Remarja 3:20 - O Debleskro Lab 2024 (Sinte-Manouche)

²⁰ Te kamell lo te krell, hoy o Devel an o Moseskre laba penell, hayvell lo ninna, te nay krell lo kova gar. Kol laba sikrenn les, te hi lo čilačo glan o Debleste.

O Debleskro Drom 2021 (Sinte)

²⁰ Te kamell lo te krell, hoi o Dewel an o Moseskre laba penell, haiwell lo ninna, te nai krell lo kowa gar. Kol laba sikrenn les, te hi lo tchilatcho glan o Debleste.

Remarja 3:20 Referans Kwoze

Bičepangre 13:39

Koon ap o Yezouseste patsella, koleskri doosh lell o Devel lestar krik.

Remarja 3:28

Yaake djinah, o mensho vell čačo glan o Debleste, te patsell lo ap o Yezous Kristeste, oun gar, te djivell lo pal kol laba, hoy penenn, har te djivas mer.

Galatarja 2:19

Har krom gar, hoy o Moseskre laba penenna, penan kol laba mange: Tou hounte meress. Yaake hom lenge moulo oun nay djivau kanna o Debleske. Me merom o Yezouseha ap o troushel.

Remarja 4:15

Te djinell yek gar, hoy o Devel lestar kamella, oun krell i čilačo koova, nay djinell lo gar, kay kova čilačo hi. Kolla, kay djinenn, hoy o Devel lendar kamella oun krenn kova gar, pral kolende vell o Debleskri rholi. Yaake anenn o Moseskre laba, hoy menge penenna, hoy o Devel mendar kamella, čačepah o Debleskri rholi pral i menshende.

Remarja 9:32

Hoske gar? Yon kaman čačo te vell dran pengri zoor, oun kaman gar te patsell ap o Yezous Kristeste. Oun yaake van le har menshe, kay perenn pral i baro bar, hoy ap lengro drom čiddo hi.

Remarja 5:20

O Devel kamas i menshende te sikrell, har baro lengri doosh hi. Doleske das lo len peskre laba. Kolla penan lenge, hoy lačo oun hoy čilačo hi. Yaake dikan le, har boud čilačo koova yon kran. Oun kote, kay o čilačepen baro vas, kote vas o Debleskro lačepen gomme bareder.

Remarja 4:13

Glan rah tsiro das o Devel o Abrahames peskro lab, te lenn leskre čave i tseli phoub. Ap ko tsiro penas o Devel leske gar: Tou te kreh lauter, hoy toutar kamau, palle leh tou kova halauter. Na-a. Yob penas leske: Tou patsal ap mande, doleske hal čačo glan mande.

Debleskri gili 143:2

De man, tiro boudepaskres, kek phagi; glan toute hi kek mensho an o čačepen tardo.

Galatarja 5:4

Koon mank t'mende djivell pal o Moseskre laba, te vell lo čačo glan o Debleste, kova moukas o Yezous Kristes. Leskro kamlepen hi bouder gar leske koy.

Remarja 5:13

Glan rah tsiro, har shounan i menshe gomme gar, har te djivenn le, anan le kek doosh ap pende, te kran le o čilačepen.

Debleskri gili 130:3

Te činals tou, baro Devel, mari doosh an i liil, koon nay ačals palle glan toute tardo?

Remarja 2:13

Glan o Debleste hi kolla čačo, kay krenna, hoy yob kamella, oun gar kolla, kay shounenn kol laba oun krenn gar, hoy kol laba penenna.

Hiob 15:15

Ninna leskre bolepangren nay patsell lo gar. Oun o bolepen hi gar djoudjo glan leskre yaka.

Remarja 7:11

Me nay rikrom kol laba gar. Yaake hatsas o čilačepen i drom te rhorhell lo man, oun te anell lo man an o merepen.

1. Korintarja 15:56

O merepen lell peskri zoor dran o čilačepen, hoy o mensho krella. Hoy čilačo hi, djinah mer dran o Moseskre lila, kay činlo hi, har te djivas.

Hebrearja 7:19

O Moseskre laba nay kran i menshen gar čačo glan o Debleste. Doleske sikras men o Devel i nevo oun feteder drom, kay anell men pash leste.