Ropaskre gilja 3:3 - O Debleskro Lab 2024 (Sinte-Manouche)

³ Kokres ap mande hadas lo peskro vast o tselo dives.

O Debleskro Drom 2021 (Sinte)

³ Kokres ap mande hadas lo peskro wast o tselo diwes.

Ropaskre gilja 3:3 Referans Kwoze

Jesaja 63:10

Ninna te his lo lenge yaake lačes, kaman le gar ap leste te shounell, oun doukran les an leskro dji. Kote vas lo rhoyedo ap lende, oun kouras pes lentsa.

Jesaja 5:25

Doleske moukell o baro Devel peskri rholi pral peskre menshende te vell. Oun yob hadell peskro vast ap lende oun dell len. Oun i berge trissenn. Oun i moule ačenn čiddo ap i dromma har čik. Oun an kova lauter moukell leskri rholi gar palla, leskro vast ačell hadedo, te dell lo trad.

Jesaja 1:25

Yerusalem, miro vast hadau ap toute, te dap tout, te rhačap i čik toutar vin, har kova o roupeha kerdo vell, yaake te ačell o lačo roup pale.

Hiob 31:21

An kek tsiro hadom me miro vast pre ap i čaveste, koles kek dad bouder hi, ninna te djinom, te hi halauter ap miri rig, kay his an o foreskro voudar beshdo.

5. Mose 29:20

Yob čivell les infam, te hi lo kek Israelitari bouder. Oun ap leste vell koy bibarht, hoy koles taprell, kay tel o praasepen hi doleske kay rikras lo pes gar ap kova, hoy peskro baro Devel leha vin kras, yaake har an kava čačepaskro liil činlo hi.

Debleskri gili 38:2

Baro Devel, ma činge ap mande an tiri rholi! Ma de man i phagi an tiri rholi!

Hiob 6:4

Mange djal yaake, har te dals o zorelo Devel karye ap mande, oun leskre fayle vans an mande, hoy anenn mange o merepen. Kova, hoy moukell o Devel ap mande te vell, krell man i bari daar.

Hiob 16:12

Djivom an o lačepen, har o Devel das man khetne. Yob tapras man ap miri meen, oun vitsras man tele. Yob čivas man yaake pre, te dell lo ap mande karye.

Hiob 19:21

Mire mala, krenn t'mare djia mange pre! Avenn mange lačes! O Debleskro vast das man!