Zakarie 8:13 - O Debleskro Lab 2024 (Sinte-Manouche)

¹³ T'mer menshe dran o them Youda oun dran o them Israel, hans i menshenge an vavar themma har menshe, ap kolende i bibarht čiddo hi. Kanna krau t'mentsa yaake, te dikenn le miri barht ap t'mende. Doleske ma darenn! Krenn t'mare vasta zoreles!”

O Debleskro Drom 2021 (Sinte)

¹³ Tumer menshe dran o them Juda un dran o them Israel, hans i menshenge an wawar themma har menshe, ap kolende i bibacht tchiddo hi. Kanna krau tumentsa jaake, te dikenn le miri bacht ap tumende. Doleske ma darenn! Krenn tumare wasta soreles!”

Zakarie 8:13 Referans Kwoze

Zakarie 8:9

Kova penell o baro Devel, ko ray pral o bolepen oun i phoub: “Krenn t'mare vasta zoreles, t'mer, kay kanna shounenn kal emlige laba, hoy mire rakepangre penan an ko tsiro, kay i telstoune barra pre-čiddo van miro nevo khereske!

Zefanja 3:20

An ko tsiro anau t'men khere. oun anau t'men khetne. An ko tsiro dikenn t'mer: Me krau, te vell t'menge pale lauter mishto. Me krau t'men bares oun an-dikles an i tsele themma ap kay phoub. Kova penell o baro Devel.

Debleskri gili 72:17

Leskro lab mou ačell hako tsireske. Yaake rah har o kham ap o bolepen hi, mou vell leskro lab sharedo! Lestar mou vell lačepen ap i menshende an i tsele themma. Oun yon te rakrenn i barht pral leste vin.

1. Korintarja 16:13

Denn garda, te ačenn an o patsepen! Ma trashenn! Ačenn zoreles!

Ezekiel 5:15

Ava, yon san pral toute oun praasenn tout. Lenge vell traash, te dikenn le, har miri bari rholi pral toute vell, oun har djoungeles save menshenge djal, kay man moukan. An miri rholi anau tiri doosh ap toute pale. Me, o baro Devel, rakrom.

Jeremia 29:18

O kourepen, i bok oun o nasslepen lenn len palla. Oun i menshe dran i tsele themma ap kay phoub denn i vasta khetne pral o shero, te dikenn le len. An hako them, kay tradau len, dikenn le ap lende har ap praasede menshende, kolendar darenn le. Oun yon denn shol pral lende oun praasenn len.

Haggai 2:19

An t'mare djobengre khera ačell doha djob. I drakengre rouka hidjrenn pale drake, i faygetikre rouka hidjrenn fayge, i granatikre phabyengre rouka hidjrenn phabya, oun i djeteskre rouka hidjrenn djeteskre drake. Kava divesseha čivau miri barht oun miri zoor ap t'maro them.

Daniel 9:11

Oun o tselo Israel djas tiro dromestar tele, oun kras, hoy yob kamas, oun shounas gar ap toute. Oun yaake vas koy tseli bibarht pral mende, hoy činlo hi an o liil o Mosestar, koles tiro čačo vast his. Mer kram čilačepen ap toute. Doleske vas kay bibarht yaake pral mende, har tou tout sovel dal.

Jeremia 24:9

Me anau savi bibarht pral lende, te ačell i menshenge an i tsele themma ap kay phoub o rakepen krik. Kote, kay len tradau, venn le sapaske oun praasepaske. Te kamell yek o vavares te praasell, penell lo: Touke te djal har kol menshenge dran Yerusalem oun Youda!

1. Mose 26:4

O Abraham shounas ap mande oun kras kova, hoy me leske penom. Yob rikras pes ap mire laba oun djivas pal miro čačepen. Doleske krau me, te venn tire čave yaake boud har i bolepangre momlia. Oun me dau len kalla tsele themma. Oun koy barht, hoy dau tire čavende, djal doureder ap i tsele natsyone, kay ap i phoub hi.”

Jeremia 42:18

Doleske penell o baro Devel, ko ray pral o bolepen oun i phoub, kay o Israeleskro Devel hi: Te djan t'mer an o them Egiptia, vell miri zoreli rholi yaake pral t'mende har vas li pral i menshende an o foro Yerusalem. An o them Egiptia han har praasede menshe. Pral kolende denn le i vasta khetne pral o shero. Yon san pral t'mende. Oun te kamenn le yekes te praasell, penenn le: Mou djal touke har i Israelenge an o them Egiptia! Oun kava them, kay kanna han, dikenn t'mer bouder gar.

Debleskri gili 79:4

Mer ham praasedo kolenge, kay troul mende djivenn, ham lenge sapaske, oun yon rikrenn men dineleske.

Ezekiel 37:11

Oun yob penas ap mande: Tou, mensho, i Israelitarya hi har kal moule kokale. Kanna penenn le: “Mare kokale hi trouk, oun halauter hi nashedo, mentsa hi trouyel.”

