Nehemia 3:1 - O Debleskro Lab 2024 (Sinte-Manouche)

¹ Oun o baro rashay Elyashib kras pes ap i boudi peskre phralentsa, kol vavar rashayentsa, oun yon čivan o foreskro voudar pale pre, hoy kharas Bakrengro Voudar. Oun yon rakran o Debleskri barht pral leste vin, oun čivan kol douy voudya dren. Oun yon čivan ninna koy massouri pale pre bis pash ko turmo, hoy kharell Mea, oun bis pash ko turmo, hoy kharell Hananel, oun rakran o Debleskri barht pral i massouri vin.

O Debleskro Drom 2021 (Sinte)

¹ Un o baro rashai Eljashib kras pes ap i budi peskre phralentsa, kol wawar rashajentsa, un jon tchiwan o foreskro wudar pale pre, hoi kharas Bakrengro Wudar. Un jon rakran o Debleskri bacht pral leste win, un tchiwan kol dui wudja dren. Un jon tchiwan ninna koi massuri pale pre bis pash ko turmo, hoi kharell Mea, un bis pash ko turmo, hoi kharell Hananel, un rakran o Debleskri bacht pral i massuri win.

Nehemia 3:1 Referans Kwoze

Nehemia 12:39

oun palle doureder bis pash o Efrayimeskro Voudar, oun palle pash ko Phouro Voudar oun palle doureder pash ko Mačengro Voudar oun doureder bis pash ko turmo, hoy kharell Hananel, oun doureder bis pash ko turmo, hoy kharell Mea, oun doureder bis pash o Bakrengro Voudar. Oun pash ko Stilepaskro Voudar ačan le tardo.

Jeremia 31:38

Dik, penell o baro Devel, o tsiro vell, kay vell o baro Debleskro foro Yerusalem neves kerdo. Leskri massouri djal foun ko turmo Hananel bis ap o voudar, kay i rigya khetne venn;

Johanni 5:2

An o foro Yerusalem his i pani pash ko foreskro voudar, kay kharella bakrengro voudar. Ko pani kharella ap hebretikes Betesda. Kote his i thopaskro kheer, kay panč bare iseme dren his, kay pre his.

Zakarie 14:10

O tselo them Youda vell i bourhlo telstouno them mank o foro Geba oun o foro Rimmon, hoy hi čačes o forestar Yerusalem čiddo. O foro Yerusalem ačell pralstounes čiddo, oun djal o voudarestar Benyamin bis kote, kay o ersto voudar his, oun kotar doureder bis pash o voudar, kay i rigya khetne venna, oun foun o turmo Hananel bis kote, kay i mool dran i drake o baro rayeske kerdo vas.

Gosewe laba 3:9

De o baro Debleste tiro bravlepastar oun ko feteder kolestar, hoy touke khetne anal, yaake hadeh leskro lab.

Nehemia 13:28

Oun o čavo o baro rashayestar Elyashib, o Yoyada, koles his morsh čave, kolendar yek i romyat las, kolakro dad o Sanballat hi dran o foro Bet-Horon. Oun koles tradom mandar krik!

Nehemia 3:32

Oun mashkral i pralstouni isema ap i ekka oun i Bakrengro Voudar boudran i parepangre oun kolla, kay krenn shoukar koova dran sonakay.

Gosewe laba 3:6

Rike tout ap o baro Debleste, hoy tou ninna kreh! Oun yob krell tiro drom čačo glan toute.

Debleskri gili 30:1

I gili o Davidestar, te givenn le ap kol bare divessa, kay o Debleskro kheer kerdo vas.

Nehemia 12:30

Oun i rashaya oun Levitarya čoran Debleskro pani ap pende, te krenn le pen djoudjo glan o Debleste. Oun palle čoran le ninna o Debleskro pani ap i menshende, ap o foreskre voudya oun ap i massouri.

Nehemia 7:1

Oun har i massouri tardo his, oun me o voudya dren čivom, vas kol morshen pengri boudi dino, kay pash i voudya yak hounte dan, ninna i gipangren oun i Levitaryen.

Nehemia 6:1

O Sanballat oun o Tobiya oun o Geshem, ko Arabari, oun kol tsele vavar, kay menge čilačepen kaman, kolla shounan, kay his i massouri kerdo, oun kek kotar pral ačas, kay barra vi-phagedo his. An ko tsiro his kokres i voudya gomme gar dren.

Nehemia 3:20

o Barouk, koleskro dad o Sabbay his. O Barouk boudras peskro tselo djiyeha ap ko kotar ap i massouri, hoy djal doureder bis pash o kheer, kay o baro rashay Elyashib djivas;

5. Mose 20:5

Pal kova hounte rakrenn i pralstoune ap i kourepangre oun poučenn: Hi mank t'mende yek, kay i kheer pre tardo čivas oun moukas gomme gar o Debleskri barht pral kova vin te rakrell? Kova hounte djal pale an peskro kheer, te merell lo gar an o kourepen, oun i vavar morsh djivell an leskro kheer.

Nehemia 12:10

O Yeshoua las i čavo. Leskro lab his Yoyakim. Koleskro čavo his o Elyashib, koleskro čavo his o Yoyada,

Debleskri gili 48:12

Pral kova hi kol menshe ap i berga Sion barhtelo. Tou dal men maro čačepen. Doleske denn le gole i barhtyatar an i tsele forya an o them Youda.

Daniel 9:25

Kanna dikess oun hayvess: Har ko lab penlo vas, te vell o Yerusalem pale neves kerdo bis pash ko tsiro, kay vell i ray o Deblestar bičedo, djan efta kope efta bersha trouyel. Oun pal efta kope 62 (shob-deesh-te-douy) bersha hi lo pale neves kerdo peskre dromentsa oun zorele kherentsa, ninna te hi kova an i pharo tsiro boud kourepah.

Nehemia 3:21

o Meremot, koleskro dad o Ouriya his, koleskro dad o Hakkoz his. Yob kras ko kotar, kay djal foun kotar, kay o voudar hi an o Elyashibeskro kheer bis kote, kay leskro kheer pre heras.

Nehemia 13:4

Glan yek tsiro vas o rashay Elyashib o pralstouno pral i rhapangre khera pash o Debleskro kheer. Oun yek leskre menshendar his o Tobiya.