Sikepaskro 5:4 - O Debleskro Lab 2024 (Sinte-Manouche)

⁴ Feteder hi, te deh tout gar sovel, har te deh tout sovel oun rikreh gar, hoy penal.

O Debleskro Drom 2021 (Sinte)

⁴ Feteder hi, te deh tut gar sowel, har te deh tut sowel un rikreh gar, hoi penal.

Sikepaskro 5:4 Referans Kwoze

4. Mose 30:2

Oun o Mose rakras lengre pralstunentsa, oun penas: Kava hi kova, hoy o baro Devel kamell, te krenn t'mer kova.

Mateo 5:33

T'mer djinenn ninna, kay vas glan i rah tsiro ap i phourende penlo: De kek rhorheni sovel tele! Oun kova, hoy tou o Debleske sovel dal, te kress ninna!

Debleskri gili 76:11

Te hadenn pen rhoyede menshe pral toute, maro Debleste, vell diklo, har baro tou hal. Oun kova, hoy pral ačell lengri rholyatar, hi touke har i shoukar ripen, hoy riveh.

Debleskri gili 50:14

Kova, hoy toutar kamau, hi, te parkress tout pash mande, tiro Debleste, oun te rikress tiri sovel, hoy dal tou mande, o pralstuneste.

Debleskri gili 116:14

Glan peskre tsele menshende anau o baro Debleske kova, hoy dom man sovel glan leste.

Hebrearja 10:6

Tou dikeh gar lačes ap i firhende, hoy rhačran le touke, te vell lengri doosh lendar krik lino.

Maleachi 1:10

Kamaus, te vals yek t'mendar koy, kay krals o voudya an miro kheer pandles, te krenn t'mer gar čičeske i yag ap miri rhačepaskri! Man hi doha t'mendar, penell o baro Devel, ko ray pral o bolepen oun i phoub. Oun kol marede firhe, hoy mange anenn, hi mange gar mishto.

Jona 2:9

Kolla kay rikrenn pen ap čičeskro koova, rikrenn pen bouder gar ap toute.

Debleskri gili 119:106

Me dom man sovel, oun me kamau lat te rikrell: Kamau te djap pal tire čačepaskre laba.

1. Mose 35:3

Avenn, djas an o foro Betel. Kote krau i rhačepaskri o Debleske, kay shounas man ap ko dives, kay an i bibarht homs. Ko Devel his pash mande ap miro drom bis kanna.”

1. Mose 35:1

Oun o Devel penas ap o Yakobeste: “Kre tout ap o drom, dja an o foro Betel! Ač kote oun kre kote i rhačepaskri, te rhačress mange firhen. Me hom ko Devel, kay moukas pes toutar te dikell, har tou tiro phralestar Esau krik nashal.”

Jesaja 19:21

Oun o baro Devel sikrell pes palle i Egiptarende, oun yon prindjrenn les oun mangenn les an, oun anenn leske firhen oun rhapen, hoy vell leske rhačedo. Oun denn pen glan leste sovel, te denn le les čomone, oun rikrenn koy sovel ninna.

1. Mose 28:20

Oun o Yakob das pes sovel oun penas: “Hi o baro Devel mantsa oun dell garda ap mande ap miro drom, kay me djau, oun dell man rhapaske oun an-ripaske,

Čačepangre 11:35

Oun har yob lat dikas, kote tserdas lo i koola pestar tele, oun penas: “Ah miri čay, havi bari douk kreh tou mange! Miro dji rovell touke! Me dom o baro Debleste miro lab, oun nay lau les gar bouder pale.”

Debleskri gili 22:25

Yob dikas gar krik o čorvelestar oun leskre douka, oun khatras gar peskro mouy lestar, Na-a, har yob ap leste gole das, shounas lo les.

Gosewe laba 20:25

Kova, kay sik penell: “Me dau man sovel pash o baro Debleste, te dap les kava te kova”, oun moukell les peske gar glan kova an o shero trouyel te djal, har nay rikrell lo peskro lab, koleske hi peskre laba har dorya, an kolende yob dren stakrell oun perell.