Sikepaskro 4:8 - O Debleskro Lab 2024 (Sinte-Manouche)

⁸ Kote hi yek kokres, oun kek hi pash leste. Kek čavo hi les oun kek phraal. Oun yob boudrell oun boudrella, te vell lo bravelo. Yob hounte poučals pestar: Koneske boudrau man tele, oun moukau les mange gar mishto te djal? Savo koova hi phares te hayvell oun i bibarht.

O Debleskro Drom 2021 (Sinte)

⁸ Kote hi jek kokres, un kek hi pash leste. Kek tchawo hi les un kek phraal. Un job budrell un budrella, te well lo brawelo. Job hunte putchals pestar: Koneske budrau man tele, un mukau les mange gar mishto te djal? Sawo koowa hi phares te haiwell un i bibacht.

Sikepaskro 4:8 Referans Kwoze

1. Johanni 2:16

Pash i menshende ap kay phoub djal lauter pal yek koova: rhapen oun pipen, romedinepen oun khelepen, bravlepen oun sharepen. Kova lauter vell gar o Deblestar, maro dadestar. Kova lauter hi phoubyakro koova.

Gosewe laba 27:20

O moulengro them vell gar čalo. Yaake hi ninna i menshengre yaka: Yon lenn gar doha.

Louka 12:20

O Devel penell ap leste: Tou dinelo! Kay rat hounte meress tou. Koon lell tiro tselo bravlepen, hoy tou touke khetne anal?”

Sikepaskro 1:8

Khines krell man halauter, hoy i menshe rakrenna, oun kek nay hatsell i čače laba. O yak nay dikell pes gar čales, oun o kand nay shounell pes gar čales.

Mateo 11:28

T'mer marenna t'men tele, te krenn kova, hoy t'mare phoure ap t'mende penan. Avenn pash mande! Me lau ko pharo koova t'mendar, te lenn t'mer pale nevi zoor.

Sikepaskro 1:13

Miri tseli djiyeskri zoryah oun gosvepah rodom, te hayvap o tselo koova, hoy ap i phoub halauter kerdo vella. Havo pharepen das o Devel i menshende, te marenn le pen tele koleha.

Jesaja 5:8

Djungelo djal kolenge, kay krenn pen yek kheer pal o vavar, oun ginenn penge yek kotar phoub pal o vavar, bis te bouder kek kotya phoub pral ačenn, oun lenge kokres o tselo them hi.

Sikepaskro 5:10

Kote kay boud bravlepen hi, kote hi ninna boud, kay rhan o bravlepen pre; oun koles, kay kova lauter hi, leske ačell či, har te dikell lo les an!

Debleskri gili 39:6

Miro djipen hi yaake tikno har i vast bourhlo hi. Kova hi har či pash toute. Har zorelo i mensho ninna tardo hi, leskro djipen hi har i dourho.

1. Mose 2:18

Oun o baro Devel, maro ray, penas: “Hi gar mishto, te ačell o rom kokres. Me krau yekes har yob, kay pash leste hi.”

Jesaja 55:2

Hoske denn love koleske, hoy kek maro hi? Hoske denn t'mer kova, hoy t'mer t'mari phari boudjake lan, čomoneske vin, hoy gar čalo krell? Shounenn ap mande, palle vell t'men lačo koova te rhal, oun nay rhan t'men čalo ap i feteder rhapen.

Sikepaskro 2:23

Leskro tselo djipen hi pherde douka, oun leskro boudepen pherdo ropen. Ninna an i rati nay sovell lo gar. Kova hi ninna čičeske.

Sikepaskro 2:21

Kova, hoy i mensho gosvepah oun lače vastentsa kras, hounte moukell lo halauter i vavareske, kay kras či koleske. Kova hi ninna čičeske oun i bari bibarht.

Sikepaskro 4:7

Oun palle dikom i vavar koova ap i phoub, hoy hi phares te hayvell.

Debleskri gili 39:7

O mensho vell oun djal pale har i souni. O mensho boudrella boud čičeske oun krell boud gole troul či. Yob anell peske boud bravlepen khetne, oun djinell gar, koon kova lella.

Sikepaskro 5:9

Kova, kay i love kamella, koles nay vell gar doha love. Oun kova, kay lell pes bravlepen khetne, koles nay vell vitar gar doha. Ninna kava koova hi čičeske.