Nehemia 3:5 - O Debleskro Lab 2024 (Sinte-Manouche)

⁵ Oun ap koleskri rig boudran i morsha dran o foro Tekoa. Oun lengre pralstoune kaman gar te boudrell oun kran gar, hoy lenge penlo vas.

O Debleskro Drom 2021 (Sinte)

⁵ Un ap koleskri rig budran i mursha dran o foro Tekoa. Un lengre pralstune kaman gar te budrell un kran gar, hoi lenge penlo was.

Nehemia 3:5 Referans Kwoze

Nehemia 3:27

Pal koleste boudran i morsha dran o foro Tekoa ap i massouri, vergel kotar, kay ko turmo glan tardo his, bis pash koy massouri troul i platsa Ofel.

2. Samuel 14:2

Oun yob bičras yekes an o gab Tekoa, oun moukas kotar i gosevi djouvyat te anell, oun penas ap late: “Kre yaake har te vals i djouvel, kay rovell pral yekeste, kay meras! Oun rib touke i kalo ripen an, oun mak tout gar o djeteha dren! Kre yaake har i djouvel krella, kay lake rah tsiro ropaske hi pral koleste, kay meras.

1. Korintarja 1:26

Dikenn ap t'mende, mire phrala: Mank t'mende hi gar boud goseve menshe, gar boud pralstoune oun gar boud, hoy mishto an-diklo hi.

Bičepangre 15:10

Kamenn t'mer, te vell o Devel rhoyedo ap t'mende? Ma čivenn pharo koova ap lende, kay nay hidjran mare phoure gar, oun mer vitar gar!

Mateo 11:29

Me hom t'menge i lačo ray, oun dikau ap kekeste tele. Shounenn ap mande oun krenn, hoy me t'menge penaua! Oun t'maro dji vell pale zorelo.

Amos 1:1

Kava hi, hoy sikras o Devel o Amoseske pral o kheer Israel an ko tsiro, kay o Usiya o baro ray his pral o them Youda. Oun o Yerobeam, koleskro dad o Yoash hi, his o baro ray pral Israel. His douy bersha glan ko tsiro, kay i phoub zoreles trissas oun pre phagas. O Amos vas dran o foro Tekoa oun his yek kolendar, kay dan yak ap i bakrende.

Jeremia 27:12

Oun me penom kal tsele laba ap o baro rayeste pral o them Youda, o Sedekya, oun penom leske ninna: Te kamenn t'mer djido te ačell, krenn, hoy o baro ray dran Babilonia t'mendar kamell, oun moukenn les oun leskre menshen o ray pral t'mende te vell!

Jeremia 27:8

Kanna penau t'menge, te hounte krenn t'mer, hoy kamell o baro ray dran Babilonia t'mendar, yaake har hounte krell i gouroum, koles i kasht troul leskri meen hi, kova, hoy leskro ray kamell. Hako them peskre menshentsa, hoy kamell kova gar te krell, koles dau i phagi. Leskre menshe hounte merenn an o kourepen, i bokatar oun dran nasslepen, bis te moukau o Neboukadnezares ko them dren te lell.

Jeremia 27:2

O baro Devel penas ap mande: Kre touke i kasht oun čip les ledertikre doryentsa troul tiri meen, har i kasht troul i groumyakri meen čiddo vell!

Čačepangre 5:23

Praasenn o foro Meros, penas o baro Debleskro bolepaskro. Praasenn kolen, hoy an ko foro djivenn! Ava, praasenn len! Yon van gar ap o baro Debleskri rig, oun djan gar an o kourepen khetne kol čače morshentsa.

Nehemia 3:4

Oun kolenge ap i rig boudras o Meremot, koleskro dad o Ouriya his oun koleskro dad o Hakkoz his. Oun ap koleskri rig boudras o Meshoullam, koleskro dad o Berekia his, koleskro dad o Meshesabel his. Oun ab koleskri rig boudras o Zadok, koleskro dad o Baana his.

Nehemia 3:6

Oun o foreskro voudar, hoy kharell Phouro Voudar, kras o Yoyada, koleskro dad o Pasea his, khetne o Meshoullam, koleskro dad o Besodja his. Yon čivan kol pesse zorele kashta pre, oun čivan kol douy voudya dren, ninna i kashtengre oun o saster, hoy kol voudya pandella.

2. Familjakro liil 11:6

Kal forya his: Betlehem, Etam, Tekoa,

Jeremia 6:1

T'mer menshe dran o kheer Benyamin, nashenn dran Yerusalem! oun phourdenn koy phourdepaskri an Tekoa! Krenn i yag ap i berga Bet-Kerem, te vell o yagakro dourho i sikepen! Bari bibarht oun merepen vell kotar, kay norden hi.