Remarja 8:7 - O Debleskro Lab 2024 (Sinte-Manouche)

⁷ Koon kamell yaake te djivell, har yob kamella, kova kamell gar o Debles. Yob shounell gar ap kova, hoy o Devel penella. Yob nay krell les vitar gar.

O Debleskro Drom 2021 (Sinte)

⁷ Koon kamell jaake te djiwell, har job kamella, kowa kamell gar o Debles. Job shunell gar ap kowa, hoi o Dewel penella. Job nai krell les witar gar.

Remarja 8:7 Referans Kwoze

1. Korintarja 2:14

I mensho, koles o Debleskro Dourho gar hi, hayvell gar, hoy o Debleskro Dourho penella. O Debleskro koova hi leske dinlepen. Ko mensho nay dikell gar, har o Devel kova dikella.

Jakobo 4:4

T'mer rhorhran oun moukan o Debles! Djinenn t'mer gar, kay kolla, kay čivenn pengre djia ap i phoubyakro koova, kolla hi gar o Debleskre mala? Koon kamell ko drom te djal, hoy i menshe ap kay phoub djana, kova kamell o Debles gar.

Remarja 7:22

Miro dji kamell te krell, hoy o Devel penella.

Hebrearja 8:10

Ap ko tsiro, hoy vella, penell o Devel, rakrau pale lentsa, oun anau len ap o nevo drom. Me čivau miro čačepen an lengre shere, oun činau mire laba an lengre djia. Oun me hom lengro Devel, oun yon hi mire menshe.

2. Timoteo 3:4

Yon hi phoukepangre. Yon venn sik rhoyedo. Yon phourdenn pen pre. Yon kamenn boudeder pengro khelepen har o Debles.

Kolossarja 1:21

Ninna t'men anas o Devel pash peste. Glan i rah tsiro djivan t'mer dour lestar, kran čilačo koova, oun kaman o Debles gar.

Remarja 8:4

Kova kras o Devel, te vas mer yaake čačo glan leste, har yob mendar kamella. Yob kras kova menge, kay djivah kanna o nevo djipen, hoy o Debleskro Dourho men das, oun bouder gar maro phouro djipen.

Remarja 5:10

Dikenn! Ap ko tsiro, kay kamam o Deblestar či te djinell, meras o Debleskro čavo menge. Leskro merepen anas men pash o Debleste, te djivas pale leha khetne. Oun kanna ham o Debleskre mala. Oun leskro čavo djivella, te djas mer gar nashedo.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

Johanni 7:7

I menshe hi gar čilačo ap t'mende. Ap mande hi le čilačo. Me penom lenge, kay kova, hoy yon krenna, čilačo hi.

Remarja 3:31

Vitsrah mer kanna kol laba ap i rig, kay o Devel penella, har te djivas? Na-a, kanna, kay patsah, nay krah čačepah, hoy o Devel kamella.

Remarja 1:30

oun rakrenn rhorhepen pral lende. Yon praasenn o Debles oun i menshen, oun hadenn pen pre oun hi sharedo. Yon rodenn, har te krenn le o čilačepen. Yon shounenn gar ap pengro dadeste oun ap pengri date.

Mateo 12:34

T'mer han sapa! T'mer han čilačo oun nay rakrenn gar lačo koova. I mensho penell kova, hoy an leskro dji dren hi.

2. Petro 2:14

An lengre yaka dikeh, kay dikenn le pal haki djouvyate. Hako tsiro hi len bok pal čilačo koova. Oun yon anenn kolen o čačo dromestar tele, kay hi gar zorelo an o patsepen. Lengro dji hi pherdi bok pal i love. Praasedo hi le!

Mateo 5:19

Koon yek kol tikneder labendar ap i rig čivella, oun i menshenge kova yaake penella, kova hi o tikneder mashkral kolende, kay djivenn khetne o Debleha an o bolepen. Koon krella, hoy o Devel penas, oun sikrell kova i menshende, kova vella bares mashkral kolende, kay djivenn khetne o Debleha an o bolepen.

Jeremia 13:23

Nay krell i kalo mensho peskri kali hauta vavarčandes? Na-a! Nay krell i divyi margodja peskre balla vavarčandes? Na-a! Yaake nay krenn t'mer kek lačepen, ko čilačepen djas t'menge an o mass oun o rat.

2. Familjakro liil 19:2

Oun kote vas leske o dikepaskro, o Yehou an o drom. Koleskro dad his o Hanani. Oun o Yehou penas ap o baro rayeste Yosafat: “Hoske val tou o čilačo morsheske ap i rig, oun val i maal kolestar, kay kamas o baro Deblestar či te djinell? Doleske vell i rholi o baro Deblestar pral toute.

Debleskri gili 53:1

I gili o rayeske pral i gipangre, te givell har koy gili Mahalat. O David kras kay gili.

1. Korintarja 9:21

Te hom me pash i menshende, kay rikrenn pen gar ap o Moseskre laba, palle djivau me har yon, te anap len pash o Yezous Kristeste, ninna te rikrau me man ap o Debleskro čačepen. Oun kova hi o Yezous Kristeskro lab.

2. Mose 20:5

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

Kolossarja 2:18

Hi menshe, kay krenn pen bares, oun kamenna, te shounenn t'mer ap kava te kova, oun te sharenn t'mer o Debleskre bolepangre, har yon krenna. Ma shounenn ap lende! Ninna te penenn le t'menge, te dikan le i baro koova, hoy kek vavar dikas, ma patsenn lenge! Kova, hoy yon penenna, hi či moldo. Yon hi sharede, ninna te dell či, pral hoy yon nay sharans pen: Lauter hoy yon rakrenna vell dran lengro shero.

Hiob 15:13

Ap o Debleste hal rhoyedo. Doleske vell savo rakepen dran tiro mouy.

Ezekiel 14:5

Yaake krau, te krenn i Israelitarya pengre djia pale mange pre, yon, kay moukan miro drom oun mangenn vavar deblen an.