Sikepaskro 2:4 - O Debleskro Lab 2024 (Sinte-Manouche)

⁴ Me krom baro koova: Me krom mange khera oun drakengre themma,

O Debleskro Drom 2021 (Sinte)

⁴ Me krom baro koowa: Me krom mange khera un drakengre themma,

Sikepaskro 2:4 Referans Kwoze

Daniel 4:30

Oun gomme an ko tsiro, har lo koy pral tardo his, vas kava lab čačo. Oun yob vas pale-čiddo oun djivas bouder gar mank i menshende. Oun yob rhas khass har i groumya. Oun yob čivas pes vin tele. Oun o brishin peras ap leste tele oun kras les sapeno. Leskre balla van yaake lengsto har i phora bare čirklendar, oun leskre naya bango har i čirklengre tsebe.

Jesaja 5:1

Shounenn, kamau miro maleske i gili te givell, i gili pral leskro drakengro them. Miro males his i lači phoub ap i tikni berga.

Kamlepaskri gili 7:12

Ab, miro pirno, te djas mer vin glan o foro, oun ačah pral i rati mank i divye bloume.

Kamlepaskri gili 1:14

Har i divye bloume mank i drakengre rouka an En-Gedi hi lo mange.

Debleskri gili 49:11

Na-a, mer dikah: O gosevo hounte merell, yaake har o narvelo oun o dinelo ninna. Oun lauter, hoy len his, hounte moukenn le pale i vavarenge.

2. Familjakro liil 26:10

Yob kras ninna turme an o moulo tato them oun hadas boud panyenge brounne vin; les his boud firhe an o pralstouno them oun an o telstouno them, ninna djobengre harhe oun molyengre harhe ap i berge oun ap i berga Karmel. Leske his i harhengri boudi ap o dji čiddo.

2. Familjakro liil 8:11

Oun o Salomo anas peskri romyat, koy čay o Faraestar, dran o Davideskro foro pral an ko kheer, hoy yob moukas lake te krell. Oun yob penas: “I djouvel hounte djivell gar an o kheer o Davidestar, ko rayestar pral Israel. Glan i tsiro his kote ko morhton tardo, kay o baro Debleskre laba dren hi. Haki platsa, kay ko morhton tardo his, hi i Debleskri platsa.”

1. Familjakro liil 27:27

O pralstouno pral i drakengre themma his o Shimi dran o foro Ramat. O pralstouno pral i mool ap i drakengre themma his o Sabdi dran o foro Shefam.

1. Rajengro liil 15:19

“Kre mantsa vin, te ham mer mala, yaake har miro dad oun tiro dad mala his. Dik, me bičrau touke kate roup oun sonakay. Le kova mandar an! Oun phage, hoy vin kral o rayeha pral Israel, o Baasha, te hounte djal lo mandar krik.”

1. Rajengro liil 9:1

Oun yaake vas, har o Salomo o baro Debleskro kheer kras, oun ninna peskro kheer oun halauter, hoy yob kamas te krell,

2. Samuel 18:18

Har o Absalom djivas, penas lo: “Man hi kek čavo, kay rikrell miro lab djido, te merell miro lab gar vin.” Doleske čivas lo peske i baro bar pre oun das ko bar peskro lab. Oun yaake kharell ko bar bis kay dives O Absalomeskro bar. Kova hi ap o baro rayeskro them tardo.

1. Mose 11:4

Oun yon penan: “Avenn, mer krah menge i foro oun i baro kheer, hoy djal an o bolepen. Yaake sikrah hakeneske, har baro mer ham. Oun mer ačah khetne an ko them.”