Remarja 7:12 - O Debleskro Lab 2024 (Sinte-Manouche)

¹² Mer djinah: O Moseskre laba venna o Deblestar. Lauter, hoy yob mendar kamella, vell lestar, oun hi čačo oun lačo.

O Debleskro Drom 2021 (Sinte)

¹² Mer djinah: O Moseskre laba wenna o Deblestar. Lauter, hoi job mendar kamella, well lestar, un hi tchatcho un latcho.

Remarja 7:12 Referans Kwoze

1. Timoteo 1:8

Mer djinah, kay o Moseskre laba mishto hi, te venn le i menshende yaake penlo, har čačo hi.

Debleskri gili 119:137

Baro Devel, tou hal an o čačepen tardo, oun tire čačepaskre laba hi mishto.

Remarja 7:14

Mer djinah, o Moseskre laba venna o Deblestar. Ninna djinah, mer ham menshe oun pandlo ap o čilačepen.

Debleskri gili 119:172

Miri čip kamell tiro lab te givell. Tire tsele laba hi mishto oun čačo.

Remarja 3:31

Vitsrah mer kanna kol laba ap i rig, kay o Devel penella, har te djivas? Na-a, kanna, kay patsah, nay krah čačepah, hoy o Devel kamella.

Nehemia 9:13

Oun ap i berga Sinay val tou tele, oun dran o bolepen rakral tou lentsa. Oun tou penal lenge čačepaskre laba, hoy mishto hi, oun sikral len čače dromma, oun dal len lače laba, hoy penan lenge, hoy te krenn le.

5. Mose 10:12

Oun kanna Israel, shoun, hoy t'maro baro Devel kamell, te kress! Tou mangess les an, djas ap leskro drom an halauter hoy tou kreh. Tou kamess les o tselo djiyestar, oun vess leske koy tiri tseli zoryah.

5. Mose 4:8

Kek vavar bari natsyona della, kay i menshen save lače oun čače laba hi, hoy lende sikrenn har te djivenn le, har kal laba, hoy me kava dives glan t'mende čivau.

Debleskri gili 119:140

Tire laba hi lačo oun čačo, oun me, tiro boudepaskro, kamau len miro tselo djiyeha.

Debleskri gili 119:127

Me kamau tire laba boudeder har o sonakay, ava, boudeder har o lačeder sonakay.

Debleskri gili 119:38

Me hom tiro boudepaskro. Rike mange tiro lab, ko lab, hoy tou lauterenge dal, kay moukenn tout pengro ray te vell.

Remarja 12:2

I menshe ap kay phoub djivenn pal pengro shero. Ma djivenn yaake har yon! Moukenn t'men o Deblestar neves te krell, te hayvenn t'mer, hoy yob kamella: kova, hoy hi lačo oun mishto oun čačo.

Remarja 7:16

Me te krau gar kova, hoy kamau, palle penau: Ava, o Moseskre laba hi čačo oun lačo.

Debleskri gili 119:86

Tire tsele laba hi o čačepen. Kol pre-phourde lenn man palla oun anenn rhorhepen ap mande pre. Ab ap miri rig!