Sikepaskro 7:18 - O Debleskro Lab 2024 (Sinte-Manouche)

¹⁸ Mishto hi, te rikreh tout ap ko yek lab, oun bistreh vitar gar ko vavar lab. Koon djivell o Debleha, rikrell pes ap kova lauter.

O Debleskro Drom 2021 (Sinte)

¹⁸ Mishto hi, te rikreh tut ap ko jek lab, un bistreh witar gar ko wawar lab. Koon djiwell o Debleha, rikrell pes ap kowa lauter.

Sikepaskro 7:18 Referans Kwoze

Sikepaskro 12:13

Kova lauter, hoy kate penlo vas, hi khetne lino kova: Shoun ap o Debleste oun rike leskre laba! Kova molell i tsele menshenge.

Louka 11:42

T'mer Farisarya, hoy t'mer krenna, ko hi gar mishto. T'mer denna o Debleske o deshto kotar t'maro tselo zenlepastar, hoy an t'mari baar hi, oun t'mer bistrenn o čačepen oun o Debleskro kamlepen. Kava hounte krenn, oun ko vavar moukenn gar!

Louka 1:50

Yob kras peskro dji pre kol phourenge oun kolengre čavenge, lauterenge, kay shounenn ap leste, oun darenn lestar.

Sikepaskro 11:6

Doleske čip o djob taysarla an i phoub, oun mouk gar tele bis an i rati. Tou djineh gar, hoy bares vella, kava te kova, oder hake douy.

Sikepaskro 8:12

Ninna te djivell kova i lengsto djipen, kay krell sheel kope foullo koova, djinau me, te djal kolenge kokres mishto, kay djivenn o Debleha oun moukenn les lengro ray te vell.

Jeremia 32:40

Oun me krau lentsa vin, te moukap gar tele, te krap lenge lačepen, oun te dap len i dji, hoy ap mande shounell, oun moukell man gar. Kava lab, hoy lentsa vin krau, ačell hako tsireske.

Sikepaskro 3:14

Me hayvom, kay halauter, hoy o Devel krella, hako tsireske ačella. Kek mendar nay krell čomone pashel, oun kek mendar nay lell čomone krik. Kova halauter krell o Devel, te sharas mer les.

Gosewe laba 8:20

Kote, kay i menshe ap o čačo drom djan, oun an o čačepen tardo hi, kote hom me ninna,

Sikepaskro 5:7

Te dikeh tou, har an o them o čorvelo tele rikedo vell, oun o čačepen tele stakedo vell, oun kek peskro čačepen lell, palle kre kek bare yaka: I pralstoune rikrenn khetne, oun pral lende hi vavar pralstoune, kay rikrenn i vasta pral kolende.

Sikepaskro 8:13

O čilačeske djal gar mishto. Oun yaake har i shatto gar rah koy hi, djivenn kolla gar rah, kay kamenn či o Deblestar te djinell.

Gosewe laba 12:21

Kek čilačo koova vell ap kolende, kay an o čačepen tardo hi. Ap i čilačende vell boud bibarht.