Remarja 15:1 - O Debleskro Lab 2024 (Sinte-Manouche)

¹ Mer, kay ham zorelo an o patsepen, hounte dikas ap kolende, kay hi gar zorelo an o patsepen, te hidjras mer lentsa, hoy lenge pharo hi. Mer hounte dikas gar ap mende kokres, te djal menge mishto.

O Debleskro Drom 2021 (Sinte)

¹ Mer, kai ham sorelo an o patsepen, hunte dikas ap kolende, kai hi gar sorelo an o patsepen, te hidjras mer lentsa, hoi lenge pharo hi. Mer hunte dikas gar ap mende kokres, te djal menge mishto.

Remarja 15:1 Referans Kwoze

1. Tessalonikarja 5:14

Mire phrala, kanna penah t'menge, hoy te krenn: Denn kolen trad, kay kamenn gar te boudrell! Rakrenn kolentsa mishto, kay hi dareno! Krenn kolen zoreles, kay hi gar zorelo an o patsepen! Denn kekes sik pre!

Remarja 14:1

Lenn ninna koles lačes pre, kay hi gar zorelo an o patsepen. Ma čingrenn leha pral o patsepen!

1. Korintarja 9:22

Pash kolende, kay hi gar zoreles an o patsepen, djivau me yaake har yon djivenna. Kova krau me, te vell lengro patsepen ap o Yezouseste zoreles. Me vom lauterenge yaake har yon, te rodap i drom, te anap len pash o Yezous Kristeste.

1. Johanni 2:14

Čovale, t'menge činom kava lab, te bistrenn gar, kay hi o Devel t'maro dad. Phoure morshale, t'menge činom kava lab, te bistrenn gar o Yezouses, kay hako tsiro koy hi. Terne morshale, t'menge činom kava lab, te han t'mer zoreles. Oun o Debleskro lab ačell an t'mende. Oun t'mer kran gar, hoy o beng t'mendar kamas.

2. Timoteo 2:1

Tou, miro čavo Timoteo, vess zoreles an o patsepen! O Yezous Kristo dell tout koy zoor.

Remarja 4:20

Yob rikras pes ap kova, hoy o Devel leske penas, oun yob patsas gar i paash djiyestar. Yaake vas leskro patsepen gomme zorleder. Oun yob sharas o Debles.

Efesarja 6:10

Ninna kamau t'menge te penell: Avenn zoreles an o patsepen ap o rayeste, o Yezouseste! Les hi i bari zoor t'menge.

2. Korintarja 12:10

Doleske hom gar bibarhtelo, te hi man kek zoor, te lau dava, te vell pharo koova ap mande, te lenn yon man palla, te vell i traash ap mande. Kova lau o Yezous Kristeske ap mande. Me djinau, te hi man kek zoor, palle dell man o Yezous Kristo zoor.

1. Korintarja 4:10

Mer rakrah o Yezous Kristestar. Oun doleske ham dinele glan i menshengre yaka. T'mer patsenn ap o Yezous Kristeste, oun doleske han goseve. Mer ham gar zorele, oun t'mer han zorele. Men sharenn le gar. T'men sharenn le.

Remarja 14:2

Ko yek patsell, kek rhapen hi pale-čiddo. Ko vavar, kay hi gar zorelo an o patsepen, kova patsell, te nay rhal lo kek mass.

Filiparja 2:4

Kek te dikell ap peste kokres, te djal leske mishto! Yob te dikell ninna ap ko vavareste, te djal koleske ninna mishto!