Sikepaskro 2:13 - O Debleskro Lab 2024 (Sinte-Manouche)

¹³ Me dikom, o gosvepen hi feteder har o dinlepen, yaake har o dives feteder hi har i rati.

O Debleskro Drom 2021 (Sinte)

¹³ Me dikom, o goswepen hi feteder har o dinlepen, jaake har o diwes feteder hi har i rati.

Sikepaskro 2:13 Referans Kwoze

Efesarja 5:8

Glan ko tsiro, har t'mer patslo van, djan t'mer ap o čilačo drom. Kova his har te djans an i rati. Kanna hi kova vavarčandes. Maro ray Yezous djivell an t'mare djia, oun anas t'men ap peskro drom. Yob hi i bari momeli t'menge. Djan kanna ap leskro drom, kay hi bouder kek tamlepen!

Mateo 6:23

Te dikeh ap o vavar koova, oun gar ap o Debleste, hi kova yaake, har te rhačell kek momeli an kava kheer. Te rhačell tiri momeli bouder gar, djiveh tou har an i kali rat.

Sikepaskro 11:7

Shoukar hi menge, te dikas i momeli. Oun mare yakentsa hi mishto, te dikenn le o kham.

Maleachi 3:18

Palle dikenn t'mer pale, kay djal gar emliges kolenge, kay an o čačepen tardo hi oun kolenge, kay krenn o čilačepen. Djal vavarčandes koleske, kay mangell o Debles an, har koleske, kay mangell les gar an.

Debleskri gili 119:105

Tiro lab hi har i momeli, hoy sikrell, kay te djap, ava, i momeli ap miro drom.

Sikepaskro 9:18

O gosvepen hi boudeder moldo har i zorelo rharo; oun yek dinelo koova krell boud lačo koova paash.

Sikepaskro 9:16

Kote penom mange: Ninna te hi o gosvepen feteder har o zorlepen, vell o čorveleskro gosvepen gar an-diklo, oun ap leskre laba vell gar shounlo.

Sikepaskro 7:19

Leskro gosvepen krell o goseves zorleder har deesh zorele pralstoune, kay an o foro garda denna.

Gosewe laba 16:16

Hi boudeder moldo te less gosvepen har te less sonakay. Te hayveh, hoy mishto oun gar mishto hi, hi kova touke feteder har roup.

Debleskri gili 119:130

Te hayvah tiro lab, palle krell men kova barhtelo, oun ninna kolla, kay či djinenn, venn gosevo.

Sikepaskro 10:10

Te hi yekes i tover, hoy činell bouder gar, hounte boudrell yob peskri tseli zoryah. Te hi lo gosevo, dikell lo palla, te činell o tover mishto.

Gosewe laba 14:8

O gosevo dell yak har lo djivell, doleske hi lo gosevo. I narvele perenn hako kopo ap dinlepen dren. Oun yaake rhorhenn le pen kokres.