Ropaskre gilja 5:1 - O Debleskro Lab 2024 (Sinte-Manouche)

¹ Baro Devel, ma biste, hoy mentsa djas! Dik ap mende oun dik mari ladj!

O Debleskro Drom 2021 (Sinte)

¹ Baro Dewel, ma biste, hoi mentsa djas! Dik ap mende un dik mari ladj!

Ropaskre gilja 5:1 Referans Kwoze

Habakuk 3:2

Baro Devel, me shounom, hoy tou lauter kral, Har baro hal tou, baro Devel! Kre savo koova pale an maro tsiro, savo baro koova, mouk les men ninna te dikell an maro tsiro! An tiri rholi biste gar tiro kamlepen!

Ropaskre gilja 3:61

Baro Devel, tou shouneh lengro praasepen, oun halauter, hoy le khetne rakrenna, te krenn le mantsa.

Ropaskre gilja 3:19

Te dikau, har djoungeles mange djal, oun har mouklo hom, hi kova mange har i shoutlo pipen, hoy nasselo krell.

Ropaskre gilja 2:15

Halauter, kay djan ap o drom, oun dikenn tout, denn i vasta khetne pral o shero, denn shol, oun čivenn o shero ap i rig, oun san pral kova, hoy toutar pral ačas, Yerusalem: “Hi kava kau foro, pral koleste penlo vas: Kek foro hi shoukeder har kava! I tseli phoub dikell barhteles ap leste.”

Jeremia 15:15

Baro Devel, tou djineh halauter! Ma biste man, oun ab ap miri rig! De kolen lengro čilačepen pale, kay man palla lenna! Rike tiri rholi ap lende gar yaake rah pale, te vap gar maredo! Tou djineh, me hom touke koy. Doleske čingrenn le ap mande.

Debleskri gili 79:12

Kolla, kay an i themma troul mende djivenn, praasan tout, maro rayes. De len kova efta kope pale, hoy kran le ap toute!

Debleskri gili 79:4

Mer ham praasedo kolenge, kay troul mende djivenn, ham lenge sapaske, oun yon rikrenn men dineleske.

Nehemia 4:4

I menshe dran Youda kran i gili, hoy le givan: Koy hi čiddo yaake boud čik, hoy hounte hidjras mer gomme krik. Mari zoor men moukas, koy massouri gar doureder nay kras.

Louka 23:42

Oun yob penas ap o Yezouseste: “Yezous, ma biste man, te hal tou kote, kay tou o baro ray hal!”

Ropaskre gilja 2:20

Baro Devel, mouk tire yaka ap mende te dikell! Dik, koneha yaake trouyel djal! Hounte rhan i djouvya pengre čave, kolen yon ap i moussya hidjrenn? Hounte venn i rashaya oun tire rakepangre an tiro kheer moulo dino?

Ropaskre gilja 1:20

Ah, baro Devel, dik, har boud traash man hi, har i douk an mande rhačella! Miro dji rissrell pes an mande! Hoske shounom gar ap toute? Glan o kheer tapras o rharo mire čaven, oun an o kheer meran le dran i djoungelo nasslepen.

Hiob 10:9

Ma biste, te kral man dran čik. Kameh tou kanna, te vap pale čik?

Hiob 7:7

Ma biste, miro Devel, te hi miro djipen har i dourho. Mire yaka dikenn bouder kek barht.

Nehemia 1:8

Ma biste tiro lab, hoy dal tou leske, har tou penal: T'mer te phagenn mantsa, palle tradau me t'men dran t'maro them, oun t'mer hounte djivenn mank vavar menshende.

Nehemia 1:3

Oun yon penan mange: “Kol menshe an o them Youda, kay van gar pandles krik anlo, djivenn an bari bibarht oun ladj. Oun i massouri troul Yerusalem hi tele phagedo, oun i bare voudya hi pre-rhačedo.”

Debleskri gili 119:153

Dik, har djoungeles mange djal oun le man vin dran i bibarht! Tiro drom bistrom me gar.

Jesaja 62:6

Yerusalem, me čivom morshen ap tire massourya, te denn le yak ap toute. O tselo dives oun i tseli rat denn le bares gole, oun moukenn gar tele, te bistrell tout o baro Devel gar.

Ropaskre gilja 3:50

bis te dikell o baro Devel dran o bolepen tele, oun lell men pale an o yak.

Debleskri gili 74:18

Kanna, baro Devel, mouk touke an o shero te vell, har praasenn tout kolla, kay hadan pen pral toute. Dik, har dinele menshe tiro lab an i čik tserdenna.

Jeremia 51:51

T'mer penenn: I ladj vas pral mende. Menshe dran vavar themma praasan men oun san pral mende. Vi-themarya peran an o kheer o baro Deblestar dren.

Ropaskre gilja 1:9

Lakro ripen hi pherdo čik. Oun yoy patsas gar kay lake yaake djala. Dour tele peras li, oun kek hi lake koy, kay penell lake i kamlo lab. “Dik, baro Devel, har djoungeles mange djala, oun kolla, kay man khetne dan, krenn pen bares.”

Ropaskre gilja 1:11

I menshe an Yerusalem rovenna oun rodenn pal maro. Lengro kouč koova denn le koy, te vell len rhapaske, te hounte merenn le gar. Yerusalem rovell: “Ah baro Devel, kre tire yaka pre, oun dik, har i menshe tele dikenn ap mande!”