Sikepaskro 9:3 - O Debleskro Lab 2024 (Sinte-Manouche)

³ Kova hi koy bibarht pash halauter, hoy djal ap kay phoub, te djal ko yekeske har ko vavareske djala. Oun koy pashel hi o dji o menshendar pherdo čilačepen oun pherdo dinlepen, yaake rah har yon djivenna; pal kova merenn le!

O Debleskro Drom 2021 (Sinte)

³ Kowa hi koi bibacht pash halauter, hoi djal ap kai phub, te djal ko jekeske har ko wawareske djala. Un koi pashel hi o dji o menshendar pherdo tchilatchepen un pherdo dinlepen, jaake rah har jon djiwenna; pal kowa merenn le!

Sikepaskro 9:3 Referans Kwoze

Jeremia 17:9

Koon nay prindjrell o mensheskro dji? Či hi yaake čilačo oun rhorheno har o mensheskro dji.

Sikepaskro 8:11

Ko mensho, kay kras čilačo koova, lell gar sik pal kova peskri phagi. Doleske rikrenn pen i menshe gar pale, te krenn le pengro djoungelo koova doureder.

Sikepaskro 1:17

Miri tseli djiyeskri zoryah kamom te hatsap vin, hoy čačepah gosvepen hi, oun hoy dinelo oun narvelo hi. Oun kote hatsom vin, kay kova yaake hi, har te nashoms pal o dourho, hoy djal pral i phoub.

Tito 3:3

Glan ko tsiro, kay hams gar patslo, hams ninna save menshe, kay prindjran o čačepen gar. Mer shounam gar ap o Debleste, oun djam gar ap leskro drom. Hams pandlo ap djoungelo koova, hams čilačo oun dikam čilače yakentsa ap kova, hoy i vavaren his. Hams čilačo oun rhoyemen ap i vavarende, oun yon ap mende.

2. Petro 2:16

Koy rakras leha leskri esla har i mensho. Yaake vas leske siklo, har čilačo kova his, hoy kamas lo te krell. Oun koy esla rikras les pale, te krell yob kek dinelo koova.

Bičepangre 26:24

Har o Paulo kova rakras, te sikrell lo, kay hi kek doosh ap leste, das o Festo gole: “Paulo, tou hal dinelo! Tou hal yaake gosevo, te val narvelo.”

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.

Louka 15:17

Oun yob penas ap peste: Miro dades hi boud boudepangre. Kolen hi boud te rhal, oun me merau kate i bokatar.

Louka 6:11

Koy van yon rhoyedo ap o Yezouseste, oun rakran khetne, hoy yon o Yezouseha nay krans.

Sikepaskro 12:7

O mensho vell pale phoub, kolatar yob kerdo vas. Oun o dourho hounte djal pale pash o Debleste, kay das o dourhes o mensheste.

Sikepaskro 9:2

Halauter hounte merenna. Kova djal yaake yekeske har ko vavareske, koleske, kay shounell ap o Debleste har koleske, kay kamell či o Deblestar te djinell, koleske, kay krell o lačepen oun koleske, kay krell o čilačepen, koleske, kay hi erligo oun koleske, kay hi pale-čiddo, koleske, kay rhačrell firhen o Debleske har koleske, kay rhačrell kek firhen leske. Yaake har o lačeske djal, yaake djal o čilačeske. Oun kova, kay dell pes sovel, koleske djal yaake har koleske, kay kamell pes gar sovel te dell.

Sikepaskro 7:25

Palle penom mange, tou hounte rodess boudeder, te hatsess vin, hoske čomone yaake hi. Yaake lom boud koova an i yak, te hayvap len. Kamom te djinap, vell o čilačepen dran o dinlepen oun o pre-phourdepen dran narvlepen?

Gosewe laba 14:32

O čilačo vell tele vitsedo dran leskro čilačepen. Kova, kay an o čačepen tardo hi, koleskro patsepen rikrell les ninna gomme an o merepen.

Debleskri gili 51:5

Ava, djinau, kay anom doosh ap mande. Oun ko čilačo koova, hoy krom, hi man o tselo tsiro glan mire yaka.

Hiob 15:16

Har boud boudeder hatsell lo doosh ap o mensheste. O mensho krell djoungelo koova oun hi či-moldo. O čilačepen krell lo, har te piyals lo pani.

1. Mose 8:21

Oun o baro Devel soungas ko lačo soungepen oun penas ap peste: “Me dau man sovel, te anau bouder gar havi bari bibarht pral i phoub doleske, hoy i menshe krenna. Djinau, o mensheskro dji hi čilačo foun tiknes pre. Me kamau bouder gar o tselo djipen ap i phoub te marell, yaake har krom.

Bičepangre 26:11

An i tsele biboldengre kangria moukom me kol patslen dava te dell i čoupniyah, oun kamom, te denn le pengro patsepen pre. Me homs yaake rhoyedo ap lende, te lom len ninna an forya an vavar themma palla.

1. Mose 6:5

O baro Devel dikas, kay o menshengro čilačepen baro hi ap i phoub. Halauter, hoy len an lengre djia hi, his čilačo o tselo dives.

Sikepaskro 2:14

Kova, kay gosevo hi, dikell, kay lo djal. O dinelo nashell an i rati. Oun ninna hayvom, yekeske djal har o vavareske.

Sikepaskro 7:2

O mensheske hi feteder te djal lo an i kheer, kay yek meras oun i menshe rovenna, har te djal lo an i kheer, kay krenn le i biyab. Kote, kay yek meras, vell diklo, kay hako mensho hounte merella. Oun koon gomme djido hi, moukell pes kova an o dji te djal.

Sikepaskro 9:4

Kova, kay gomme djido hi, dikell ap ko tsiro, hoy vella. I djido djoukleske djal feteder har i moulo leveske.

Jeremia 16:12

T'mer kran boudeder čilačepen har t'mare phoure. Hakeno t'mendar djivell pal peskro shero oun peskro čilačo dji. Ap mande shounell kek.

Jeremia 17:10

Me, o baro Devel prindjrau o mensheskro dji, oun dikau dour dren an kova, hoy an leste hi, oun dau hakeneste pal kova, hoy yob kras.

Hiob 21:26

Khetne hi le tel i phoub, oun i kirme čakrenn len.

Debleskri gili 64:7

Len hi čilačepen an o shero, oun penenn čorrhanes: “Yaake krah mer kova. Yaake djal kova mishto. Har goseve ham mer!”

Sikepaskro 9:11

Pale dikom, har ap kay phoub djala: O sikeder naashepaskro vell gar glanstounes an. O zorleder kourepaskro hi gar o feteder lourdo. Sikle menshe hi gar kolla, konen o boudeder rhapen hi. I goseve hi gar i bravele. Kova, kay čomone mishto hayvell, hi gar kova, kay an-diklo hi. O tsiro oun i barht penenn, har hakeneske djal.