Remarja 12:19 - O Debleskro Lab 2024 (Sinte-Manouche)

¹⁹ Mire kamle phrala oun phenya, ninna te kras yek t'menge čilačo koova, ma denn leske pale! Moukenn les! O Devel dell les i phagi. An o Debleskro lab hi činlo: O Devel penas: Me dau len pale. Me dau len i phagi.

O Debleskro Drom 2021 (Sinte)

¹⁹ Mire kamle phrala un phenja, ninna te kras jek tumenge tchilatcho koowa, ma denn leske pale! Mukenn les! O Dewel dell les i phagi. An o Debleskro lab hi tchinlo: O Dewel penas: Me dau len pale. Me dau len i phagi.

Remarja 12:19 Referans Kwoze

5. Mose 32:35

Yob penell: Me hom kova, kay dau len halauter ap lengro shero pale an ko tsiro, kay trissenn lengre herya. Gar dour hi o dives, kay vell lengri bibarht pral lende. Oun kova, hoy ap lende vell, kova vell sikepah.

Hebrearja 10:30

Mer djinah, kay o Devel penas: Me dau len ko čilačepen pale, hoy yon kran. Miri rholi vell ap lende. Oun pale hi činlo: O Devel rakrell o čačepen pral peskre menshende vin.

Gosewe laba 24:29

Ma pen: “Yaake har yob mange kras, krau me leske ninna. Hakeneste dau pale, har yob mange kras.”

Gosewe laba 20:22

Ma le touke glan, te dess o čilačepen pale, hoy yek ap toute kras. Dik ap o baro Debleste! Kova lell tiro koova an peskro vast.

Remarja 12:17

Te hi yek čilačo ap t'mende, palle venn gar čilačo ap leste! Krenn, hoy lačo hi an i tsele menshengre yaka!

1. Tessalonikarja 4:6

Kek hounte rhorhell peskro phrales. Koon kova krella, koles dell o Devel i phagi. Yaake penam t'menge, oun dam t'men trad.

3. Mose 19:18

Ma de o čilačepen pale, hoy i vavar ap toute kras, oun hidje leske či palla. Tou vess yaake lačes ap leste, har hal lačes ap toute kokres. Me hom o baro Devel.

Remarja 12:14

Rakrenn lače laba ap kolende, kay lenn t'men palla! Mangenn o Debles lenge, oun koshenn len gar!

5. Mose 32:43

T'mer menshe dran i vavar themma, sharenn o baro Debleskre menshen! Kolla, kay maran leskre boudepangre, kolenge dell yob halauter pale ap lengre sherya. Oun yob dell kolen halauter pale, kay kouran pen leha. Oun lell krik o praasepen, hoy ap o them peskre menshendar hi.

Mateo 5:39

Me penau t'menge: Ma hadenn t'maro vast ap koleste, kay kras t'men čilačo koova! Te das touke yek ap i čači čam, koleske rike ninna i servi koy, te dell lo tout!

Remarja 13:4

O Devel das len pengri boudi, te djal touke lačes. Tou te kre čilačo koova, palle hounte daress tou lendar. Hi gar čičeske, te vell len i zoor, te denn le i phagi. O Devel das len koy boudi, te denn le kolen i phagi, kay kran i čilačo koova.

1. Samuel 25:33

Oun sharedo vell tiro gosvepen, te rikral tou man kava dives pale, te anap rat ap mande, oun dap miro vasteha pale!

1. Samuel 25:26

Oun kanna, miro ray, me dau man sovel glan o djido Debleste oun glan toute: O baro Devel rikras tout pale, te aness tou rat ap toute oun dess tiro vasteha pale, hoy o Nabal ap toute kras. Kamau, te djal lauterenge, kay kamenn tout čilačepen, yaake har o Nabaleske!

Ezekiel 25:12

Kava penell o baro Devel, maro ray: I Edomarya dan i menshenge dran o kheer Youda pale, hoy kolla ap lende kran. Kova dan le len yaake pale, te lan le bari doosh ap pende.

1. Samuel 26:10

Palle penas lo: “Me dau man sovel pash o djido Debleste: Yob kokres marell les, nay vell ap leskro tsiro, kay hounte merell lo, nay vell an o marepen.

1. Samuel 26:11

O baro Devel mou rikrell man pale, te taprap me koles an, kones yob peske vin rodas. Le kanna leskro vitsepaskro čouri, hoy pash leskro shero an i phoub dino hi, oun leskro panyeskro khoro, te djas mer menge!”

Jeremia 51:36

Doleske penell o baro Devel ap o foro Yerusalem: Dik, me kamau tiro koova an miro vast te lell. Me krau, te vell lengro lengsto pani Eufrat trouk, oun te nashell an lengre vavar panya bouder kek pani.

Efesarja 4:27

Denn garda ap t'mende, te krenn t'mer gar, hoy o beng kamella!

2. Timoteo 4:14

O Alexandro, kova, kay boudrell i sasteha, kras mange boud čilačepen. O ray Yezous rakrell i phagi pral leste vin pal kova, hoy yob kras.