Remarja 4:11 - O Debleskro Lab 2024 (Sinte-Manouche)

¹¹ Činlo vas o Abraham, te vell diklo: Yob hi čačo dran o patsepen, hoy glan kava tsiro an leste his. Doleske vas lo kharedo: O dad lauterendar, kay patsenn ap o Debleste, ninna te hi le gar ap o mass činlo. Lengro patsepen čivell len an o čačepen.

O Debleskro Drom 2021 (Sinte)

¹¹ Tchinlo was o Abraham, te well diklo: Job hi tchatcho dran o patsepen, hoi glan kau tsiro an leste his. Doleske was lo kharedo: O dad lauterendar, kai patsenn ap o Debleste, ninna te hi le gar ap o mass tchinlo. Lengro patsepen tchiwell len an o tchatchepen.

Remarja 4:11 Referans Kwoze

Louka 19:9

Penas o Yezous ap leste: “Kava dives las o Devel i menshen an kava kheer dran o čilačepen vin. Ninna kava rom hi o Abrahameskro čavo.

Hebrearja 11:7

Ninna o Noah patsas, hoy o Devel penas, har yob leha rakras, oun leste sikras, hoy pral i tsele menshende vella. Ninna te dikas o Noah kova gomme gar, shounas lo ap o Debleste, oun kras i baro panyeskro kheer. Yaake hounte meras yob peskre menshentsa gar. Har o Noah ko panyeskro kheer kras, vas diklo, te patsas yob, hoy o Devel penas. Ninna vas diklo, i vavar menshe patsan gar, hoy o Devel penas. Doleske hounte meran le. Ap o Noah penas o Devel: Tou patsal man. Tou hal kanna an o čačepen tardo glan mande.

2. Korintarja 1:22

oun das men peskro Dourho. Ko Dourho, hoy an mende hi, sikrell men, kay ham leskro. Doleske djinah, yob dell men gomme boud bareder lačo koova an ko tsiro, hoy vella.

Filiparja 3:9

Leske kamau te djivell. Har djivom pal o Moseskre lila kras man kova gar čačo glan o Debleste. Na-a, miro patsepen ap o Yezous Kristeste kras man čačo glan o Debleste. Koon patsell ap o Yezous Kristeste, koles čivell o Devel an o čačepen.

Efesarja 4:30

Te krenn t'mer i čilačo koova, palle doukrenn o Debleskro Dourho an t'mare djia. O Devel das les t'mende, te sikrell lo, kay leskro han ap ko dives, kay lell lo t'men dran o tselo čilačepen vin.

Efesarja 1:13

T'mer ninna shounan o čačepen. Oun t'men vas ko drom siklo, hoy anas t'men pash o Debleste. Ko drom hi o Yezous Kristo. Har t'mer ap leste patslo van, das lo t'men o Debleskro Dourho an t'mare djia. Glan i rah tsiro penas o Devel, te dell lo les peskre čavende. Yaake sikrell lo, koon leskre čave hi.

Galatarja 6:16

Me kamoms, te dell o Devel peskri barht oun peskro kamlepen lauterende, kay rikrenn pen ap kal laba. Mou vell kova ninna ap i tsele Debleskre menshende an Israel!

Galatarja 5:5

Mentsa hi vavarčandes. Mer patsah, te čivell men o Devel an o čačepen, te patsah ap o Yezous Kristeste. Ko patsepen dell men o Debleskro Dourho.

Galatarja 3:29

Te djan t'mer o Yezous Kristeha, han t'mer ninna o Abrahameskre čave. Oun t'mer lenn kova, hoy o Devel o Abrahameskre čavende della, yaake har penas lo.

Galatarja 3:22

O Debleskro lab penella, kay hi hako mensho pandlo ap o čilačepen. Ko yek drom, kay anell men vin dran o čilačepen, hi o patsepen ap o Yezous Kristeste. Kova penas o Devel.

Galatarja 3:7

T'mer dikenn kanna: O Abrahameskre čače čave hi kolla, kay o Debles patsenna.

Remarja 10:11

An o Debleskro lab hi činlo: Kova, kay ap leste patsella, kova hounte ladjell pes gar glan mande.

Remarja 10:6

Hi vavarčandes kolenge, kay patsenn ap o Yezous Kristeste. Dran lengro patsepen van le čačo glan o Debleste. O Debleskro lab penell: Ma pen an tiro dji: Yek hounte djal an o bolepen, te anell lo o Yezous Kristes tele! Mer djinah: o Yezous Kristo vas ap i phoub.

Remarja 10:4

Yob bičras o Yezous Kristes. Koon ap leste patsella, kova hi čačo glan o Debleste. O Moseskre laba hi bouder gar o drom pash o Debleste.

Johanni 6:35

O Yezous penas lenge: “Me hom ko maro, kay della ko djipen. Koon pash mande vella, koles vell bouder kek bok. Oun koon ap mande patsella, koles vell bouder kek troush.

Debleskro tsiro 9:4

Oun lenge vas penlo, te doukrenn le gar o zenlepen ap i phoub, vitar gar i rouka. Yon hounte doukrenn kol menshen kokres, kay kek Debleskro sikepen glan ap lengre shere hi.

