste, kai his hako tsiro koi. Mer shunam les, un dikam les. Awa, mer dikam les mare jakentsa, un tapram les mare wastentsa. Job hi ko lab, hoi o djipen della.

Hebrearja 3:14

Te rikrah soreles ap maro patsepen ap o Jesus Kristeste jaake rah, har djiwah, palle ham tchatchepah leskre.

Filiparja 3:10

Kamoms te prindjrap tchi wawar har o Jesus Kristes un o Debleskri soor, kai kras les i mulendar djido. Un me lau duka ap mande, jaake har job duka ap peste las, te wap jaake har job bis ap o merepen,

1. Petro 5:1

Kanna rakrau ap kolende, kai hi i phureder mank tumende. Me hom ninna i phureder, un dikom mire jakentsa, har o Jesus Kristo ap o trushel meras. Un ap ko diwes, kai well peskro tselo railepen diklo, hom me ninna pash leste. Tumenge penau soreles:

Hebrearja 3:1

Mire patsle phrala, o Dewel das tumen gole, te djiwenn pash leste an o bolepen. Doleske dikenn ap o Jesuseste, kones o Dewel bitchras, te anell lo i menshen ap leskro drom. Les hi peskro dadeskro wast. Un job hi maro baro rashai. Ap leste patsah mer. Job mangell o Debles menge.

Kolossarja 1:13

Job las men win dran i wasta kolestar, kai hi o rai pral o tamlepen un o tchilatchepen, te djiwas mer khetne peskro Tchaweha, koles job o djijestar kamella. Kowa hi maro rai,

Bičepangre 20:27

Me mukom gar tele, te penap tumenge halauter, hoi o Dewel tumenge kras.

1. Johanni 1:5

Kowa, hoi tumenge penah, shunam o Jesus Kristestar. Lestar shunam, kai hi lauter latchepen an o Debleste. Un kek tchilatchepen hi an leste. O Dewel hi har o diwes un kek tamlepen hi an leste.

Hebrearja 2:12

Un job penell ap o Debleste: Me sikrau mire phralende, koon tu hal. Un kote, kai jon khetne wenna, sharau tut un giwau gilja tuke.

1. Timoteo 6:2

Kol budepangre, kai hi len patsle raja, hunte dikenn gar tele ap pengre rajende. Na-a, jon hunte budrenn latcheder lenge. Kolla hi lengre phrala. Un o Dewel kamell len o djijestar. Un jon krenn ninna latcho koowa. Kowa pen i patslenge an o dji, te krenn le les!

Filiparja 1:7

Me nai sharau tumen jaake. Tumer han an miro dji un rikrenn mantsa khetne, ninna kanna, kai hom an o stilepen, un penau o latcho lab o Jesus Kristestar glan i tchatchepangre un sikrau lende leskro drom jaake, te djinenn le o tchatchepen.

Efesarja 3:6

Job sikras len, te nai wenn ninna kolla o Debleskre tchawe, kai kek bibolde hi, te djiwenn le leha khetne. O latcho lab o Jesus Kristestar hi ninna lenge, jaake har o Dewel glan i rah tsiro penas.

1. Korintarja 1:30

O Dewel kras, te wan tumer ap o Jesus Kristeskro drom. Kanna djinah, hoi tchatchepah goswepen hi. O Jesus Kristo kras men tchatcho glan o Debleste. Job rodas men win, te was leske koi, un las mari doosh mendar krik.

1. Tessalonikarja 1:10

Tumer dikenn ap ko diwes, kai well o Debleskro tchawo dran o bolepen pale. Kowa hi o Jesus, koles kras o Dewel i mulendar djido. Job lell men dran o Debleskri choli win, hoi pral i menshende wella.

1. Korintarja 15:1

Mire phrala, ma bistrenn o latcho lab o Jesusestar, hoi me tumenge penom! Tumer lan ko lab pre, un tumer djiwenn pal kowa.

Remarja 15:27

Kol lowe dan le pengro tselo djijestar. I patsle an o foro Jerusalem penan o Debleskro latcho lab kolenge, kai kek bibolde hi. Jaake hunte denn i patsle, kai kek bibolde hi, i biboldende lauter kowa, hoi hunte well len djipaske. Koja hi lengri sijaan.

Bičepangre 13:41

Jaake penas o Dewel: Tumer, kai rikrenn o Debles dineleske, krenn bare jaka i darjatar un merenn! Shunenn, me krau i baro koowa an tumaro tsiro. Kowa patsenn tumer gar, te penell tumenge kowa jek.”

Bičepangre 13:32

Un mer penah tumenge: Ko lab, hoi o Dewel mare phurenge penas, was kanna tchatcho, an kau tsiro, kai mer, lengre tchawe, djiwah. O Dewel kras o Jesuses i mulendar djido. An i duiti Debleskri gili hi tchinlo: Tu hal miro tchawo. Kau diwes wom tiro dad.

Bičepangre 2:42

Un hako tsiro wan le khetne un shunan, hoi o Jesuseskre bitchepangre lenge penan. Un jon chan o maro khetne, un mangan o Debles an.

Johanni 17:25

Tata, tu hal an o tchatchepen tardo! I menshe ap kai phub prindjrenn tut gar. Me prindjrau tut. Un kalla haiwan, kai tu man bitchral.

Johanni 17:11

An i tikno tsiro hom buder gar ap kai phub. Me wau pash tute. Jon hi ap kai phub. Miro dad, tu hal o baro Dewel, rike len an tire wasta, te atchenn jon pash tute, te wenn jon jek, jaake har mer ham!

Debleskri gili 22:22

Tserde man win dran o leweskro mui! Un le man krik glan i shinga diwje gurmendar! Tu shunal man.

Jesaja 66:19

Un me tchiwau i sikepen pre mank lende. Un kolendar, kai djides atchan, bitchrau me pash i menshende an themma Tarsis, Put un Lud, Meshech, Rosh, Tubal, Jawan un pash kolende dur wergel o baro pani, kai mandar gomme tchi shunan, un miro railepen gomme gar dikan. Un mire bitchepangre penenn kol menshenge, har railo me hom.

Debleskri gili 2:7

Kau baro rai penell: “Mukenn man tumenge kowa te penell, hoi o baro Dewel kamell te krell. Job penas ap mande: ‘Miro tchawo hal tu. Kau diwes wom tiro dad.’

Johanni 19:35

Un kowa, kai dikas kowa halauter, penas i wawarenge, hoi job dikas. Un kowa, hoi job penas, hi tchatcho. Un job djinella, kai job o tchatchepen penella, te patsenn tumer ninna.

2. Petro 1:16

Mer penam tumenge, te well maro rai, o Jesus Kristo, i bari sorjah pale. Kowa hi kek gosewi parmissa. Na-a. Mer dikam leskro baro railepen mare jakentsa.

4. Mose 10:32

Un te djah tu mentsa, krah mer tuke o latchepen, hoi o baro Dewel ap mende krella.”

Hiob 13:1

Kawa lauter dikan mire jaka, un shunan mire kanda. Un me haiwom les.