Remarja 3:12 - O Debleskro Lab 2024 (Sinte-Manouche)

¹² Halauter moukan o čačo drom oun molenn či. Kek krell, hoy mishto oun lačo hi, kek.

O Debleskro Drom 2021 (Sinte)

¹² Halauter mukan o tchatcho drom un molenn tchi. Kek krell, hoi mishto un latcho hi, kek.

Remarja 3:12 Referans Kwoze

Debleskri gili 14:3

Halauter rissran pen lestar krik, oun djivenn i djoungelo djipen, yek har ko vavar. Kek hi koy, kay krell o lačepen, ava, kek!

Sikepaskro 7:20

Kek mensho hi yaake an o čačepen tardo, te krell lo kokres lačo koova oun anell kek doosh ap peste.

Jesaja 64:6

Oun koy hi kek, kay tiro lab an-gole dell, kek, kay vell pash toute, te rikrell lo pes ap toute. Čačepah, tou kameh bouder či mendar te djinell, oun moukeh men tapedo an maro čilačepen.

Jesaja 59:8

T'menge hi či moldo, te djal i vavarenge mishto. Oun o čačepen kamenn gar te krell. Bange dromma djan t'mer. Save menshe perenn an i bibarht.

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

Sikepaskro 7:29

Dik, kova kokres hatsom: O Devel kras o menshes yaake, te djivell lo an o čačepen; i menshe rodenn penge boud dromma, kay nay krenn le čilačepen.

1. Petro 2:25

T'mer hans har bakre, kay nashran pen. Kanna anas t'men o Yezous Kristo pale ap o čačo drom. Yob hi t'menge har i bakrengro, oun dell garda ap t'mende.

Filemon 1:11

Ap ko tsiro, har yob pash toute boudras, his lo touke či moldo. Kanna hi lo mange har touke boud moldo.

Efesarja 2:3

His i tsiro, kay djivam mer halauter har yon, oun kram o čilačepen, hoy an mende hi. Mer kram, hoy mer kamam, oun hoy menge an o shero vas. Oun o Debleskri rholi his ninna pral mende har pral kol vavar menshende.

1. Mose 1:31

Oun o Devel dikas halauter, hoy yob kras, oun čačepah halauter his mishto. Oun vas rati oun pale taysarlakro. Kova his o shobto dives.

Mateo 25:30

Ko boudepaskro, kay či moldo hi, vitsrenn les an i kali rat vin! Kote rovenn le, oun dandrenn i danda i doukatar khetne.

Jeremia 2:13

Mire menshe kran čomone, hoy douy kope čilačo hi: Man, ko djido pani moukan yon, oun hadan penge panyeskre rhebya vin, kay paash hi, oun nay rikrenn kek pani.

Debleskri gili 53:1

I gili o rayeske pral i gipangre, te givell har koy gili Mahalat. O David kras kay gili.

2. Mose 32:8

Sik djan le ko dromestar tele, kay me sikrom lende. Yon kran penge i devel, – i terno gouroum, – oun mangan les an, maran firhen leske oun penan: Kava hi tiro Devel, Israel, kova, kay anas tout dran o them Egiptia vin.”

Debleskri gili 53:3

O Devel dikell dran o bolepen tele ap i menshende, te hatsell lo yekes, kay gosevo hi oun pal o Debleste poučella.

Remarja 3:11

Kek mensho hi gosevo. Kek rodell o Debles.

Remarja 3:13

Dran lengro mouy vell merepen. Ap lengri čip hi rhorhepen. Lengro rakepen anell o merepen har i sapa, hoy dandrenna.