Remarja 5:19 - O Debleskro Lab 2024 (Sinte-Manouche)

¹⁹ O Adam shounas gar ap o Debleste. Doleske čivas o Devel lauteren pale. O Yezous Kristo shounas ap o Debleste, oun doleske kras o Devel kol boud menshen čačo oun erligo glan peste.

O Debleskro Drom 2021 (Sinte)

¹⁹ O Adam shunas gar ap o Debleste. Doleske tchiwas o Dewel lauteren pale. O Jesus Kristo shunas ap o Debleste, un doleske kras o Dewel kol bud menshen tchatcho un erligo glan peste.

Remarja 5:19 Referans Kwoze

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Remarja 5:18

Yaake dikah: O Adam kras i čilačo koova, oun doleske van le lauter pale-čiddo glan o Debleste oun hounte meran. O Yezous Kristo kras i čačo koova, oun doleske venn le lauter čačo glan o Debleste oun lenn o Debleskro djipen.

Filiparja 2:8

oun shounas ap leste, oun moukas, te van i menshe ray pral leste, oun maran les, oun dan les ap o troushel.

Remarja 5:12

Hi yaake: O čilačepen vas ap i phoub, har yek mensho, o Adam, čomone kras, hoy o Devel gar kamas. O čilačepen anas o merepen ap i phoub. Yaake vas o merepen pash i tsele menshende. Lauter kran o čilačepen, oun lauter hounte merenn.

Efesarja 1:6

te sharas mer leskro baro lačepen. Yob his yaake lačo ap mende, te das lo peskro kamlo čaves menge!

Remarja 5:15

Ko vavar mensho hi o Yezous Kristo. O Adam kras o čilačepen, oun boud menshe hounte meran. O Yezous Kristo anas o Debleskro lačepen, oun las boud menshen vin dran o merepen. Yaake dikah, o Debleskro lačepen hi boud bareder har o menshengro čilačepen.

Daniel 9:24

Efta kope efta-deesh (70) bersha hi ko tsiro, hoy o Devel peske glan čivas, te vell o čilačepen oun i doosh krik lino tire menshendar oun dran o Debleskro foro. Palle vell i phagi krik lino oun ko čačepen vell, hoy hako tsiro ačella. Oun kova, hoy an o dikepen diklo vas, vell čačo, ninna kova, hoy o Debleskre rakepangre glan-vi penan. Oun o Debleskro kheer vell pale neves o Debleste dino.

Remarja 11:32

O Devel moukas i tsele menshen i tsiro, kay shounan le gar ap leste, te nay vell lo lauterenge lačes.