Nehemia 2:17 - O Debleskro Lab 2024 (Sinte-Manouche)

¹⁷ Kanna penom ap lende: “T'mer dikenn kay bibarht, an kalate mer ham: o tselo foro Yerusalem hi paash dino koy čiddo. Oun leskre voudya hi tele rhačedo. Avenn, te čivas mer i massurya troul o foro Yerusalem pale pre, yaake te nay praasenn le men gar bouder.”

O Debleskro Drom 2021 (Sinte)

¹⁷ Kanna penom ap lende: “Tumer dikenn kai bibacht, an kalate mer ham: o tselo foro Jerusalem hi paash dino koi tchiddo. Un leskre wudja hi tele chatchedo. Awenn, te tchiwas mer i massurja trul o foro Jerusalem pale pre, jaake te nai praassenn le men gar buder.”

Nehemia 2:17 Referans Kwoze

Ezekiel 5:14

Toutar, Yerusalem, krau i moulo foro. Či har barra ačenn toutar pral. I menshe an i vavar themma troul toute trouyel, san pral toute – hakeno kay djal koy oun dikell tout.

Nehemia 1:3

Oun yon penan mange: “Kol menshe an o them Youda, kay van gar pandles krik anlo, djivenn an bari bibarht oun ladj. Oun i massouri troul Yerusalem hi tele phagedo, oun i bare voudya hi pre-rhačedo.”

Debleskri gili 79:4

Mer ham praasedo kolenge, kay troul mende djivenn, ham lenge sapaske, oun yon rikrenn men dineleske.

Ropaskre gilja 3:51

Mire yaka doukenna, te dikau, har i djouvyenge an miro foro djala.

Ropaskre gilja 2:2

I gaba oun i khera kras lo paash, an kolende o Yakobeskre čave djivan. Oun yon khaytan les gar. I zorele forya an o them Youda phagas lo tele an peskri rholi. Pral lengro them anas lo ladj, oun lengre raya vitsras lo an i čik.

Jeremia 24:9

Me anau savi bibarht pral lende, te ačell i menshenge an i tsele themma ap kay phoub o rakepen krik. Kote, kay len tradau, venn le sapaske oun praasepaske. Te kamell yek o vavares te praasell, penell lo: Touke te djal har kol menshenge dran Yerusalem oun Youda!

Debleskri gili 79:12

Kolla, kay an i themma troul mende djivenn, praasan tout, maro rayes. De len kova efta kope pale, hoy kran le ap toute!

Debleskri gili 44:13

Hi yaake har te bikrals tire menshen čičeske, oun lals gar boud love lenge dren, har bikral len.

1. Samuel 11:2

O Nahash penas ap lende: “Kava hi, hoy t'mentsa vin krau: Me dau hakeneske t'mendar o čačo yak vin. Yaake anau ladj ap o tselo Israel!”

Nehemia 2:13

Yaake djom rati dran o Telstouno Voudar vin, oun doureder glan vergel ko pani, hoy kharell Sapeskro Pani, oun kotar doureder bis pash o firhengro Fouleskro Voudar. Oun me dikom mange mishto an, kay o foreskre massurya dren phagedo hi oun kol voudya pre-rhačedo van.

Nehemia 2:16

Oun i čačepangre morsha an o foro hayvan či kolestar, kay me homs oun hoy me krom. Či penom i biboldenge, vitar gar i rashayenge, i pralstunenge, i čačepangre morshenge oun kek vavarenge, kay pash koy boudi hoy man glan his, pashel hounte venn.

Nehemia 3:15

Oun o Djido Panyeskro Voudar kras o Shalloum, koleskro dad o Kol-Hose his. O Shalloum his o pralstouno pral o them troul o foro Mispa. Yob kras ko Djido Panyeskro Voudar oun čivas i dacha pre, oun kol douy voudya dren, ninna i kashtengre oun i saster, hoy i voudya pandenna. Oun yob čivas i massouri pale pre pash ko tikno pani Shelah, hoy pash o baro rayeskri baar his, bis pash o barrengro drom, hoy djal tele dran o Davideskro foro.

Esra 9:9

Mer hams pandle boudepangre, oun tou, maro Devel, moukal men gar kokres an maro pandepen. Tou kral, te dikan i raya pral o them Persia lačes ap mende, oun dal men nevi zoor, te nay čivas mer tiro kheer pale pre, yaake te vas dran kol paash dine oun rhačede barra i nevo kheer touke. Kova kral tou, te djivas mer pale an o them Youda oun an o foro Yerusalem kek trashah.

Debleskri gili 44:14

Tou kral, te hounte ladjas men glan i menshende, kay djivenn an i themma troul mende; yon sanenn pral mende oun praasenn men.

Debleskri gili 102:15

Tire boudepangre kamans, te vell o foro neves kerdo. Lenge hi ropaske pral i barra ko tele-phagedo forestar.

Micha 7:11

T'mer an o foro Yerusalem, ko dives vella, kote vell t'maro foro pale pre-čiddo, oun t'maro them vell bareder har hi lo kanna.