Sikepaskro 1:16 - O Debleskro Lab 2024 (Sinte-Manouche)

¹⁶ Me penom mange: Me vom i baro morsh, gosveder har hakeno, kay glan mande o baro ray an Yerusalem his. Man hi i gosevo dji oun hayvau boud.

O Debleskro Drom 2021 (Sinte)

¹⁶ Me penom mange: Me wom i baro mursh, gosweder har hakeno, kai glan mande o baro rai an Jerusalem his. Man hi i gosewo dji un haiwau bud.

Sikepaskro 1:16 Referans Kwoze

Sikepaskro 2:9

Oun me vom baro oun bareder har hakeno, kay glan mande o ray an o foro Yerusalem his. Oun ko tselo koova, hoy kote krom, krom o gosvepah.

1. Rajengro liil 10:7

Me dom gar boud ap ko rakepen, bis te vom oun mire yaka halauter dikan. Hoy penap kanna? Kova hoy mange penlo vas, hi gar o paash kolestar hoy kate dikau. Tout hi boudeder gosvepen oun bravlepen har shounom.

Hebrearja 5:14

O morsheskro rhapen hi kolenge, kay djivenna pal o Debleskro lab oun hayvenn boud oun boudeder, hoy lačo oun čilačo hi.

Debleskri gili 4:4

Dikenn oun hayvenn: O baro Devel rodas kolen vin, kay kamenn les o tselo djiyestar. O baro Devel shounell man, te dau ap leste gole.

2. Familjakro liil 2:12

Kanna bičrau touke i morshes, koles i lačo vast hi, oun peskri boudi mishto hayvell. Leskro lab hi Houram-Abi.

Daniel 4:30

Oun gomme an ko tsiro, har lo koy pral tardo his, vas kava lab čačo. Oun yob vas pale-čiddo oun djivas bouder gar mank i menshende. Oun yob rhas khass har i groumya. Oun yob čivas pes vin tele. Oun o brishin peras ap leste tele oun kras les sapeno. Leskre balla van yaake lengsto har i phora bare čirklendar, oun leskre naya bango har i čirklengre tsebe.

Jeremia 22:14

Bibarht ap koleste, kay penell peske: Kamau man i baro kheer te krell, kay hi bare iseme oun boud vorhya dren. Ap i massurya moukell lo cedertikro kasht te čivell oun lolo djet te makell.

Debleskri gili 77:6

Mange vas o phouro tsiro an o shero, kol bersha, hoy glan i rah tsiro his, stan an mande pre.

2. Rajengro liil 5:20

O Debleskro morsh, o Elisa, les his i boudepaskro. Leskro lab his Gehasi. Kova penas ap peste: “Miro ray moukas o Naaman te djal oun las lestar či, hoy kova leske anas. Kava Syrari hounte playsrals čomone. Pash o djido Debleste, me nashau leske pal, te dell yob man čomone.”

1. Rajengro liil 5:9

Oun o baro Devel das o Salomes baro gosvepen oun i lačo shero. Yob djinas boudeder koova har i santa pash o baro pani hi.

Sikepaskro 2:1

Me penom mange: Mishto palle, me kamau lačes te djivell oun moukau les mange mishto te djal! Kote hayvom, kay kova ninna čičeske hi.

Sikepaskro 2:15

Kote penom mange: Te djal mange har o dineleske, hoske rodom palle pal o gosvepen? Ninna kova hi čičeske.

Sikepaskro 3:17

Kote penom mange: O Devel rakrell o čačepen vin pral koleste, kay djivell an o čačepen, oun pral koleste, kay djivell an o čilačepen. Hako koova, oun halauter, hoy yek krell, koleske dell i čačo tsiro.