Nehemia 13:31 - O Debleskro Lab 2024 (Sinte-Manouche)

³¹ Oun penom ninna, koon ap havo tsiro o kasht hounte anell rhačepaske, oun krom, te vell o nevo djob oun i neve roukengre anlo. Biste kova mange gar, miro Devel, oun dik lačes ap mande!

O Debleskro Drom 2021 (Sinte)

³¹ Un penom ninna, koon ap hawo tsiro o kasht hunte anell chatchepaske, un krom, te well o newo djob un i newe rukengre anlo. Biste kowa mange gar, miro Dewel, un dik latches ap mande!

Nehemia 13:31 Referans Kwoze

Nehemia 13:14

Dik, hoy kay krom, miro Devel! Ma biste ko lačepen, hoy krom ap tiro kheer, te vell koy boudi an leste mishto kerdo.

Nehemia 13:22

Oun me penom ap i Levitarya, te krenn le pen djoudjo o Debleske. Palle te venn le pash o foreskre voudya oun denn koy yak, te vell o Debleskro dives dren rikedo. Ninna kava biste mange gar, miro Devel. Oun dik lačes ap mande an tiro baro kamlepen.

Debleskri gili 106:4

Baro Devel, tou dal tire menshende tiro lab, te vess ap lengri rig. Biste man gar oun ab mange lačo!

Debleskri gili 25:7

Biste miri doosh, hoy ap mande lom, har terno homs, oun miro čilačo koova! Kre mange tiro dji pre, miro baro Devel!

Nehemia 10:34

Ko roup hi i marenge, hoy o Debleske koy čiddo venn, oun ko rhapaske oun kol firhenge, hoy venn leske rhačedo hako dives; ninna kolenge, kay venn o Debleske anlo ap hako Debleskro dives, oun ap hako nevo čon oun ap i vavar bare divessa. Ko roupeha vell ninna o vavar koova playsedo, hoy denn le o Debleske, ninna kol firhe, hoy venn rhačedo, te vell i Israelengri doosh krik lino, oun i tseli boudjake an maro Debleskro kheer.

Louka 23:42

Oun yob penas ap o Yezouseste: “Yezous, ma biste man, te hal tou kote, kay tou o baro ray hal!”

Nehemia 5:19

Ma biste kova mange, miro Devel, hoy lauter kol menshenge krom!

Nehemia 10:35

Mer anah hako bersh o kasht rhačepaske an maro Debleskro kheer, te nay vell les rhačedo ap i rhačepaskri maro baro Deblestar, yaake har činlo hi an o Moseskro liil. Mer, i rashaya, i Levitarya oun i vavar Israelitarya, vitsrah tikne barra, te sikrenn le, koon mare familyendar an havo tsiro kava kasht anell.

Nehemia 10:38

Mer dah len ninna foun o nevo yarro oun kol neve roukengre, hoy ap mare rouka bares van, ninna foun i nevi mool oun o nevo djet oun čivenn kova lauter an i iseme pash maro Debleskro kheer. Ninna i Levitaryen te vell, hoy lenge hi: o deshto kotar lauterestar, hoy ap maro phoub baro vas. Kolla te venn oun lenn penge o deshto kotar an hako gab oun hako foro, kay mari harhetikri phoub hi.