Nehemia 4:15 - O Debleskro Lab 2024 (Sinte-Manouche)

¹⁵ Yaake boudram mer o tselo dives yaake rah har o kham pre djas bis pash ko tsiro, kay i bolepangre momlia glan van. Oun o paash mendar das yak oun rikras o vitsepaskro čouri an o vast.

O Debleskro Drom 2021 (Sinte)

¹⁵ Jaake budram mer o tselo diwes jaake rah har o kham pre djas bis pash ko tsiro, kai i bolepangre momlia glan wan. Un o paash mendar das jak un rikras o witsepaskro tchuri an o wast.

Nehemia 4:15 Referans Kwoze

2. Samuel 17:14

Koy penas o Absalom oun hakeno an Israel: “Kova hoy o Houshay penas, hi feteder har kova, hoy o Ahitofel penas.” Yaake kras o baro Devel, kay kek kova kras, hoy o Ahitofel an leskro gosvepen penas. O baro Devel kamas i bibarht pral o Absalom te anell.

Remarja 12:11

Ma avenn khino! Krenn t'mari boudi i tseli zoryah! Halauter, hoy t'mer krenna, krenn o Yezouseske, maro rayeske!

Jesaja 44:25

Me krau, te venn kol laba gar čačo, hoy i dourkepangre penan, oun moukau kol dravepangre har dinele vin te dikell. Me sikrau, har hi či-moldo ko gosvepen kolendar, kay patsenn, te hi le gosevo. Me čakrau pre, te hi lengro gosvepen čačepah dinlepen.

1. Tessalonikarja 4:11

Djivenn t'maro djipen yaake, te nay rakrenn i menshe gar djoungeles pral t'mende! Krenn t'mari boudi! Boudrenn yaake, te vell t'men doha djipaske, yaake har t'menge penam!

Markus 13:34

Kova hi yaake har pash i morsheste, kay djas ap o them. Yob moukas peskro kheer oun das peskre boudepangren lauter an o vast, hakeneste das lo leskri boudi. Oun penas ap koleste, kay pash o voudar beshdo hi: De garda ap miro kheer! Ma sob!

Jesaja 8:10

Rakrenn khetne har te djan glan, oun djinenn, kolestar vell či. Rakrenn yaake boud har kamenn, Či vell vin. O Devel hi mentsa.

Gosewe laba 21:30

Kote dell kek gosvepen, či hoy yek feteder nay djinals oun penals, har nay krell o baro Devel.

2. Samuel 15:31

Oun har o Davideske penlo vas, kay o Ahitofel ap o Absalomeste rikrell, penas yob: “Baro Devel, kre te patsell hakeno, kay kova, hoy o Ahitofel penell, dinlepen hi!”

Nehemia 4:16

An ko tsiro penom me ap i pralstunende: “Hakeno te ačell peskre morshentsa rati an o foro Yerusalem, yaake te hi men doha morsha, kay denn yak an i rat oun boudrenn ap o dives.”