Remarja 7:15 - O Debleskro Lab 2024 (Sinte-Manouche)

¹⁵ Me hayvau gar, hoske krau čilačo koova. Kova, hoy kamau te krell, kova krau gar. Kova, hoy me gar kamau te krell, kova krau.

O Debleskro Drom 2021 (Sinte)

¹⁵ Me haiwau gar, hoske krau tchilatcho koowa. Kowa, hoi kamau te krell, kowa krau gar. Kowa, hoi me gar kamau te krell, kowa krau.

Remarja 7:15 Referans Kwoze

Galatarja 5:17

Kova, hoy an mende hi, kamell gar kova, hoy o Debleskro Dourho kamella. Oun kova, hoy o Debleskro Dourho kamella, hi gar kova, hoy an mende hi. Kol douy zorya čingrenn pen yaake, kay nay krenn t'mer gar ko lačepen, hoy kamenn t'mer te krell.

Nahum 1:7

Kamles hi o baro Devel. Yob prindjrell kolen, kay ap leste dikenna. Yon nay khatrenn pen pash leste an phare tsirya.

Jakobo 3:2

Mer halauter krah boud kope, hoy gar mishto hi. Koon rakrell an kek tsiro čilačo koova, kova hi i lačo mensho, kay nay rikrell pes khetne.

Sikepaskro 7:20

Kek mensho hi yaake an o čačepen tardo, te krell lo kokres lačo koova oun anell kek doosh ap peste.

Remarja 12:9

An t'maro kamlepen hounte vell kek rhorhepen! Moukenn o čilačepen oun krenn o lačepen!

Judas 1:23

Vavar nashran pen. Kolen anenn ap o čačo drom! Kova hi yaake har te tserdans len dran i yag vin. Vavar djivenn i djoungelo djipen. Rakrenn ninna kolenge lačes an o dji! Oun denn garda, te krenn gar kova, hoy yon krenna. Lengro djipen hi har i čiklo ripen ap lende.

Remarja 14:22

Kova, hoy tou patseh an kava koova, djineh tou oun o Devel kokres. Tou hounte sikress les lende gar. Barhtelo hal tou, te kreh lauter yaake, te hounte peness touke gar: Kova, hoy krom, his gar mishto.

Debleskri gili 19:12

Miro ray, me moukau tire laba ap miro dji te rakrell. Koon rikrell pes ap lende, koleske djal mishto.

2. Timoteo 2:19

Ninna te hi save menshe koy, kay rakrenn rhorhepen, djinah mer: Kova, hoy o Devel kras, nashte krell kek paash. Kova hi har i bar, hoy zoreles tardo hi. Kek nay vitsrell les trouyel. Ap leste hi činlo: O ray prindjrella kolen, kay leskre hi. Oun ninna hi činlo: Koon o rayes an-mangella, hounte moukell o čilačo drom.

Hebrearja 1:9

O čačepen kamal tou, oun o čilačepen dikeh glan i yaka nay gar. Doleske rodas tout tiro Devel vin, te vess tou bareder oun barhtleder har kolla, kay pash toute hi.

Amos 5:15

Dikenn čilačes ap kova, hoy čilačo hi, oun dikenn lačes ap kova, hoy lačo hi! Dikenn koy pre, te lell kova peskro čačepen, koon an o čačepen hi! Palle nay vell o baro Devel lačes kolenge, kay dran o kheer Yosef pral ačenn. Yob hi o ray pral o bolepen oun i phoub.

Gosewe laba 8:13

Kova, kay kamell o baro Debleha te djivell, kova kamell o čilačepen gar glan peskre yaka te dikell, kova dikell gar tele ap o vavareste oun phourdell pes gar pre, kova djal gar i čilačo drom, oun rakrell kek rhorhepen.

Remarja 7:16

Me te krau gar kova, hoy kamau, palle penau: Ava, o Moseskre laba hi čačo oun lačo.

Debleskri gili 119:113

Me rhoyrau man ap kolende, kolen douy djia hi, tiro drom kamau me o djiyestar.

Debleskri gili 101:3

Rikrau man pale te krap rhorheno koova, oun kamau gar khetne te vell kolentsa, kay bango koova krenn. Savo koova kamau gar glan i yaka te dikell.

Debleskri gili 1:6

O baro Devel prindjrell o drom kolendar, kay an o čačepen tardo hi. Oun o drom i čilačendar anell len an i bibarht.

Gosewe laba 13:5

O rhorheno rakepen hi djoungeles glan i yaka kolestar, kay an o čačepen tardo hi. O čilačo krell praasedo koova oun vi-ladjedo koova.

Debleskri gili 119:163

Rhorhepen hi mange djoungelo, oun me nay dikau les gar glan i yaka. Tiro drom kamau me o djiyestar.

Debleskri gili 119:128

Tire tsele laba, hoy menge penal, hi mange mishto. Kamau či te djinell i rhorheno dromestar.

Debleskri gili 65:3

Tou shouneh, hoy toutar mangah. Doleske venn i tsele menshe pash toute.

1. Rajengro liil 8:46

Tou djineh, kay kek mensho djoudjo hi an peskro dji oun an peskro djipen glan toute. Doleske nay vell, kay moukenn tire menshe tiro drom, oun tou rhoyreh tout pral lende oun moukeh len an o vast vavar menshendar te vell, te anenn yon len pandles an pengro them – kova nay vell dour oder gar yaake dour.

Debleskri gili 119:40

Pen mange, hoy te krap touke! Tou hal an o čačepen tardo. De man pale nevi zoor an miro djipen!

Debleskri gili 119:32

Miro dji hi dour pre, te krap lauter yaake har tou mandar kameh.

Louka 11:48

Yaake penenn t'mer: Ava, mer djinah, hoy mare phoure kran. Kova his mishto. Me penau t'menge: Yon maran o Debleskre rakepangren. Oun t'mer krenn kolenge i moulengre khera.

Debleskri gili 119:104

Tiro lab krell man gosevo. Doleske nay dikau gar rhorhene dromma glan i yaka.

Debleskri gili 97:10

T'mer, kay o baro Debles kamenna, stakrenn o čilačepen khetne. O baro Devel rikrell peskre vasta pral o djipen kolendar, kay leskre hi, oun lell len vin dran o vast i čilačendar.

Debleskri gili 36:4

Či har midjak oun rhorhene laba venn dran leskro mouy vin. Lačo koova hayvell lo bouder gar te krell.

Johanni 15:15

T'mer han mange bouder gar boudepangre. I boudepaskro djinell gar, hoy leskro ray krella. T'menge penom halauter, hoy shounom miro dadestar. Doleske han t'mer kanna mire mala.