Sikepaskro 4:7 - O Debleskro Lab 2024 (Sinte-Manouche)

⁷ Oun palle dikom i vavar koova ap i phoub, hoy hi phares te hayvell.

O Debleskro Drom 2021 (Sinte)

⁷ Un palle dikom i wawar koowa ap i phub, hoi hi phares te haiwell.

Sikepaskro 4:7 Referans Kwoze

Sikepaskro 4:1

Palle dikom halauter, hoy gar čačo hi ap i phoub. Me dikom i sva kolendar, kay dan le lenge gar lengro čačepen, oun kolenge kek ap i rig vas. Kolla, kay kran lenge čilačepen, his zorelo. Doleske vas kek ap lengri rig.

Zakarie 1:6

Kol laba, hoy yon, mire boudepangre, t'mare phourenge penan, tapran len. Koy moukan le pengro čilačo drom, oun penan: Kova, hoy o baro Devel, ko ray pral o bolepen oun i phoub, mentsa kras, hi i phagi maro čilačo djipaske oun ko čilačo koova, hoy kram, yaake har penas lo.

Debleskri gili 78:33

Koy kras lo, te djal lengro djipen sik trouyel, oun lengre bersha his pherdi daar.

Sikepaskro 4:6

Feteder i vast pherdo djipaske oun tsirya, kay kreh či, har douy vasta pherdo djipaske oun boud boudi oun i naashepen pal o dourho, hoy djal pral i phoub.

Sikepaskro 4:8

Kote hi yek kokres, oun kek hi pash leste. Kek čavo hi les oun kek phraal. Oun yob boudrell oun boudrella, te vell lo bravelo. Yob hounte poučals pestar: Koneske boudrau man tele, oun moukau les mange gar mishto te djal? Savo koova hi phares te hayvell oun i bibarht.