Tito 1:9 - O Debleskro Lab 2024 (Sinte-Manouche)

⁹ Yob rikrell pes ap o Debleskro lab yaake, har kova leske penlo vas, oun čačo hi. Palle nay rakrell lo i patslenge an o dji, te ačenn le ap o čačo drom. Ninna nay sikrell lo kolende, kay vavar koova rakrenna, kay lengro gar čačo hi.

O Debleskro Drom 2021 (Sinte)

⁹ Job rikrell pes ap o Debleskro lab jaake, har kowa leske penlo was, un tchatcho hi. Palle nai rakrell lo i patslenge an o dji, te atchenn le ap o tchatcho drom. Ninna nai sikrell lo kolende, kai wawar koowa rakrenna, kai lengro gar tchatcho hi.

Tito 1:9 Referans Kwoze

2. Tessalonikarja 2:15

Doleske ačenn zorelo, mire phrala! Rikrenn t'men ap kol laba, hoy mer t'menge penam, oun an mare lila t'menge činam.

2. Timoteo 1:13

Rike tout ap kal lače laba, hoy tou mandar shounal! Yaake djineh, har tou hounte rakress. Oun ač an o patsepen oun an o kamlepen, hoy o Yezous Kristo men das!

1. Timoteo 6:3

Te sikrell yek i menshende i vavar drom, oun penell lenge gar o čačo lab maro rayestar, o Yezous Kristestar, oun sikrell lende gar, har te djan le ap o Debleskro drom,

1. Timoteo 1:10

O Moseskre laba van činlo kol morshenge, kay sovenn vavar djouvyentsa, oun kol djouvyenge, kay sovenn vavar morshentsa. Kol laba van ninna činlo kol morshenge, kay sovenn i morshentsa oun čaventsa. Kol laba van činlo kolenge, kay čorenn menshen oun bikrenn len, oun kolenge, kay penenn o rhorhepen, oun kolenge, kay denn pen rhorhenes sovel. Oun te dell vavar koova, kay o Debleskro lab lestar penella, te kras mer kova gar, palle van o Moseskre laba kolenge činlo, kay kova krenna.

Debleskro tsiro 3:3

Ma bistrenn, hoy t'menge penlo vas oun hoy shounan! Oun rikrenn ap kal laba! Oun avenn pale ap o čačo drom! Te krenn kova gar, oun stenn gar pre o sopastar, palle vau pral t'mende har i čorepaskro. Oun t'mer djinenn gar, havo tsireske pale vau.

1. Timoteo 1:15

Hi čačo, hoy kanna penau. Oun t'mer nay patsenn man: Maro ray, o Yezous Kristo, vas ap kay phoub, te anell lo kolen ap o drom pash o Debleste, kay dour lestar an o čilačepen djivenna. Kolendar hom me o djoungleder.

Tito 2:1

Tou, Tito, sike i patslende o Debleskro drom yaake, har kova čačo hi!

Tito 1:11

Tou pandess lengro mouy! Yon sikrenn i menshende i drom, hoy gar čačo hi. Kova krenn le, te vell len boudeder love. Yaake djinenn tsele familye bouder gar, hoy te patsenna.

2. Timoteo 4:3

Vell i tsiro, kay kamenn le o Debleskro čačepen bouder gar te shounell. Yon djivenna, har yon kamenna, oun rodenn penge save sikepangre, kay kova len sikrenna, hoy yon kamenn te shounell.

1. Tessalonikarja 5:21

Denn yak, te vell ko lab, hoy yob penas, čačepah o Deblestar! Oun rikrenn kova, hoy mishto hi!

Gosewe laba 23:23

Mouk touke o čačepen oun o gosvepen boud moldo te vell! Mouk touke hako tsiro čomone te penell, te hayvess lauter mishto.

Hiob 2:3

Oun o baro Devel poučas o bengestar: “Dal tou ninna yak ap miro boudepaskro, o Hiob? Kek vavar hi ap i phoub, kay hi yaake har kova. Yob hi an o čačepen tardo, oun kek doosh hi ap leste. Yob mangell man an, oun rikrell pes dour krik o čilačepastar. Ninna kanna anell lo kek doosh ap peste, kay tou mandar kamal, te anap les an i bibarht, ninna te kras lo či.”

Debleskro tsiro 3:11

Me vau an i tikno tsiro pale. Rikrenn t'maro patsepen zoreles, te lell kek vavar ko shoukar koova t'mendar, hoy t'menge an o bolepen hi, oun hoy kolla lenna, kay dan pengro patsepen gar pre.

Debleskro tsiro 2:25

har kova, te rikrenn mire laba zoreles an t'mare djia, yaake rah bis te vau pale.

Judas 1:3

Mire phrala oun phenya, his i tsiro, kay kamoms t'menge an i liil te činell, har lačo o Devel ap mende hi, te las lo men dran o čilačepen vin. Pral kova kamau me kanna bouder gar te činell. Kanna dikau, hi feteder, te činap t'menge, te ačenn zoreles an o patsepen. Ma moukenn t'men o Debleskro dromestar tele te anell! Leskro lab, hoy t'menge penlo vas, ačell čačo hako tsiro.

2. Timoteo 2:25

ninna te kamenn le gar ap leste te shounell. Yob rakrell lačes lentsa, te anell lo len ap o čačo drom! O Devel nay dell len o dji, te moukenn le pengro čilačo drom, oun te hayvenn le, hoy o čačepen hi.

2. Timoteo 2:2

Tou hals pashel, har penom boud menshen o Debleskro lab. Kova, hoy shounal mandar, sike kanna vavar patslen, kay krenn, hoy tou lenge peneh, oun kolendar tou djineh, te hayvenn le mishto o Debleskro lab te penell!

1. Timoteo 4:9

Kava lab hi čačo, oun t'mer nay patsenn les.

1. Timoteo 1:19

Rike ap o patsepen ap o Yezous Kristeste! Kre, hoy tiro dji touke penella! Hi menshe, kay shounan gar ap pengro dji, oun kran gar, hoy mishto hi. Oun yon peran o Debleskro dromestar tele.

Bičepangre 18:28

Yob penas i biboldenge o Debleskro lab kote, kay yob djas. Oun yob sikras lende an o Debleskro lab, kay hi o Yezous ko baro ray, kolestar o Devel glan i rah tsiro penas, te vell yob.

Hiob 27:6

Me hom an o čačepen. Ap kova rikrau man zoreles, oun ačau koy pashel. Kek dives penell miro dji mange: Kova hoy kral, his gar mishto.

1. Korintarja 14:24

Hi vavarčandes, te lell hakeno i lab o Deblestar, oun penell les glan i vavarende, oun koy vella yek, kay gar patsella oun o tselo koova gar prindjrella, koleske djal lauter an leskro dji, oun leske djan i yaka pre pral peskri doosh.

2. Timoteo 3:14

Tou, Timoteo, ač pash kova, hoy touke penlo vas, oun hoy tou patseh! Tou djineh, koon touke kova lauter penas.