Zakarie 14:10 - O Debleskro Lab 2024 (Sinte-Manouche)

¹⁰ O tselo them Youda vell i bourhlo telstouno them mank o foro Geba oun o foro Rimmon, hoy hi čačes o forestar Yerusalem čiddo. O foro Yerusalem ačell pralstounes čiddo, oun djal o voudarestar Benyamin bis kote, kay o ersto voudar his, oun kotar doureder bis pash o voudar, kay i rigya khetne venna, oun foun o turmo Hananel bis kote, kay i mool dran i drake o baro rayeske kerdo vas.

O Debleskro Drom 2021 (Sinte)

¹⁰ O tselo them Juda well i buchlo telstuno them mank o foro Geba un o foro Rimmon, hoi tchatches o forestar Jerusalem tchiddo hi. O foro Jerusalem atchell pralstunes tchiddo, un djal o wudarestar Benjamin bis kote, kai o ersto wudar his, un kotar dureder bis pash o wudar, kai i rigja khetne wenna, un fun o turmo Hananel bis kote, kai i mool dran i drake o baro rajeske kerdo was.

Zakarie 14:10 Referans Kwoze

Zakarie 12:6

An ko tsiro krau, te venn i pralstoune an Youda har i yagakro čaro mashkral an o veesh, oun har i yag mank o phouss, hoy rhačell ap haki rig. Oun yon rhan kol tsele natsyone trouyel pre. O foro Yerusalem ačell kay lo hi.”

Josua 15:32

Bet-Lebaot, Shilhim, Ayin oun Rimmon. Kolla hi 29 (biish-te-enya) forya, oun koy pashel gomme lengre gaba.

Jeremia 37:13

Har yob pash o Benyamineskro Voudar vas, his kote i lourdo, kay das garda, koon dren te vin nashella. Kova kharas Iria, leskro dad his o Shelemya, koleskro dad his o Hananya; o Iria das garda ap ko voudar, oun rikras o Yeremiyes peske vastentsa pre, oun penas: Tou kameh pash i Babilonarya vergel te nashell.

Jeremia 30:18

Kova penell o baro Devel: Me anau mire menshen pale khere an pengro them, oun krau miro dji haki familyake pre. Oun o foro Yerusalem vell pale pre-čiddo ap peskre berge, oun o baro rayeskro zorelo kheer kote, kay lo tardo his.

1. Rajengro liil 15:22

O baro ray Asa moukas an o tselo them Youda vin gole te dell, te vell hakeno an o foro Rama, – kek nay ačas khere – te hidjrenn le kol barra oun ko kasht krik, hoy o Baasha kote khetne anas, te krell lo o foro zorleder. Oun kal barrentsa oun kava kashteha moukas o baro ray Asa kol forya Mispa oun Geba zorleder te krell. O foro Geba hi an o them Benyamin.

Zakarie 2:4

Koy poučom lestar: “Hoy kamenn le te krell?” Yob penas: “Yon van, te denn le kol shinga tele. Kal natsyone djan ap i menshende an o them Youda pre oun tradan len krik. Oun kal star van, te krenn le lenge bari daar oun lenn lenge lengri zoor krik.”

Jeremia 38:7

An o baro rayeskro kheer his i pralstouno dran o them Etiopia. Leskro lab his Ebed-Melek. Kova shounas, kay o Yeremia an koy brounna vitsedo vas. Ap ko dives his o baro ray Sedekya beshdo pash ko Benyamineskro Voudar.

Nehemia 3:1

Oun o baro rashay Elyashib kras pes ap i boudi peskre phralentsa, kol vavar rashayentsa, oun yon čivan o foreskro voudar pale pre, hoy kharas Bakrengro Voudar. Oun yon rakran o Debleskri barht pral leste vin, oun čivan kol douy voudya dren. Oun yon čivan ninna koy massouri pale pre bis pash ko turmo, hoy kharell Mea, oun bis pash ko turmo, hoy kharell Hananel, oun rakran o Debleskri barht pral i massouri vin.

