Zakarie 6:8 - O Debleskro Lab 2024 (Sinte-Manouche)

⁸ Palle das o bolepaskro gole ap mande: “Kol graya, kay djan ap o servo drom, hoy djal an o them Babilonia, kolla kran, hoy o baro Devel kote kamas te krell.”

O Debleskro Drom 2021 (Sinte)

⁸ Palle das o bolepaskro gole ap mande: “Kol graja, kai djan ap o serwo drom, hoi djal an o them Babilonia, kolla kran, hoi o baro Dewel kote kamas te krell.”

Zakarie 6:8 Referans Kwoze

Ezekiel 5:13

Te moukom miri tseli rholi ap t'mende vin, oun dom t'men pale, hoy kran, palle djal miri rholi krik, oun hom bouder gar rhoyedo pral t'mende. Oun t'mer djinenn, te homs me, o baro Devel, kay das t'men trad o tselo djiyeha.

Zakarie 1:15

oun man hi i bari rholi pral i pre-phourde themma. Miri rholi ap mire menshende his gar yaake baro, har kova, hoy kol vavar themma lentsa kran.”

Ezekiel 24:13

Yerusalem, kova, hoy kras tout pale-čiddo, hi tiro vi-ladjedo koova. Har kamom me ko pale-čiddo koova toutar krik te lell, kamal te ačell har hals. Doleske ačeh pale-čiddo, yaake rah me miri rholi ap toute vin moukom!

Ezekiel 16:63

Me lau tiri tseli doosh toutar krik, hoy ap toute anal. Te vell touke palle tiro phouro djipen an o shero, ladjeh tou, oun nay kreh tiro mouy bouder gar pre i ladjatar. Kava penau me, o baro Devel, tiro ray.

Ezekiel 16:42

Palle djal miri tati rholi pral toute krik, oun miro dji doukrell man bouder gar, oun hom bouder gar rhoyedo pral toute.

Jesaja 48:14

Avenn t'mer lauter khetne, oun shounenn! Kek t'mare rhorhene deblendar penas kova glan-vi: Me, o baro Devel, rodom o Cyrus vin, te krell lo o themeha Babilonia, hoy kamau, oun te sikrell lo miri zoor ap kolende an o them Kaldea.

Jesaja 1:24

Doleske penell o baro Devel, ko ray pral o bolepen oun i phoub, kay hi o Israeleskro zorelo Devel: Dikenn t'men glan! Me dau t'men pale, hoy ap mande kran, t'men, kay kamenn man gar. Miri bari rholi vell pral t'mende, kay krenn lauter vavarčandes, har me kamau.

Sikepaskro 10:4

Te vell o rayeskri rholi pral toute, palle ma dja toutar; yek kay hayvell te rikrell lo pes pale, rakrell yaake, te djal i rholi krik.

Čačepangre 15:7

Oun o Simson penas ap lende: “Te krenn t'mer savo koova, palle dau me gar palla, bis te dom t'men lauter pale.”

Čačepangre 8:3

An t'maro vast das o Devel kol pralstunen pral o Midian: o Oreb oun o Seeb. Oun hoy nay krom me? Te dikeh yek ap kova, hoy t'mer kran, krom me nay yaake boud har či!” Oun har yob yaake lentsa rakras, djas lengri rholi pale.