Nehemia 2:18 - O Debleskro Lab 2024 (Sinte-Manouche)

¹⁸ Oun me penom lenge ninna, har lačes miro Devel ap miri rig vas, oun hoy o baro ray Artaxerxes ap mande penas. Kote penan le: “Avenn, kras men ap i boudi, te čivas lauter pale pre!” Oun yon kran yek o vavareske i vasta zoreles, te krenn le koy lači boudi.

O Debleskro Drom 2021 (Sinte)

¹⁸ Un me penom lenge ninna, har latches miro Dewel ap miri rig was, un hoi o baro rai Artaxerxes ap mande penas. Kote penan le: “Awenn, kras men ap i budi, te tchiwas lauter pale pre!” Un jon kran jek o wawareske i wasta soreles, te krenn le koi latchi budi.

Nehemia 2:18 Referans Kwoze

Filiparja 2:13

Yob sikrell t'men, hoy yob kamella. Ninna krell lo an t'mende, te kamenn t'mer kova, hoy yob kamella, oun te nay krenn kova ninna.

2. Familjakro liil 32:5

Oun o Hiskiya rikras pes mishto oun moukas kol massurya troul o foro, kote kay le tele phagedo his, neves te krell. Oun kol turme kras lo bareder, oun moukas vin i douyti massouri pre te čivell. Ninna moukas lo o Millo zorleder te krell an o Davideskro foro, oun moukas boud vitsepaskre čourya oun shilte te krell.

1. Familjakro liil 19:13

Ma dare, las men khetne te kouras kek daryah mare menshenge oun kol foryenge maro Deblestar! O baro Devel krella, hoy mishto hi an leskre yaka.”

Efesarja 6:10

Ninna kamau t'menge te penell: Avenn zoreles an o patsepen ap o rayeste, o Yezouseste! Les hi i bari zoor t'menge.

Esra 6:22

Oun yon lauter rikran kol bare divessa, kay rhan le efta divessa maro, kay kek shoutlo yarro dren hi. Halauterenge his i gipaskro tsiro. O baro Devel das len barhtele djia oun kras, te dikas o ray pral o them Assour kamles ap lende. Yaake van lengre vasta zoreles, te nay kran le o kheer o Israeleskro Debleske.

2. Samuel 2:7

Avenn zorele oun čače morsha! O Saul, t'maro ray, hi moulo. Oun i morsha dran o kheer Youda makan man o djeteha dren, te vap baro ray pral lende.”

1. Familjakro liil 11:10

Kalla hi kol laba o Davideskre zorele morshendar, kay rikran zoreles pash leste. Khetne i tsele menshentsa Israel kran le les baro ray pral Israel, yaake har o baro Devel penas pral Israel.

1. Samuel 23:16

Kote kras pes o Sauleskro čavo, o Yonatan, ap o drom, oun djas pash o David pre an Horesha, oun kras leskro dji zorelo an o patsepen ap o Debleste.

Nehemia 2:8

Oun mouk ninna i liil te činell ap o Asaf, ko pralstouno pral o rayeskre vesha, te dell lo man kasht, te nay krap voudya o zorelo khereske, hoy pash o Debleskro kheer tardo hi, oun ninna kasht, te čivap i massouri troul o foro pale pre, oun kasht ko khereske, an koleste me palle djivau.” Oun o baro ray das kova lauter. Miro Debleskro lačo vast his mantsa.