Čačepangre 20:47

Kokres 600 (shob-sheel) morsha nay nashan penge an o moulo them pash ko baro bar, hoy kharell Rimmon, oun ačan kote star čonna.

Čačepangre 20:45

Oun kolla, kay nay nashan penge, rissran, te nashenn le an o moulo them pash ko baro bar, hoy kharell Rimmon. Ap kol dromma lan len i Israelitarya ninna palla, oun dan lendar 5.000 (panč-zerya) moulo. Oun yon lan len palla bis pash Gidom. Kate dan le gomme 2.000 (douy-zerya) lendar moulo.

Amos 9:11

O baro Devel penell: Ap ko dives krau o Davideskro kheer neves, kova hoy kanna khetne peredo hi. Kote, kay lo paash hi, krau les tseles. Kote, kay barra vin phagedo hi, čivau len pale pre. Me krau les yaake har lo glan boud tsiro his.

Jesaja 10:29

djan doureder mank kol douy berge oun venn an o foro Geba, te ačenn le kote pral i rat. I menshe an o foro Rama trissenn i daryatar. Kolla dran o Sauleskro foro Gibea nashenn penge.

Jesaja 2:2

Vell i tsiro, koy hi koy berga, kay o baro Debleskro kheer tardo hi, bareder har i tsele vavar berge, oun dikell tele ap i tsele tikne berge. Oun i menshe dran boud themma nashenn pash kay berga,

Nehemia 12:39

oun palle doureder bis pash o Efrayimeskro Voudar, oun palle pash ko Phouro Voudar oun palle doureder pash ko Mačengro Voudar oun doureder bis pash ko turmo, hoy kharell Hananel, oun doureder bis pash ko turmo, hoy kharell Mea, oun doureder bis pash o Bakrengro Voudar. Oun pash ko Stilepaskro Voudar ačan le tardo.

2. Familjakro liil 25:23

Oun o Yoash tapras o Amazya pash o foro Bet-Shemesh oun pandas les. Oun o Yoash djas doureder oun vas an o foro Yerusalem oun phagas i massouri o forestar Yerusalem dren ap douy-sheel metarya lengstepen: mank o voudar Efrayim oun o voudar, kay i rigya khetne venn.

1. Familjakro liil 4:32

Ninna his lenge kol panč forya Etam, Ayin, Rimmon, Token oun Ashan,

Čačepangre 21:13

Palle bičran i Israelitarya morshen pash i Benyaminarya, kay nashan penge pash o baro bar, hoy Rimmon kharell, oun moukan lenge te penell, te kamenn le lentsa bouder kek čingepen.

Josua 21:17

An o them Benyamin lan le star forya: Gibeon oun koy phoub troul o foro, kay i firhe nay rhan; Geba oun koy phoub troul o foro, kay i firhe nay rhan;

2. Rajengro liil 14:13

Oun o Yoash tapras o Amazya pash o foro Bet-Shemesh oun pandas les. Oun o Yoash djas doureder oun vas an o foro Yerusalem oun phagas i massouri o forestar Yerusalem dren ap douy-sheel metarya lengstepen: mank o voudar Efrayim oun o voudar, kay i rigya khetne venn.

Jeremia 20:2

das lo les, oun pandas leskre herya an i kotar kasht pash o voudar, hoy kharell Benyamineskro Voudar, oun hi pash o baro Debleskro kheer.

2. Familjakro liil 26:9

Oun o Usiya kras turme an o foro Yerusalem pash ko voudar, kay i rigya khetne venn, oun pash o Telstouno Voudar oun pash i bangi ekka.

Micha 4:1

O tsiro vella, kay hi koy berga zoreles tardo, kay o baro Debleskro kheer tardo hi. Kay berga hi bareder har i tsele vavar berge. Oun pash late venn i menshe dran i tsele themma.

Zakarie 8:3

Me vau pale ap i berga Sion oun djivau mashkral an o foro Yerusalem. Palle kharell pes Yerusalem foro, kay rikrenn pen i menshe ap o baro Debleste. Oun i berga Sion, kay djivau me, o baro Devel, ko ray pral o bolepen oun i phoub, kay berga kharell Debleskri berga.”