Nehemia 5:15 - O Debleskro Lab 2024 (Sinte-Manouche)

¹⁵ Kol vavar themeskre raya glan mande čivan pharo koova ap i menshende. Hako dives lan le lendar maro oun mool oun kote pashel gomme 40 (star-deesh) roupene beme. Oun kolengre boudepangre kran pen ninna ray pral i menshende, yaake har le kaman! Me krom kova gar yaake, djinom, o Devel dikell man!

O Debleskro Drom 2021 (Sinte)

¹⁵ Kol wawar themeskre raja glan mande tchiwan pharo koowa ap i menshende. Hako diwes lan le lendar maro un mool un kote pashel gomme 40 (star-deesh) rupene beme. Un kolengre budepangre kran pen ninna rai pral i menshende, jaake har le kaman! Me krom kowa gar jaake, djinom, o Dewel dikell man!

Nehemia 5:15 Referans Kwoze

Nehemia 5:9

Oun me penom: “Gar mishto hi kova, hoy t'mer kay krenna! T'mer hounte djivans glan o baro Debleskre yaka, oun krans, hoy mishto hi, te nay praasens men kol vavar menshe gar, kay troul mende djivenn oun maro merepen kamenn.

Jesaja 50:10

Kova t'mendar, kay krell, hoy o baro Devel kamell, oun shounell ap leskro boudepaskro, kova nay djinell: Ninna te djivell lo an i kali rat oun dikell kek momeli glan peste, hi lo an o baro Debleskro vast. Oun kova krell leske halauter mishto.

Gosewe laba 16:6

Ab lačes oun rike pash o Debleste, oun yob bistrell tiri doosh. Te djiveh leha, rikreh tout pale o čilačepastar.

2. Korintarja 11:9

Har me pash t'mende homs, oun mange his gar doha djipaske, mangom kekestar t'mendar čomone. I patsle phrala, kay van dran o them Macedonia, anan mange yaake boud, te nay djivom pash t'mende. Yaake perom kekeske t'mendar ap i possita. Oun yaake kamau kova ninna te krell an ko tsiro, hoy vella.

Mateo 5:47

T'mer te han lačes ap t'mare phralende kokres, palle krenn t'mer, hoy lauter krenna. Ninna kolla, kay prindjrenn o Debles gar, krenn kova, hoy t'mer krenna.

Hiob 31:23

Sau koova nay kroms me gar, me trashau o Deblestar, oun hounte daroms, te vell leskri rholi pral mande!

2. Korintarja 12:13

Me krom t'menge yaake boud, har krom ninna i vavar patslenge, kay an vavar forya khetne venna. Yek koova hi vavarčandes: T'mendar lom kek love. Te his kova i doosh, mangau t'mendar, bistrenn koy doosh!

Gosewe laba 29:12

I ray, kay ap rhorhene laba shounella, koleskre boudepangre venn lauter rhorhene.

Debleskri gili 147:11

O baro Debleske hi kolla shoukar, kay leha djivenna oun ap leste dikenna, te vell lo lenge lačes.

Debleskri gili 112:1

Sharedo vell o baro Devel! Barhtelo hi kova, kay djivell o baro Debleha, oun rikrell pes o tselo djiyestar ap leskre laba.

1. Samuel 8:15

Ninna lell lo o deshto kotar t'maro djobestar oun t'mare drakendar oun playsrell kolentsa kolen, kay boudrenn an leskro kheer, ninna vavar pralstoune boudepangren.

1. Mose 20:11

O Abraham penas: “Me patsom, kay an kava foro kek menshe hi, kay patsenn o djiyestar ap o Debleste oun krenn, hoy o Devel kamell. Darom, kay yon man moulo denna, te lenn le miri romyat.

1. Mose 42:18

Ap o triinto dives penas o Yosef ap lende: “Te krenn t'mer, hoy penau, ačenn t'mer djido. Me darau o Deblestar.

Nehemia 5:16

Miri tseli zoryah boudrom ap i massouri oun ginom mange kek phoub. Oun mire tsele boudepangre hounte boudran kote mantsa khetne.

Jeremia 32:9

Kote ginom ko kotar them an Anatot miro neboudestar, o Hanamel, oun playsrom leske deesh-te-efta roupene kotya koleske.

Ropaskre gilja 5:8

Boudepangre hi i raya pral mende, oun kek hi koy, kay lell men vin dran lengre vasta.