Zakarie 14:17 - O Debleskro Lab 2024 (Sinte-Manouche)

¹⁷ Te hi yek them ap kay phoub, dran koleste venn le gar an Yerusalem, te sharenn le o baro Debles, ko rayes pral o bolepen oun i phoub, palle dell kek brishin ap ko them.

O Debleskro Drom 2021 (Sinte)

¹⁷ Te hi jek them ap kai phub, dran koleste wenn le gar an Jerusalem, te sharenn le o baro Debles, ko rajes pral o bolepen un i phub, palle dell kek brishin ap ko them.

Zakarie 14:17 Referans Kwoze

Jeremia 14:4

I phoub hi trouk oun dell gole pal brishin. Doleske hi kol harhenge ropaske, oun khatrenn pengro mouy.

Jesaja 60:12

Kol themma, kolengre menshe kamenn gar touke te boudrell, venn paash stakedo, oun lengre menshe maredo, te ačell či lendar pral.

Debleskro tsiro 11:6

Len hi i zoor, te rikrenn le o brishin pale, yaake te dell kek brishin ap ko tsiro, kay yon o Debleskro lab penenna. Oun len hi i zoor pral o pani, te nay krenn le dran kol tsele panya rat. Ninna hi len i zoor, te nay anenn le haki bibarht pral i phoub, yaake boud kope, har yon kamenna.

Jakobo 5:17

O Eliya his i mensho har mer. Yob mangas o Deblestar, te dell kek brishin. Oun koy das kek brishin ap i phoub triin bersha oun shob čon.

5. Mose 11:17

Te krenn savo koova, nashte vell i rholi o baro Deblestar pral t'mende, oun yob pandell o bolepen tele, te dell bouder gar brishin, oun i phoub nay moukell či pre te djal. Palle merenn t'mer sik vin an kava lačo them, hoy o baro Devel t'men das.

Zakarie 14:16

Oun kolla, kay djides ačan kol menshendar dran i themma, kay his an o kourepen o foreha Yerusalem, kolla venna hako bersh an Yerusalem, te sharenn le o baro rayes an Yerusalem. Yob hi o baro Devel, ko ray pral o bolepen oun i phoub. Kote an Yerusalem kamenn le ninna kol bare divessa te rikrell, kay i menshe an patyengre khera djivenn.

Amos 3:2

Mank i tsele natsyone ap kay phoub han t'mer kokres kolla, kolen mange vin rodom, oun ap lende yak dom. Doleske hi t'mari doosh yaake baro, oun me hounte dap t'men i phagi.

Jeremia 14:22

Kek devel, koles i menshe an vavar themma an-mangenna, nay bičrell brishin! Vitar gar dell o bolepen dran peste brishin! Na-a, maro baro Devel, tou hal kova, kay krell savo koova. Doleske dikah ap toute.

2. Familjakro liil 6:26

Te moukenn tire menshen Israel tiro drom, oun tou rikreh doleske o brishin pale, oun yon denn tout an-gole oun rissrenn lengre mouya ap koy rig, kay kava kheer tardo hi, oun mangenn pen tele glan toute oun moukenn o čilačepen, koleske tou len dal,

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

1. Mose 28:14

Yon venna yaake boud har i čik, hoy ap i phoub hi. Oun krau lengro them baro oun bourhlo ap hake rigya. Oun koy barht, hoy dau toute oun tire čavende, djal doureder ap i tsele menshende, kay ap i phoub hi.

1. Mose 12:3

Kolla kay penenna, te vell tout boud barht, ap kolende čivau miri barht. Oun kolla, kay penenna, te vell tout bibarht, ap kolende anau ninna bibarht. Koy barht, hoy me tout dau, djal doureder ap i tsele menshende, kay ap i phoub hi.”

1. Mose 10:32

Kolla hi halauter i menshe, kay venna o Noaheskre čavendar. Lengre laba hi yaake pre činlo, te vell diklo, koon lengro dad hi, oun have menshe lendar venna. Kol menshendar venna i tsele menshe ap i phoub pal o baro pani.

Jeremia 10:25

Tiri rholi mouk te vell pral kol menshende, kay kamenn toutar či djinell, pral kolende, kay tout gar sharenn! Har divye firhe vavar firhen rhan, yaake rhan yon o Yakobeskre menshen pre, bis te bouder či pral ačas, Oun dran leskro them kran yon i moulo them.

Jesaja 45:23

Me dom man sovel pash mande kokres, oun hoy penom, hi čačo oun nay vell gar krik lino: Hakeno hounte vitsrell pes glan mande ap i phoub, oun hako mouy dell pes sovel

Jesaja 5:6

Oun me moukau ko them čiddo, har lo hi. I rouka venn gar pale činlo, oun i phoub gar trouyel vitsedo. Palle venna soubyengre bourra oun soubyengro zenlepen bares koy pre. Oun me penau o brishineske, te perell lo gar koy tele.

2. Familjakro liil 7:13

Shoun, te bičrau i tsiro, kay dell kek brishin, kay rhan i stepangre o tselo zenlepen ap o them pre, oder kay bičrau i djoungelo nasslepen ap mire menshende,

1. Rajengro liil 8:35

Te moukenn tire menshen Israel tiro drom, oun tou rikreh doleske o brishin pale, oun yon denn tout an-gole oun rissrenn lengre mouya ap koy rig, kay kava kheer tardo hi, oun mangenn pen tele glan toute oun moukenn o čilačepen, koleske tou len dal,

Jesaja 18:7

An ko tsiro venna kol morsha, kay yaake baro oun djeteha dren maklo hi, dran koy natsyona, kolendar i menshe darenna an hake themma, kolla, kay bari zoryah i vavarende khetne stakrenn, oun an kolengro them bare lengste panya nashenna. Yon venna oun anenn kouč koova o baro Debleske, ko rayeske pral o bolepen oun i phoub. Kova anenn le pash i berga Sion, kote kay yob khere hi.

Jeremia 14:3

Kol bravele bičrenn pengre boudepangren pal pani. Kolla djan pash i brounna, oun hatsenn kek pani. Lengre khore anenn le kek panyeha pale. Lenge hi ropaske, oun khatrenn pengro mouy i ladjatar.

Zakarie 14:9

Palle hi o baro Devel o ray pral i tsele themma ap i phoub. An ko tsiro hi yob kokres o Devel. Les kokres mangenn le an.