Debleskri gili 44:16

O tselo dives hi miri ladj glan mande, oun miro mouy rhačrell glan ladj.

5. Mose 28:37

Te dikenn i menshe an i themma, hoy troul t'mende hi, har t'menge djal, ačell lenge o rakepen krik i trashatar pral kova. Oun yon rakrenn oun sanenn pral t'mende.

Galatarja 3:14

Oun kova kras o Yezous Kristo, te vell o Debleskri zoor pash i tsele menshende, yaake har o Devel glan i rah tsiro o Abrahameske penas. Kanna nay lah mer lauter o Debleskro Dourho, te patsah mer ap o Yezouseste.

Zakarie 9:13

Me kourau man i lourdentsa dran o grichtikro them. I menshe dran Youda hi miro kourepaskro bogo. I menshe dran Israel hi mire fayle, oun kol morsha dran Yerusalem hi miro rharo, koleha len dau.

Ropaskre gilja 4:15

“Djan t'menge, t'mer pale-čidde”, dan le lenge gole. “Djan t'menge, djan t'menge! Ma taprenn ap čomone!” Yaake nashan le penge, oun djinan gar, kay te djan. An i vavar themma vas lenge penlo: “Pash mende nay ačenn gar!”

Jeremia 44:22

oun yob nay dikas bouder gar, har djan ap t'maro čilačo drom oun kran savo djoungelo koova! Doleske vas t'maro them i moulo them. I menshe, kay shounenn kolestar, denn i vasta pral o shero khetne. Oun te kamenn le yekes te praasell, penenn le: Mou djal touke har o themeske Youda! Kek mensho djivell bouder koy. Yaake hi kova kava dives!

Jeremia 44:12

Me moukau kekes te djivell kolendar, kay ačan djido an o them Youda, oun kay djan an o them Egiptia, te djivenn le kote. Yon halauter hounte merenn kote an o them Egiptia. O rhareha venn le maredo, oun i bokatar merenn le: i tikne oun i bare. Te dikenn vavar menshe, har lenge djal, hi le lenge har praasede menshe, kolendar darenn le. Yon san pral lende. Oun te kamenn le yekes te praasell, penenn le: Mou djal touke har i Israelenge an o them Egiptia!

Jeremia 33:24

Shounal tou, hoy kal menshe rakran: “I menshe dran kol douy khera, dran o kheer Youda oun dran o kheer Israel, kolen o baro Devel peske vin rodas, kolendar kamell lo bouder či te djinell.” Oun yon dikenn tele ap mire menshende. An lengre yaka hi yon bouder kek natsyona.

Jeremia 26:6

palle krau kava khereha har ko khereha an Shilo. Oun me krau, te penenn i vavar menshe, te kamenn le yekes te praasell: Mou djal touke har o foreske Yerusalem!

Jeremia 25:18

Kolla his i menshe pengre bare rayentsa oun pralstunentsa an o foro Yerusalem oun an kol vavar forya an o them Youda. Yon hounte piyenn, te venn le khetne dino oun paash kerdo, yaake te denn i vavar menshe i vasta khetne pral o shero oun rakrenn lendar har praasede menshendar.

Micha 5:7

Kolla, kay ačan pral o Yakobeskre menshendar, hi i menshenge an i vavar themma har i levo mank i vavar firhende an o veesh, har i terno levo mank i bakre. Yob perell pral lende, marell len oun dandrell len khetne. Oun kek nay rikrell les pale.

Jesaja 43:28

Doleske čivom tire rashayen pale. Oun moukom menshen dran vavar themma pral toute vell, te vess paash dino, Yakob. Oun krom, te van t'mer Israelitarya praasedo.

Ezekiel 34:26

Oun me čivau miri barht ap lende oun ap o tselo them, hoy troul miri berga hi. Oun dau brishin an o čačo tsiro. Kava lačo brishin krell,

Haggai 2:5

Me dom t'men miro lab, har tserdan vin dran o them Egiptia. Me ačau pash t'mende. Ma darenn!

Zakarie 8:15

Kanna kamau lačepen te krell ap o foro Yerusalem oun ap o kheer Youda. Doleske ma darenn!

Zakarie 14:11

Kote, an o foro Yerusalem djivenn boud menshe. Kek vella, te dell lo o foro paash. I menshe kote nay djivenn kek daryah.

5. Mose 26:19

Oun yob krell, te veh tou o pralstouno pral i tsele vavar natsyone, hoy yob kras, te vess hadedo, sharedo oun raylo. T'mer venn o baro Debleskre menshe, kay leske kokres koy hi, oun kek vavareske har lengro Debleske. Kova penas yob.”

Zefanja 3:16

An ko tsiro vell penlo ap i menshende an o foro Yerusalem: Ma trashenn t'men, t'mer an Yerusalem! Ma moukenn t'mare vasta tele te perell!