Sikepaskro 7:9 - O Debleskro Lab 2024 (Sinte-Manouche)

⁹ De garda te vess gar sik rhoyedo! Koon rhoyrell pes pral halauter, hi dinelo.

O Debleskro Drom 2021 (Sinte)

⁹ De garda te wess gar sik chojedo! Koon choirell pes pral halauter, hi dinelo.

Sikepaskro 7:9 Referans Kwoze

Jakobo 1:19

Mire kamle phrala, djinenn: Hako mensho hounte lell peske tsiro, te shounell lo. Yob te kamell te rakrell, palle hounte poučell lo pestar, te hi kova mishto, hoy yob kamell te penell. Oun yob hounte vell vitar gar sik rhoyedo.

Gosewe laba 14:17

Koon sik an i rholi vell, krell yek dinelo koova pal o vavar. Oun koon lell pes čilačepen glan, pral koleste hi le rhoyedo.

Gosewe laba 16:32

Yek, kay gar sik rhoyedo vella, hi feteder har i čačo kourepaskro. Oun koon o ray pral peste hi, hi boudeder moldo har yek, kay i tselo foro dren lell.

Markus 6:19

Oun i Herodia his rhoyedo ap o Yohanneste oun kamas les te marell, oun yoy kras les nashte gar.

Jona 4:9

Oun o Devel penas ap o Yona: “Havo čačepen hi tout, te rhoyress tout yaake pral ko bour, hoy tele meras?” Oun yob penas: “Čačepah, mange hi yaake čačo, te rhoyrap man, te kamau te merell.”

2. Samuel 19:43

Koy penan kol tsele morsha dran o them Youda ap kolende dran Israel: “O baro ray hi yek mare menshendar. Hoske han t'mer koy pral rhoyedo? Mer rham an kek tsiro o baro rayeskro rhapen. Oun yob vas menge gar lačeder har t'menge?”

2. Samuel 13:22

O Absalom rakras gar peskro phraleha, o Amnon, gar čilačes, vitar gar lačes, yaake midjak his lo ap leste, doleske, kay yob ap leskri phenyate bari ladj anas.

2. Samuel 13:28

O Absalom penas ap peskre lourde: “Denn yak! Te piyas pes o Amnon mato, oun te penau me ap t'mende: Denn o Amnones khetne! palle denn les moulo! Ma trashenn! Me penom t'menge, te krenn kova. Avenn čače morsha oun krenn kova kek trashah!”

Markus 6:24

Oun koy čay djas vin pash peskri date, oun poučas latar: “Hoy mangap lestar?” Koya penas: “O shero o Yohannestar, kova kay taufras i menshen.”

2. Samuel 13:32

Koy penas o Yonadab, koleskro dad o Davideskro phraal Shimea hi: “Miro ray, ma pats, kay tire tsele morsh čave moulo hi! O Amnon kokres hi moulo. Leskro merepen kamas o Absalom yaake rah, har kova leskri phenyat an i bari ladj anas.

1. Mose 4:8

O Kayn penas ap peskro phraleste Abel: “Am! Djas vin ap o them!” Oun har yon vin ap o them his, hadas pes o Kayn ap peskro phraleste Abel oun das les moulo.

Gosewe laba 14:29

Kova, kay gar sik rhoyedo vell, hi gosevo. Koon sik rhoyedo vella, sikrell har dinelo yob hi.

Sikepaskro 7:10

Ma pen: An o phouro tsiro his halauter feteder har kanna! Te vals tou gosevo, penals tou kova gar!

Gosewe laba 25:8

Ma dja sik pash i čačepangre morshende, te peness lenge, hoy dikal. Te vell palle i vavar oun sikrell, kay hi tout gar čačo, hoy kreh tou palle?

Jona 4:3

Oun kanna, baro Devel, le miro djipen mandar! Miro merepen hi mange mishto, boudeder har te djivap!”

Jona 4:8

Oun har o kham ap o bolepen tardo his, moukas o baro Devel i tato phourdepen dran o moulo them te vell, oun o kham das yaake čourye ap o Yoneskro shero, te nashras lo peskri zoor. Oun yob kamas te merell oun penas: “Miro merepen hi mange mishto, boudeder har te djivap!”