Remarja 15:32 - O Debleskro Lab 2024 (Sinte-Manouche)

³² Palle nay vau barhteles pash t'mende, yaake har kamell o Devel, te lap nevi zoor pash t'mende.

O Debleskro Drom 2021 (Sinte)

³² Palle nai wau bachteles pash tumende, jaake har kamell o Dewel, te lap newi soor pash tumende.

Remarja 15:32 Referans Kwoze

1. Korintarja 16:18

Yon kran miro dji zoreles, yaake har yon ninna t'mare djia zoreles kran. Rikrenn t'men ap save menshende!

Bičepangre 18:21

Har djas lo peske, penas lo ap lende: “Te kamell o Devel, vau pale pash t'mende.” Oun yob djas vin dran o foro Efesus, oun ouleras ap o shiffo pral o baro pani,

Filemon 1:20

Ava, miro phraal! Kre man barhteles, oun kre kova, hoy me toutar mangom! Kre kova maro rayeske, o Yezous Kristeske, ap koleste mer douy patsah. Yaake kreh tou miro dji zoreles an leste!

Filemon 1:7

Miro phraal! Tiro kamlepen, hoy hi tout i patslenge, kova kras lengre djia zoreles. Oun kova, hoy tou lenge kral, kras man ninna barhteles, oun das man nevi zoor.

2. Korintarja 7:13

Oun kova kran t'mer. Oun doleske vas nevi zoor an mare djia. Ava, mare djia van pale zoreles oun mari barht vas gomme bareder, har dikam, har barhtelo o Tito his, har vas lo t'mendar pale. T'mer lauter kran leskro dji zoreles.

2. Timoteo 1:16

Me mangau o Debles miro phraleske, o Onesiforo oun i menshenge an leskro kheer, te vell lo lenge lačes. O Onesiforo kras boud kope miro dji zoreles, oun ladjas pes gar mange, har homs stildo.

Jakobo 4:15

Doleske hounte penas yaake: “Te kamell o Devel, djivah mer oun krah kava te kova.”

1. Korintarja 4:19

Djinenn! Te kamell o Devel, vau me yaake sik har djala pash t'mende. Koy kamau me gar te shounell, har bares yon rakrenna. Me kamau lengri zoor an o patsepen te dikell.

Bičepangre 27:1

Har kran le vin, te oulerah mer ap o shiffo an o them Italia, dan le o Paules oun vavar stilden an i vasta i baro lourdestar. Leskro lab his Yulio. Kova his i pralstouno pral kol lourdende, kay o baro rayeskre lourde kharedo venna.

Gosewe laba 25:13

I morsh o labestar hi koleske, kay les bičras, har shila pani an ko tato tsiro, kay o djob dren anlo vell, oun dell les nevi zoor.

Remarja 15:29

Oun me djinau, te vau pash t'mende, anau t'menge i tseli barht, hoy vella o Yezous Kristestar.