Remarja 10:12 - O Debleskro Lab 2024 (Sinte-Manouche)

¹² Kava lab hi i tsele menshenge: i biboldenge, ninna kolenge, kay kek bibolde hi. Len halauteren hi yek ray. Oun yob dell o djipen lauterende, kay les mangenna.

O Debleskro Drom 2021 (Sinte)

¹² Kau lab hi i tsele menshenge: i biboldenge, ninna kolenge, kai kek bibolde hi. Len halauteren hi jek rai. Un job dell o djipen lauterende, kai les mangenna.

Remarja 10:12 Referans Kwoze

Filiparja 4:19

Miro Devel dell ninna t'men lauter, hoy t'men hounte vell djipaske. Les hi i baro bravlepen an o bolepen. Kova dell lo kolen, kay djan ap o Yezous Kristeskro drom.

Debleskro tsiro 17:14

Oun yon kourenn pen ko terno bakreha. Oun o terno bakro hi zorleder har yon. Yob hi o ray pral i tsele rayende, oun o pralstouno pral i tsele pralstunende. Oun pash leste hi kolla, kolen yob gole das oun vin rodas, kolla, kay ap leste patsenna.”

Galatarja 3:28

Yaake djivah lauter o Yezouseha khetne. Kanna hi yek, koon t'mer han: bibolde oun kolla, kay kek bibolde hi, boudepangre oun raya, morsha oun djouvya. An o Yezous Kristeste hi yek har o vavar.

Debleskri gili 86:5

Tou hal lačo, miro baro Devel, oun leh i doosh krik. Tiro lačepen hi baro kolenge, kay ap toute gole denn.

Kolossarja 3:11

Kote, kay o Devel i menshen neves kras, kote hi yek yaake boud moldo har o vavar: I bibolde oun kolla, kay kek bibolde hi; kolla, kay ap o mass činlo hi oun kolla, kay gar ap o mass činlo hi; vi-themarya oun divye; raya oun boudepangre. O Yezous Kristo djivell an hakeneste mendar.

Debleskri gili 145:18

O baro Devel hi gar dour hakenestar, kay dell les an-gole, hakeneske, kay dell les an-gole an o čačepen.

1. Timoteo 2:5

Hi yek Devel i tsele menshenge. Oun hi yek rakepaskro, kay anell o Debles oun i menshen khetne. Kova hi ko mensho Yezous Kristo.

Filiparja 2:11

Oun lauter hounte penenna: “O Yezous Kristo hi o ray pral lauter!” Oun yaake sharenn le o Debles, maro dades an o bolepen.

Efesarja 3:6

Yob sikras len, te nay venn ninna kolla o Debleskre čave, kay kek bibolde hi, te djivenn le leha khetne. O lačo lab o Yezous Kristestar hi ninna lenge, yaake har o Devel glan i rah tsiro penas.

Debleskro tsiro 19:16

Ap leskro ripen oun ap leskri pralstouni heri hi i lab činlo, hoy kharella: o ray pral i rayende oun o pralstouno pral i pralstunende.

Efesarja 1:7

Har o Yezous Kristo ap o troushel meras, oun peskro rat menge ratas, las lo mari doosh oun phagi mendar. Yaake baro his leskro lačepen ap mende!

Remarja 14:9

O Yezous Kristo meras, oun vas pale djido, te vell lo o ray pral kolende, kay moulo hi, oun pral kolende, kay djido hi.

Remarja 2:4

Hi touke o Debleskro baro lačepen či moldo? Les hi i baro dji oun dell i menshen gar sik pre. Djineh tou gar o Debleskro lačepen, hoy kamell tout ap leskro drom te anell?

Jesaja 55:6

Rodenn o baro Debles yaake rah yob moukell pes te hatsell! Denn les an-gole yaake rah yob gar dour hi!

Kolossarja 1:27

Kolen sikras o Devel, har baro oun shoukar ko drom hi, hoy anell ninna kol menshen pash leste, kay kek bibolde hi. Oun ko drom hi o Yezous Kristo, kay djivell an t'mende. Doleske djinenn nay, te djivenn t'mer leha khetne an o bolepen.

2. Korintarja 8:9

T'mer djinenn, har lačo maro ray, o Yezous Kristo, ap t'mende his. Yob his bravelo, oun vas t'menge čorvelo. Kova vas lo, te venn t'mer bravelo.

1. Korintarja 15:47

O ersto mensho vas i phoubyatar oun dran čik kerdo. O douyto mensho, o Yezous Kristo, vas dran o bolepen.

1. Korintarja 1:2

ap i patslende, kay venn khetne an o Debleskro lab an o foro Korint. Kolen rodas o Devel vin, te venn le leskre čave, oun te djivenn o Yezous Kristeha khetne. Kava liil hi ninna kol tsele vavarenge, kay o Yezous Kristes an hake gaba oun forya an-mangenna. Yob hi lengro oun maro ray.

Efesarja 2:7

Yaake baro hi leskro lačepen ap mende, kay patsah ap o Yezous Kristeste. Ninna an ko tsiro, hoy vella, dikenna i menshe, har baro leskro lačepen ap mende hi.

Efesarja 2:4

Kanna kras men o Devel djido. Les his i baro dji menge oun kamas men o tselo djiyestar. Mer, kay leske moulo hams, har djivam an maro čilačepen, men kras yob djido, yaake har yob o Yezous Kristes djido kras. Yob his yaake lačo ap mende, te las lo men dran o čilačepen vin.

Remarja 15:12

Oun o Debleskro rakepaskro, o Yesaya, penas glan i rah tsiro: Koy vell i morsh i menshendar, kolengro dad hi o Isay, kova vell o ray pral i menshende an i tsele themma. Ap koleste dikenn le, te vell lo lenge lačes.

Bičepangre 9:14

Mer shounam ninna, kay las yob lila kol bare rashayendar, te nay taprell yob men oun čivell men stildo, lauter kolen, kay tout an-mangenna.”

Efesarja 3:16

Oun leskri zoor hi bari. Doleske mangau lestar, te krell leskro Dourho t'mare djia zoreles.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

Bičepangre 7:59

Har yon ap leste i barrentsa vitsran, das o Stefano gole: “Ray Yezous, le man pash toute!”