Zefanja 3:8 - O Debleskro Lab 2024 (Sinte-Manouche)

⁸ Doleske djinenn, penell o baro Devel, ko dives vell, kay vau me, oun rakrau o čačepen vin pral i phoub. Me lom mange glan, te anap i menshen khetne dran vavar themma ap i phoub, te čorap miri rholi pral lende vin. Ava, miri zoreli rholi, hoy rhačell har i yag, vell pral i tseli phoub oun rhal lat pre.

O Debleskro Drom 2021 (Sinte)

⁸ Doleske djinenn, penell o baro Dewel, ko diwes well, kai wau me, un rakrau o tchatchepen win pral i phub. Me lom mange glan, te anap i menshen khetne dran wawar themma ap i phub, te tchorap miri choli pral lende win. Awa, miri soreli choli, hoi chatchell har i jag, well pral i tseli phub un chal lat pre.

Zefanja 3:8 Referans Kwoze

Joel 3:2

An ko tsiro čorau miro dourho ninna vin pral i boudepangre, morsha har djouvya.

Zefanja 1:18

Lengro roup oun sonakay nay lell len gar vin dran koy bibarht ap ko dives, kay o baro Debleskri rholi pral lende vella. Leskri bari rholi vell har i yag pral o tselo them oun krell halauter paash. Sik vell o merepen pral halauter, kay kote djivenn.

Micha 7:7

Me kamau te dikap ap o baro Debleste, oun rikrau man ap leste, te vell lo ap miri rig. Miro Devel shounell miri gole.

Debleskri gili 27:14

Rike tout ap o baro Debleste tiro tselo djiyeha! Ab zoreles, oun ma traash, oun rike tout ap o baro Debleste!

2. Petro 3:10

Kek djinell o dives, kay maro ray Yezous pale vella. Ko dives vella yaake har i dre-phagepaskro vella. Palle djal o bolepen krik bari golyah. I bolepangre momlia rhačrenna krik. Ninna i phoub oun ko tselo koova, hoy ap i phoub hi, rhačrella pre.

Debleskro tsiro 16:14

Kolla triin benga krenn baro oun zorelo koova, oun djan pash i rayende pral i tsele themma, te anenn yon pengre lourden khetne, te djan le an o kourepen ap o Debleskro baro dives.

Mateo 25:32

Oun glan leste venn i tsele menshe dran hake themma khetne. Oun yob čivell len ap douy rigya, yaake har i bakrengro ray čivell i bakre ap yek rig oun i bouzya ap i vavar rig.

Habakuk 2:3

Ko tsiro hi kanna gar koy, te vell kova yaake, hoy sikrom touke. Kova vell čačo ap peskro tsiro. Tou nay djineh čačepah, kay kova yaake vella. An kal laba hi kek rhorhepen. Ninna te vell kova gar yaake sik, de yak, te vell kova. Hi čačo, hoy penau: Kova vella oun ačell gar krik.

Hosea 12:6

yob, o ray pral o bolepen oun i phoub, leskro lab hi baro Devel.

Jesaja 30:18

Doleske dikell o baro Devel ap ko dives, kay nay vell lo t'menge pale lačes, oun te nay krell lo peskro dji t'menge pre. O baro Devel hi i Devel, kay hako tsiro o čačepen krell. Barhtelo hi hakeno, kay ap leste dikell.

Kamlepaskri gili 8:6

Čin miro lab ap tiro dji! Mouk man har i goustri ap tiro vast te vell! Te kamenn pen douy, hi lengro kamlepen zoreles har o merepen, oun rikrell len pandles har o moulengro them. Len hi i dji yek o vavareske, hoy rhačell zoreles har i yag o baro Deblestar.

Gosewe laba 20:22

Ma le touke glan, te dess o čilačepen pale, hoy yek ap toute kras. Dik ap o baro Debleste! Kova lell tiro koova an peskro vast.

Debleskri gili 123:2

Yaake har i boudepaskro ap o vast peskro rayestar dikella, oun i boudepaskretsa ap i vasta peskri ranyatar dikella, yaake dikah mer ap maro baro Debleste, bis te krell lo menge peskro dji pre.

Debleskri gili 62:5

T'menge djal an o shero trouyel, har nay krenn te perap khetne. O rhorhepen hi t'menge shoukar. T'mare mouyentsa rakrenn t'mer i barht vin pral yekeste, oun an t'mare djia rakrenn i bibarht pral leste.

Debleskri gili 62:1

I gili o rayeske pral i gipangre, o Yedoutoun. Kay gili kras o David.

Debleskri gili 37:34

Dik ap o baro Debleste, te vell lo ap tiri rig! Oun ač ap leskro drom! Palle hadell lo tout oun dell tout ko them. Oun tou dikeh, har venn i čilače maredo.

Debleskri gili 37:7

Ač pokones oun dik ap o baro Debleste, te vell lo ap tiri rig! Ab gar rhoyedo pral koleste, kay leske mishto djala, ninna te hi les čilačepen an o shero.

Debleskri gili 12:5

oun penenna: “Mer hayvah te rakrell. Maro rakepah ham zoreles. Koon hi o pralstouno pral mende?”

Debleskro tsiro 16:1

Oun me shounom, har yek dran o Debleskro kheer bari gole das oun ap kol efta bolepangre penas: “Djan vin oun čorenn kol efta čare, kay pherdo Debleskri rholi hi, pral i phoub vin!”

Debleskri gili 79:5

Baro Devel, har rah ačell tiri rholi ap mende? Har rah rhačrell li har i yag?

Debleskri gili 79:6

Čore tiri rholi ap kol menshende vin, kay tout gar prindjrenna, ap kol themma, kay tout gar an-gole denna!

Jesaja 14:26

Yaake his kova an o Debleskro dji te krell lo ap i phoub. Oun leskro vast hadas lo pre, te dell lo i menshen an hake themma pengri phagi.

Jeremia 10:25

Tiri rholi mouk te vell pral kol menshende, kay kamenn toutar či djinell, pral kolende, kay tout gar sharenn! Har divye firhe vavar firhen rhan, yaake rhan yon o Yakobeskre menshen pre, bis te bouder či pral ačas, Oun dran leskro them kran yon i moulo them.

Haggai 2:22

Oun me vitsrau i beshepangre kol themengre rayendar trouyel oun lau lengri zoor krik. Lengre kourepangre vourdya vitsrau trouyel khetne kolentsa, kay koy pre beshenna. I graya oun i klissepangre merenna. Yek dell o vavares moulo.

Jesaja 34:2

O baro Debles hi i bari rholi ap i tsele themma lengre boud lourdentsa. Oun yob kras pash peste vin, te hounte merenn le, oun das len an i vasta kolendar, kay marenn len.

Jesaja 63:6

Oun me stakrom i menshen an vavar themma khetne an miri rholi. Oun yon van mato dran miro rholi. Oun me moukom lengro rat ap i phoub te nashell.