Remarja 11:28 - O Debleskro Lab 2024 (Sinte-Manouche)

²⁸ Te dikau, har patsenn i bibolde gar ap o lačo lab o Yezous Kristestar, hounte penap: Yon hi gar o Debleskre mala. Kova vas yaake, te nay venn t'mer pash o Debleste. Te dikau, har rodas o Devel lengre phouren an o phouro tsiro vin, hounte penap, kay leskro kamlepen lenge his.

O Debleskro Drom 2021 (Sinte)

²⁸ Te dikau, har patsenn i bibolde gar ap o latcho lab o Jesus Kristestar, hunte penap: Jon hi gar o Debleskre mala. Kowa was jaake, te nai wenn tumer pash o Debleste. Te dikau, har rodas o Dewel lengre phuren an o phuro tsiro win, hunte penap, kai leskro kamlepen lenge his.

Remarja 11:28 Referans Kwoze

5. Mose 10:15

T'mare phouren kamas lo o djiyestar. Oun t'mer, kay lendar van, rodas lo peske vin mank i menshende dran an i tsele vavar themma. Oun ninna kava dives han t'mer leskre vi-rodede menshe.

Remarja 11:7

Hoy kanna? Kova, hoy kaman i Israelitarya te lell, kova lan le gar. Kolen kokres, kay o Devel peske vin rodas, kolla lan kova. I tsele vavaren hi i dji dran bar.

Remarja 9:5

Lengre phoure hi o Abraham, o Isaak oun o Yakob. Ninna o Yezous Kristo vas i Israelitari, har vas lo boldo. Sharas o Debles pral kova lauter hako tsireske. Amen!

Mateo 21:43

Ava, me penau t'menge: An ko tsiro, hoy vella, han t'mer bouder gar o Debleskre menshe. O Devel dell vavar menshen khetne gole, te djivenn le leha khetne. Oun yon krenna, hoy o Devel kamella.

Remarja 11:11

Me poučau t'mendar kanna: Peran yon o Debleskro dromestar tele, te nay stenn le bouder gar pre? Na-a. Kova hi gar yaake. Har peran yon o Debleskro dromestar tele, vas o Debleskri barht pash kolende, kay hi kek bibolde, yaake te zilverenn i bibolde ap kolende.

Micha 7:20

Tou rikreh tiro lab, oun moukeh o Yakobeskre čaven gar. Kolenge, kay venn pal o Abrahameste, hal tou lačo, yaake har penal kova mare phourenge an o phouro tsiro, oun dal tout sovel koy pre.

Jeremia 31:3

O baro Devel sikras pes mande foun doural: Me kamom tout hako tsiro, doleske tserdom tout pash mande dran miro lačepen.

5. Mose 9:5

Hi gar doleske, te vans lače menshe oun t'men vals i djoudjo dji, te venn t'mer an ko them, te lenn les t'menge dren. Na-a, t'maro baro Devel tradell kol menshen vin ko čilačepaske, hoy le kran, te rikrell yob koy sovel dren, hoy lo t'mare phourende, o Abrahames oun o Isaakes oun o Yakobes, das.

5. Mose 8:18

Doleske ma bistrenn t'maro baro Debles! Yob hi kova, kay tout i zoor das, te nay lenn t'menge bravlepen khetne. Oun yaake rikrell yob kova, hoy lo t'mare phourentsa vin kras. Ninna kava dives rikrell lo pes ap kova.

5. Mose 4:31

O baro Devel hi i Devel, kay t'menge peskro dji pre krell. Yob moukell t'men gar, oun moukell t'men gar vin te merell, oun bistrell gar, hoy lo t'mare phourentsa vin kras.

Remarja 11:30

Glan i tsiro shounan t'mer gar ap o Debleste. Oun palle vas o Debleskro kamlepen ap t'mende. Kova vas an kava tsiro, kay i bibolde gar ap leste shounan.

Remarja 5:10

Dikenn! Ap ko tsiro, kay kamam o Deblestar či te djinell, meras o Debleskro čavo menge. Leskro merepen anas men pash o Debleste, te djivas pale leha khetne. Oun kanna ham o Debleskre mala. Oun leskro čavo djivella, te djas mer gar nashedo.

Bičepangre 18:6

Yon shounan gar ap leste oun praasan les. Palle das yob koy čik dran peskre koola tele, oun penas ap lende: “T'maro rat vell ap t'maro shero. Man hi kek doosh. Kanna djau me pash kolende, kay kek bibolde hi.”

Bičepangre 14:2

Kol bibolde, kay van gar patslo, penan, te vals kova gar čačo, hoy o Paulo penas, oun kran, te van kolla, kay kek bibolde hi, rhoyedo ap i patslende.

Louka 1:54

Oun yob bistras gar peskro boudepaskres, o Israel, oun kras peskro dji leske pre,

1. Mose 28:14

Yon venna yaake boud har i čik, hoy ap i phoub hi. Oun krau lengro them baro oun bourhlo ap hake rigya. Oun koy barht, hoy dau toute oun tire čavende, djal doureder ap i tsele menshende, kay ap i phoub hi.

1. Mose 26:4

O Abraham shounas ap mande oun kras kova, hoy me leske penom. Yob rikras pes ap mire laba oun djivas pal miro čačepen. Doleske krau me, te venn tire čave yaake boud har i bolepangre momlia. Oun me dau len kalla tsele themma. Oun koy barht, hoy dau tire čavende, djal doureder ap i tsele natsyone, kay ap i phoub hi.”