2. Petro 1:1

Me, o Simon Petro, činau kava liil. Me boudrau o Yezous Kristeske oun hom leskro bičepaskro. Me činau ap lauterende, kay lan ninna ko patsepen har mer. Ko kouč patsepen, kay čivas men an o čačepen glan o Debleste, das men maro Devel oun o Yezous Kristo, kay las men dran o čilačepen vin.

Remarja 9:30

Yaake nay penah: Kol menshe, kay hi kek bibolde, rodan gar pal o čačepen. Oun kolen čivas o Devel an o čačepen. Yon patsan ap leste. Oun doleske kras lo len čačo glan peste.

Remarja 9:6

Kanna penau kate gar, te hi o Debleskro lab bouder či moldo, hoy yob ap i Israelitarya penas. Na-a! Hoy kamau te penell, hi kova: I tsele Israelitarya hi gar lauter o Debleskre menshe.

Remarja 3:26

I rah tsiro rikras o Devel peskri rholi pale, oun das len kek phagi. Kanna, ap kava tsiro meras o Yezous lenge, oun las lengri phagi ap peste. Yaake sikrell o Devel peskro čačepen. Yob hi čačo. Ninna krell lo koles čačo, kay ap o Yezous Kristeste patsella.

Johanni 8:33

Penan yon: “Mer ham o Abrahameskre čave. Oun an kek tsiro hams pandle boudepangre. Har nay peneh tou menge, te ačenn bouder gar pandlo?”

Johanni 6:47

Čačepah, me penau t'menge: Koon ap mande patsella, koles hi o djipen, hoy gar pre-herella.

Johanni 6:40

Kova kamell miro dad: Hakeno, koon o čaves dikella, oun ap leste patsella, lell o djipen, hoy gar pre-herella. Oun me krau les i moulendar djido ap o palstouno dives.”

Johanni 3:36

Koon ap o čaveste patsella, koles hi ko djipen, hoy gar pre-herella. Koon ap o čaveste gar patsella, koles vell ko čačo djipen gar. O Debleskri rholi ačell pral leste.”

Mateo 16:16

Penas o Simon Petro: “Tou hal o baro ray, kolestar o Devel penas te vell yob. Tou hal o čavo o djido Deblestar.”

Mateo 8:11

Boud menshe venna dran boud vavar themma pash o Debleste an o bolepen, oun beshenn pen tele, te rhan le o Abrahameha oun o Isaakeha, oun o Yakobeha khetne.

Ezekiel 20:20

Oun rikrenn o Debleskro dives dren, te krenn kek boudi ap leste. Ko dives hi i sikepen koleske, hoy vin kram, te djinenn t'mer, te hom me, o baro Devel, t'maro Devel.

Ezekiel 20:12

Ninna čivom o dives dren, hoy mange hi, kay hounte boudrenn le gar. Ko dives his o sikepen koleske, hoy vin kram. Yaake kamom, te djinenn i Israelitarya, kay me, o baro Devel, rodom len mange vin, te venn le mire menshe.

5. Mose 30:6

T'maro baro Devel dell t'men djia, hoy shounenn oun krenn, hoy lo t'mendar kamell. T'men oun kolen, kay t'mendar venna, dell lo save djia, yaake te kamenn t'mer t'maro baro Debles o tselo djiyestar oun t'mari tseli zoryah. Oun t'mer ačenn djido.

2. Mose 31:17

O Debleskro dives hi i sikepen mange oun mire menshenge, i Israelitarya, hoy hako tsiro ačella. An shob divessa kras o baro Devel o bolepen oun i phoub. Oun o eftato dives kras yob či oun las nevi zoor.

2. Mose 31:13

Pen ap i tsele Israelitarya: Rikrenn o Debleskro dives t'menge! Kova sikrell t'men, kay me t'maro Devel hom, oun t'mer mire menshe han an hako tsiro. Kova hi t'menge oun t'mare čavenge oun lauterenge, kay pal t'mende venna, te dikenn t'mer, te rodom me, o baro Devel, t'men vin, te venn mire menshe.

2. Mose 12:13

O rat ap i khera sikrell mande, kay t'mer han. Oun dikau me o rat, djau me doureder, te djal t'menge či. Oun ko merepen, hoy anau ap o them Egiptia, vell gar ap t'mende.

Remarja 9:33

An o Debleskro lab hi činlo: Dikenn, me čivau i baro bar an o foro Sion. Pral koleste perenn le, oun ap koleste rhoyrenn le pen. Oun kova, kay ap leste patsella, kova hounte ladjell pes gar glan mande.

1. Mose 17:24

Har o Abraham ap peskro mass činlo vas, his lo 99 (enya-deesh-te-enya) bersha phouro.

Debleskri gili 47:9

O Devel hi o baro ray pral i tsele themma. O Devel beshas pes ap peskri rayeskri beshepaskri, hoy leske kokres hi.

Johanni 3:33

Koon patsell ap leste, kova sikrell yaake, kay halauter čačo hi, hoy o Devel penella.

Remarja 3:30

Yob hi ko yek Devel. Kova krell kolen čačo, kay ap o Yezous Kristeste patsenna: i bibolden har kolen, kay kek bibolde hi.

Remarja 4:10

Poučau t'mendar: Havo tsiro čivas o Devel les an o čačepen? Čivas lo les an o čačepen ap ko tsiro, kay yob ap o mass činlo vas? Na-a. Yob čivas les an o čačepen, har yob gar ap o mass činlo his.